Ақпараттық пакет 6М090500 – «Әлеуметтік жұмыс» мамандығы информационный пакет специальности 6М090500 – «Социальная работа»

Ректор -

Техника ғылымдарының докторы, профессор, ҚР Ұлттық инженерлік академиясының және Халықаралық жоғары мектеп ғылым академиясының академигі.

Ғылыми зерттеу нәтижелері бойынша шетелдік, одақтық және республикалық басылымдарда 300-ден артық ғылыми еңбегін, соның ішінде 3 монография, 4 оқу құралы, 30 әдістемелік нұсқаулық пен ұсынымды жарыққа шығарды. 11 авторлық куәліктің иегері.

«Құрмет» орденімен, «Қазақстан Республикасының еңбегі сіңген қайраткері» белгісімен, «Жоғары білім беру саласындағы жеткен жетістіктері үшін», «Қазақстан Республикасы білім беру ісінің үздігі», «Қазақстан Республикасы білім беру ісінің құрметті қызметкері», «Қазақстан Республикасында инженерлік істің дамуына қосқан үлесі үшін» төсбелгілерімен, ҚР Президентінің Алғыс хатымен марапатталған.

Геология-минералогия ғылымдарының кандидаты, ҚР Халықаралық ақпараттандыру академиясының мүшесі, Ресей жаратылыстану академиясының профессоры.

40-тан артық ғылыми мақала, соның ішінде 6 оқу құралын, 1 ұжымдық монографиясын, импакт-факторлы журналда 1 мақаласын жариялады.

«Жер қойнауын барлау үздігі» белгісімен, «Ы. Алтынсарин» мерейтойлық төсбелгісімен, «Айрықша еңбегі үшін», «Үздік түлек» медальдарымен, ҚР Армия Генералы С.Нұрмағанбетов атындағы медалімен, Алматы қ. әкімінің Құрмет грамотасымен марапатталған. РФ ғылым және білім беру ісінің еңбегі сіңген қызметкері.

Филология ғылымдарының докторы, профессор, Қазақстандық орыс тілі мен әдебиеті оқытушылары қоғамының мүшесі (КАЗПРЯЛ), Қазақстан халқы Кіші Ассамблеясының мүшесі, Бүкілресейлік когнитивтік зерттеулер қауымдастығының мүшесі.

Экономика ғылымдарының докторы, доцент.

Тарих ғылымдарының кандидаты, доцент.

Оқу құралы мен 40-астам ғылыми жарияланымын жарыққа шығарды.

Қазақстан Республикасы білім беру ісінің құрметті қызметкері төсбелгісімен марапатталған.

1.3 Университеттің жалпы сипаттамасы
Ш.Уәлиханов атындағы Көкшетау мемлекеттік университеті Қазақстанның солтүстік аймағының білім беру жүйесінде 50 жылдан астам уақыт бойы жетекші орындарда келе жатқан жоғары оқу орны.

Қазіргі уақытта Ш.Уәлиханов атындағы КМУ – өзінің лайықты дәстүрлері мен зор әлеуеті, алға қойған үлкен жоспары бар, заманауи, қарқынды дамып келе жатқан жоғары оқу орны болып саналады.

Ш.Уәлиханов атындағы КМУ басты міндеттерінің бірі – түлектердің бәсекеге қабілеттілігі мен сұранысқа ие болуын, дипломдардың халықаралық деңгейде танылуын қамтамасыз ету, профессор-оқытушылар құрамының экономикалық және қоғамдық мәртебесін арттыру. ЖОО бүгінгі күнде әлемдік білім беру және ғылыми-ақпараттық жүйесімен тығыз қарым-қатынас орнату стратегиясын жоспарлап отыр. Университет халықаралық ынтымақтастықты нығайту мақсатында Польша, Түркия, Германия, АҚШ, Ұлыбритания, Словакия, Ресей, Орталық Азия елдерінің 60-тан артық жетекші ғылыми орталықтарымен қарым-қатынас орнатқан.

ЖОО бакалавриаттың 53 мамандығы, магистратураның 28 мамандығы, PhD докторантурасының 3 мамандығы бойынша мамандарды үш деңгейлі даярлауды (бакалавриат, магистратура, докторантура) жүзеге асырады. Бакалавриаттың 7 мамандығы және магистратураның 4 мамандығы бойынша: Химия, Биология, География, Экология, Информатика, Математика, Физика мамандықтары бойынша көптілді білім беру бағдарламалары іске асырылып келеді. Ф.Достоевский атындағы Омбы мемлекеттік университетімен бірлесе отырып, магистратураның Химия, Математика, Шет тілі: 2 шет тілі, Есептеу техникасы және бағдарламамен қамтамасыздандыру, Педагогика және психология мамандықтары бойынша қос дипломды білім беру бағдарламаларын жүзеге асырады.

Қашықтықтан оқыту технологиялары қолданыла отырып, күндізгі, кешкі және сырттай оқу бөлімдерінде (жоғары және орта кәсіптік оқу орнынан кейінгі) мамандар даярлығы жүзеге асырылады.

Университетте жоғары білікті профессор-оқытушылар құрамы еңбек етеді. Жоғары білікті мамандар даярлау, сапалы білім беру қызметін көрсету үшін қажетті мықты материалдық-техникалық базасы бар. Университетке ғылыми-педагогикалық кадрлардың тұрақтылығы, ұрпақтар сабақтастығы, жоғары білім беру сапасын арттыру, корпоративтік рух және патриотизм секілді сипаттар тән. Жан-жақты дамыған тұлғаны тәрбилеу үшін қолайлы, ерекше әлеуметтік-мәдени ортаны қалыптастыратын өзіндік дәстүрлері де бар.

