Ақмола облысы Бурабай ауданы Тақырыбы: «Ыдыстар» Қазақ тілі мұғалімі

• 
  Балалар, бүгін біздің сабағымызға қонақтар келген екен. Олармен амандасайық.
  
• 
  Балалар, мен сендерге бір ертегіден үзінді айтып берейін. Сендер Қызыл телпек туралы ертегіні білесіңдер ме? Қызыл телпек үнемі әжесіне қонаққа келіп тұрады. (пердені ашу, үстел басында әжесі отырады).
  
• 
  Бұл Қызыл телпектің әжесі. Әжемен амандасайық. (Қызыл телпек себетпен жанына келеді). Балалар, бүгін де Қызыл телпек әжесіне келген екен.
  

• 
  Әже, мен сізге тәтті тоқаш әкелдім.
  

• 
  Күнім сол!
  
• 
  Балалар, қараңдаршы, Қызыл телпек әжесіне тәтті тоқаштар әкелген екен. Әжесіне бергісі келеді. Оны қайда салады? (балалар жауабы)
  
• 
  Олай болса, Қызыл телпекке тәрелке берейік.
  

• 
  Әже шай құйып берейін.
  

• 
  Рахмет, жарығым!
  
• 
  Балалар, шай құю үшін Қызыл телпекке не қажет? (балалар жауабы)
  
• 
  Онда, оған шайнек пен кеселер берейік.
  

• 
  Әже, қант салып берейін.
  

• 
  Сала ғой.
  
• 
  Балалар, ал, қант салу үшін не қажет? (балалар жауабы)
  
• 
  Ендеше, қасықтар берейік. Енді Қызыл телпен әжесімен бірге шай ішсін, біз кедергі жасамайық. Қоштасайық.(пердені жабу)
  
• 
  Біз Қызыл телпекке қандай заттарды бердік?
  
• 
  Оларды бір сөзбен қалай атаймыз?
  
• 
  Бүгінгі ҰОӘ-нің тақырыбы «Ыдыстар».
  

Ойларымен бөліседі.

Сұраққа жауап іздестіреді.

Пікірлерін айтады.

Сұрақтарға жауап береді.

Ізденуші-ұйымдастырушы

- Балалар, енді экранға қарап, ыдыстардың түрлері туралы білімдерімізді еске түсірейік. Мен қандайда бір ыдыстың қызметін, не белгісін айтамын, сендер оны атайсыңдар және сол ыдыс экранда пайда болады.

• 
  Бұл ыдысқа шай құямыз (кесе).
  
• 
  Бұл ыдысқа тамақ саламыз (тәрелке).
  
• 
  Бұл ыдыспен тәрелкедегі тамақты алып жейміз (қасық).
  
• 
  Бұл ыдыспен салат жейміз (шанышқы).
  
• 
  Бұл ыдыстарды қолданып, анамыз нан турайды (тақтай, пышақ).
  
• 
  Бұл затпен анамыз нан жайыды (оқтау).
  
• 
  Бұл ыдысқа басбармақ салады (табақ).
  
• 
  Бұл ыдыстардың біреуінде қант, біреуінде сүт тұрады.
  
• 
  Бұл ыдыстан шай құяды (шайнек).
  

• 
  Балалар, жақсы жауап бердіңдер. Енді, сендердің қаншалықты естеріңде сақтағандарыңды тексергім келеді. Ол үшін жұптасып, екі-екіден тапсырма орындаймыз. Мен сендерге торкөздері бар парақтар мен жеке суреттер таратамын. Әр балада суреттер болады.
  
• 
  Енді, мен ыдыстардың атауларын кезекпен айтып тұрамын, сендер мен айтқан ретпен торкөздерге суреттерді орналастырасыңдар. Соңында экран арқылы әр жұп өз жұмысын тексеріп, қателірі болса, түзетеді.
  

Дастарқанды жаямын,

Ыдыстарды қоямын.

Ас ішкен соң соңында,

Өзім жинап аламын.

Ақылды бала боламын,

Ыдыс-аяқ жуамын.

Сүртіп-сүртіп, жақсылап,

Қатар-қатар қоямын.

ІҮ. Слайдпен жұмыс.

- Балалар, енді экранға қарайық. Алдымен заттарды өзара салыстырайық.

Сөз тіркестері: үлкен қасық, кішкентай қасық, оюлы тәрелке, гүлді тәрелке, ұзын оқтау, қысқа оқтау.

- Енді, суретке қарап, сөздерді тәуелдеп айтайық.

• 
  Менің қасығым-сенің қасығың-оның қасығы.
  
• 
  Менің тәрелкем-сенің тәрелкең-оның тәрелкесі.
  
• 
  Менің оқтауым-сенің оқтауың-оның оқтауы.
  

• 
  Қасық-қасықтар.
  
• 
  Тәрелке-тәрелкелер.
  
• 
  Оқтау-оқтаулар.
  

- Балалар, сендер «Үш аю» ертегісін білесіңдер ме?

- Бүгін біз үш аюға арнап дастарқан жаямыз.Ол үшін топтасып жұмыс жасаймыз. Әр топқа мен сурет беремін. Мұнда тағамдар салынған кейбір ыдыстар бар. Бірақ, басқа керекті ыдыстар жоқ екен. Сол ыдыстарды суреттердің ішінен тауып, дастарқан үстіне желімдейсіңдер. Ол үшін мен тақтаға нұсқаулық ілемін. Сол бойынша сендер қай ыдыстың қанша болу керек екендігін қарайсыңдар. Әр топтар бір бала суреттерді табуға жауап береді. Қалған балалар желімдейді.

Қызметіне, белгісіне қарай өздері білетін ыдыстарды табады.

Жаңа тақырыппен танысады.

Жұптасып тапсырманы орындайды.

Торкөздерге ыдыстарды ретімен орналастырады.

Өздерін тексереді.

Сергіту сәтін орындайды.

Слайд арқылы мұғалімнің тапсырмаларын орындайды.

Суреттегі ыдыстарды салыстырып, сөз тіркесін құрайды.
Ыдыс атауларын үш жақта тәуелдеп айтады.

Сөздерге көптік жалғауын жалғайды.

Топтасып шығармашылық тапсырманы орындайды.

- Балалар, көңіл-күйлерің қандай?

- Олай болса, өзіміздің жақсы көңіл-күйімізбен бізге келген қонақтармен бөлісейік. (смайликтерді қонақтарға тарату)

- Осы сабақтан сендерге естелік сыйлық бергім келеді.

Төрт баладан ортаға шығып, өздеріне айтылған ыдысты тауып әкеледі.