7
–
студентпен әзірленген сұрақтар тізімі;
–
ұсынылатын әдебиеттер тізімі;
–
графикалық материалдар тізімі; (кестелер, суреттер)
Диплом жұмысының белгілі бөлімі бойынша кеңес беруші қажет болған
жағдайда Академияның және басқа да ЖОО-да, мамлекеттік органдарда
практикалық немесе ғылыми-зерттеу қызметімен айналысатын оқытушылар,
біліктілікке сай жоғары білікті мамандар тағайындала алады.
Содан соң диплом жұмысының күнтізбесі құрылады. Еңбек
шығындарын қысқарту мақсатында диплом жұмысының ең бірінші
фрагментін жазу барысында ең алдымен оның рәсімделуі жөніндегі
талаптарын оқып үйрену қажет. Диплом жұмысының негізгі тақырыбы
теориялық білімді, зерттеудің қолдану әдістерінің негіздемесін, есеп айырысу
әдістерін қабылдау, жүргізілген эксперименттердің негіздемесі, оларды
талдау,
қорытындылау,
кестелік-иллюстриациялық
материалдарды
көрсететін технико-экономикалық нұсқаларды салыстыру.
Кафедра меңгерушісі студенттердің диплом жұмысын орындау бойынша
кезеңдік есептерінің уақытын белгілейді. Бұл мерзімде студенттер диплом
жұмысының дайындық деңгейін анықтауға байланысты ғылыми жетекшімен
кафедра меңгерушісінің алдында есеп береді.
3.
Диплом жұмысының құрылымы және оның қысқаша мазмұны
Диплом жұмысы Академияның бітіруші курс студенттерінің алған
мамандығына сай дайындалған өзіндік ғылыми жұмысы болып табылады.
Диплом жұмысы көлемі 60-90 бет көлемінде болуы тиіс.
Бұл тараудағы мәселеге толығырақ тоқталмастан бұрын, диплом
жұмысын жазу бойынша негізгі талаптарды тағы да атап өтейік, олар:
жұмыстың мақсатқа бағытталуы; нақты құрылымы; мәліметтерді логикалық,
жүйелі түрде және өз бетінше баяндау; зерттеудің тереңдігі, көрсетілген
бөлім сұрақтарының мазмұнын толық ашу; дәлелдемелердің сенімділігі;
тұжырымдардың қысқалылығы және нақтылығы; жұмыстың нәтижелерін
нақты сипаттау; қорытындының дәлелділігі мен ұсыныстардың негізділігі;
талаптарға сәйкес безендірілуі.
Жоғарыда көрсетілген талаптардан басқа, диплом жұмысын жазу
барысында келесі ережелерді сақтау керек:
-
диплом жұмысының кіріспесі мен қорытындысы 1-3 беттен кем
болмауы міндетті;
-
жұмыстың әрбір тарауы 2-3 параграфтан тұруы керек. Сонымен бірге
әрбір параграфтың көлемі 9-10 беттей болуы шарт;
-
жұмыстың теориялық, талдаулық және конструктивтік бөлімдері
көлемі жағынан шамамен бірдей болғаны дұрыс (Мысалы, дипломдық
жұмыстың көлемі бойынша әрбір бөлім 20-25 % құрайды). Ең көп кездесетін
қателік теориялық тарауы көлемінің (бет саны) көп болуы;
-
әрбір параграфтың, тараудың соңында қорытындылар жасалуы
қажет, яғни мәліметтердің мазмұнын қысқаша баяндап жазу (1 абзац). Әдетте
8
қорытындылар төмендегі сөздермен басталады: «сонымен...», «демек...»,
«жоғарыда айтылғанның негізінде мынадай қорытынды жасауға болады...»;
-
мәліметтер алынған көздерге (оқулық, оқу құралдары, мерзімдік
басылымдар) осы Ережелердің диплом жұмысын рәсімдеуге қойылатын
талаптарына сәйкес сілтеме жасау қажет (4 тарау). Сілтеме көрсетілмеген
жағдайда диплом жұмысын қорғауға жіберілмейді;
-
қолданылған әдебиеттер саны 25-тен кем болмауы қажет.
Диплом жұмысының құрылымы қатал стандартта болуы шарт емес. Ол
көбінесе тақырыптың күрделілігіне, зерттеу әдістемесіне, теориялық және
тәжірибелік маңыздылығына, сонымен қатар қойылған міндеттерге
байланысты болады. Диплом жұмысының құрылымы, әдетте, кіріспеден,
үш тараудан (теориялық, талдаулық, конструктивтік), қорытынды,
қолданылған әдебиеттер тізімінен тұрады. Керек жағдайда көрнекі-
статистикалық мәліметтер жұмыстың соңында қосымша ретінде көрсетіледі.
Диплом жұмысының құрылымдық элементтері болып табылатындар:
-
мұқаба (сыртқы беті);
-
титулдық бет;
-
диплом жұмысына тапсырма (Қосымша Б);
-
мазмұны;
-
кіріспе;
-
негізгі бөлім (бөлімдер);
-
қорытынды;
-
қолданылған әдебиеттер тізімі;
-
қосымша.
Мұқабада (сыртқы бетінде) келесі мағлұматтар келтіріледі
-
диплом жұмысы (жоба) орындалған, ұйымның атауы, (Қосымша Г):
-
студенттің тегі және аты-жөні,
-
диплом жұмысының (жобаның) тақырыбы,
-
жұмыстың түрі-диплом жұмысы (жоба),
-
мамандықтың атауы және коды,
-
қала және жыл.
Титулдық бет диплом жұмыстың бірінші беті болып табылады және
міндетті түрде белгілі ережелермен толтырылады (Қосымша Д).
Титулдық бетте келесідей мәліметтер келтіріледі:
-
ұйым атауы, диплом жұмысының қайда толтырылғаны;
-
дипломдық жұмыс (жоба) орындалған кафедраның атауы;
-
кафедра меңгерушісінің бекіткені жөніндегі қолы;
-
жұмыс түрі - диплом жұмысы (жоба);
-
тақырып көрсетілген дипломдық жұмыс (жоба) атау «тақырыпқа:»;
-
мамандардың атауы және шифрі;
-
сол жақтан - «орындаған» сөзі, оң жақтан қарама- қарсы студенттің
аты-жөні көрсетіледі;
-
бір қатар төмен содан соң «ғылыми жетекші» және жетекшінің аты-
жөні, ғылыми дәрежесі, ғылыми атағы жазылады;
-
қала, жыл.