Білім алушылар контингенті бес мың адамға жуық. 350-ден артық оқытушы студенттер даярлау ісін жүзеге асырады. Олардың ішінде 21 ғылым докторы, 84 ғылым кандидаты, «Қазақстан Республикасы ЖОО үздік оқытушысы» грантының 25 иегері бар.

Профессор-оқытушылар құрамы мен студенттер ДААД, АЙРЕКС, ТЕМПУС, «Бундестаг» Халықаралық парламенттік стипендиясы, «Болашақ» президенттік бағдарламасы , СОРОС халықаралық білім беру бағдарламаларына қатысады және Германия, АҚШ, Ұлыбритания, Малайзия, Ресей, Түркия, Чехия, Сингапурдың ЖОО-ы мен ғылыми орталықтарында білім алып, тағылымдамадан өтеді. Ауыл шаруашылығы мамандықтарының студенттері ЛОГО бағдарламасы аясында Германия шаруашылықтарында өндірістік тәжірибеден өтеді. Оқытушылар мен студенттерге арналған академиялық ұтқырлық бағдарламасы белсенді жүзеге асырылып келеді.

Университеттің материалдық-техникалық базасы жылдан жылға жаңартылып, нығая түсуде. Қазіргі уақытта университет құрамында 5 оқу ғимараты, 5 интернет-кафе, 8 оқу залы, 2 мұражай, 29 компьютерлік сынып, 28 мультимедиялық сынып, Студенттер үйі, 4 жатақхана, студенттердің тамақтану орталығы, оқу-тәжірибе шаруашылығы, монша-кір жуу кешені бар.

Оқу үдерісін автоматтандыру үшін «Платонус» бағдарламасы енгізілген.

Ш.Уәлиханов атындағы КМУ кітапханасында ғылыми және ғылыми-әдістемелік басылымдар саны 700 мыңнан артық бірлікті құрайды. Университеттің жеке типографиясы бар. Университеттің «Алау» газеті ай сайын, «Ш.Уәлиханов атындағы Көкшетау мемлекеттік университетінің Хабаршысы» ғылыми журналы жылына екі рет шығарылады.
1.6 Халықаралық бағдарламалар/ Тағылымдамалар/ Алмасу бағдарламалары
Болон үдерісі халықаралық бірыңғай білім беру кеңістігін құруды мақсат тұтатын елдердің жоғары білім беру жүйелерінің өзара белсенді әрекет етуін көздейді. Қазақстанның Болон декларациясына қол қоюы жоғары білім беру сапасын және халықаралық еңбек нарығында Республиканың жоғары оқу орындары түлектерінің бәсекеге қабілеттілігін арттыруға бағытталған тарихи қадам.

Академиялық ұтқырлық бағдарламасы Болон үдерісінің басымды бағыттарының бірі. Қазақстанның білім беру жүйесіне академиялық ұтқырлық бағдарламасын белсенді енгізу білім беру деңгейін арттыруға, шетелдік студенттерді тартуға, ЖОО түлектерінің бәсекеге қабілеттілігін қамтамасыз етуге ықпал ететін болады. Қазіргі уақытта университет ішкі және сыртқы академиялық ұтқырлықты белсенді дамытып келеді. Біз көптеген шетелдік және қазақстандық серіктес жоғары оқу орындарымен академиялық ұтқырлық бағдарламасын жүзеге асыру жөнінде ынтымақтастық келісіміне қол қойдық. TEMPUS, ERASMUS MUNDUS халықаралық жобалары аясында орындалатын жұмыстар академиялық ұтқырлықты дамытуға ықпал етеді.

Ресей, Германия, Англия, Италия, Польша және басқа да елдердің жоғары оқу орындарымен бірлескен білім беру бағдарламалары жүзеге асырылып келеді.

1.7 Университеттің әлеуметтік саласы
Университет студенттер мен қызметкерлерді әлеуметтік қорғау мәселесіне көп көңіл бөледі. ЖОО-да медициналық пункт, «Арасан» профилакторийі жұмыс істейді. Университеттің 2 дене шынықтыру-сауықтыру кешенінен тұратын заманауи спорттық базасы, тренажер залы, баскетбол, волейбол, күрес, көркем гимнастика залы, 2 спорт залы, Зеренді демалыс аймағының орманды алқабында орналасқан «Тұлпар» спорт-сауықтыру лагері бар. Дене шынықтыру-сауықтыру бағытындағы топтар мен спорт секциялары жұмыс істейді.

Университеттегі тәрбие жұмысы біртұтас және жан-жақты кешенді қызмет ретінде жолға қойылған. Университетте Жастар ісі жөніндегі комитет (ЖІК), Студенттік кеңес, Студенттер мәслихаты, «Атамекен» студенттер ассамблеясы, «Зияткер» жарыссөз клубы, КМУ Студенттер альянсы, көңілділер мен тапқырлар клубы, «Рубикон» әдеби клубы, зияткерлер клубы, «Спартак» спорт клубы, «Әлем» педагогикалық жасағы, «Жауқазын» студенттер театры сияқты студенттік ұйымдар, студенттердің жиырмадан астам шығармашылық топтары жұмыс істейді және белсенді дамып келеді. Университет студенттері Ақмола облысы әкімінің жүлдесі үшін өткізілетін студенттік спартакиада, сан алуан спорт түрлері бойынша универсиадалар, әлем, Еуропа, Азия чемпионаттары сынды облыстық, республикалық және халықаралық турнирлердің бірнеше мәрте жеңімпаздары мен жүлдегерлері болып табылады.