Арнайы түзете дамыту сабақтарында көру қабілеті бұзылған балаларды жаңартылған білім мазмұны бойынша оқытудың ерекшеліктері

Воскобович ойындары кішкентай балалар мен одан жасы үлкен балаларға да арналған. Себебі ол ойындарды ауыстырып баланың ыңғайына келтіріп алуға болады. Бұл ойындар тек дамытпайды, сонымен қатар оқытады және үйретеді. Осы ойыншықтардың көмегімен бала көптеген жаңа сөздерді, сандар мен әріптерді үйренеді, олардың логикалық ойлау қабілеттері және ұсақ қол моторикасы дамиды.

Ерік және мінез қасиеттерін бекітеді, адамгершілік сапаны жетілдіреді.

Ұжымдық сезім әрекеттері өсе түседі.

Эстетикалық тәрбие беру құралына айналады.

Еңбек тәрбиесін беру мақсаттарын шешуге мүмкіндік береді.

Дене күшінің жетілуіне көмектеседі.

Воскобовичтың көптеген ойындары "емдік дене тәрбиесі" сабағында кеңінен қолданылып жүр. Соның ішінде көп кездесетін ойындарының бірі: "чудо головоломок", "Воскобович шаршысы", "түрлі түсті тор", "геоконт", "шнурка-малыша" т.б. Воскобович ойындары қолмен және білезік жұмыстарына, яғни ұсақ қол моторикасын дамытуға жақсы әсер етеді. 

Нашар көретін және көрмейтін балаларды оқытудағы жаңа технологияларды қолдану: біріншіден, оқушылардың білімін берік меңгерту құралы болса, екіншіден, балалардың сабаққа деген қызығушылығын, белсенділігін арттырып, білім сапасын көтеру болып табылады.

Қорыта келгенде, жаңа бағдарламаның мәні - баланың функционалды сауаттылығын қалыптастыру. Осындай жүйелі жұмыстар нәтижесінде оқушының білімге деген ынтасы арта түседі, олар өз бетімен жұмыс істеуге қалыптасады, өзін-өзі бағалап, өзіне деген сенімділік пайда болады. Жеке тұлға ретінде дамуына әсер етеді. Оқушы өзінің мектеп қабырғасында алған білімін өмірінде қажетке асыра білетін болады. Сол үшін де жаңа бағдарламаның негізі "Өмірмен байланыс" ұғымына құрылған. Балаларымыз өмірдің барлық салаларында табысты болу үшін, қажетті дағдыларды дарыту үшін, мұғалімдер тынымсыз еңбектену керек. Оқушы бойындағы қабілетті жетілдіріп, баланы болашаққа жетелеп, жақсы істі жасап отырмыз. Жаңартылған білім - болашақтың кепілі.