Алматы қаласы, Әуезов ауданы Қ. А. Яссауи атындағы №123 мектеп-гимназиясының қазақ тілі мен әдебиеті пәнінің

жүктеу 66,68 Kb.

Дата	05.01.2018
өлшемі	66,68 Kb.
	#7113

Алматы қаласы, Әуезов ауданы

Қ.А.Яссауи атындағы №123 мектеп-гимназиясының

қазақ тілі мен әдебиеті пәнінің

мұғалімі – Ералиева Бекзат Мажитовна.

Сыныбы:

6-сынып

Қазақ тілі Күні: 27.02.2017ж.

Сабақтың тақырыбы:

Сын-қимыл және мөлшер үстеулері

Сабақтың мақсаты:

Білімділік: Оқушыларға сын-қимыл және мөлшер үстеулері туралы түсінік беру. Жаңа білімді жете меңгерту, жан - жақты сапалы білім беру.

Тәрбиелік: Тіл мәдениетін сақтауға, топтық жұмыс арқылы ұжымдық қарым-қатынасқа, сауатты жазуға, бірін-бірі тыңдауға, сыйлауға тәрбиелеу.

Дамытушылық: Оқушылардың өз ойларын еркін білдіре алуға, тапсырмалар арқылы терең ойлауға, шапшаңдыққа, ізденімпаздыққа баулу.

Сабақтың әдіс-тәсілдері

Топтық жұмыс, СТО технологиясының элементтері, диолог, сұрақ-жауап. Кім біледі? Кім жылдам?

Күтілетін нәтиже

- Сын-қимыл және мөлшер үстеулерін түсінеді.

-Өзіндік ойын ортақ пікірге тоғыстыра біледі.

-Әрекетті сыни бағалауды үйренеді, сөйлеу мәнері қалыптасады.

-Топтық жұмыс арқылы кері байланысты үйренеді.

Сабақтың жоспары:

Үйге тапсырма

І. Ұйымдастыру кезеңі: Мақсат қою, топқа бөлу.

ІІ. Сабақтың барысы: СТО – ның 3 фазасы:

Қызығушылығын ояту.
Мағынаны тану.
Ой толғаныс.

ІІІ. Үйге тапсырма беру.

Ереже жаттау, жаттығу, талдау жұмыстарын орындау.

Сабақтың барысы

Мұғалімнің іс-әрекеті:

Оқушының

іс-әрекеті:

Қызығушылығын ояту: білу

Сыныпқа жағымды психологиялық ахуал туғызып, топқа бөлу.

Миға шабуыл:

«Кім біледі?» әдісін пайдаланып оқушыларға сұрақтар қоямын.

Үстеу дегеніміз не?
Үстеу құрамына қарай нешеге бөлінеді?
Үстеу мағынасына қарай нешеге бөлінеді?
Мезгіл үстеуі дегеніміз не?

Мозайкалар арқылы топқа бөлемін.

Оқушылар, алдарыңызда берілген сөз тіркестеріне назар аударайық.

Мысалы:
І. 1. Ақырын жүрді
2. Емін - еркін сөйледі
3. Балаша мәз болды
Қалай?Кімше? Қалайша?Қайтіп?
Қимылдың, іс - әрекеттің амалын, сынын, бейнесін, тәсілін білдіреді. Етістікпен тіркесіп жұмсалады.

ІІ. 1. Онша жараспайды
2. Әжептәуір оқиды
3Анағұрлым көбейді
Қалай? Қалайша?
Қанша? Қаншама?
Қаншалық? Қаншалап?
Қимылдың немесе сынның мөлшерін, көлемдік дәрежесін, шама шарқын білдіреді.

Сұрақтарға жауап береді.

Мозайкалар арқылы топқа бөлінеді.

Оқушылар слайдта берілген мысалдарды оқып, сұрақ қояды.

Мағынаны тану: түсіну

Топтық жұмыс:

Тақырыптың мазмұнын аша отырып, постер қорғау.

Үш топқа әр түрлі тапсырма беріп, постер қорғауды тапсырамын.

І топ. Сын-қимыл үстеуі деген не?

ІІ топ. Мөлшер үстеуі деген не?

ІІІ топ. Үстеудің сұрақтары қандай және сын есім мен үстеудің айрмашылығын анықта.

Топбасшылары тапсырманы алады. Топта бір-біріне түсіндіреді, талдайды. Постер қорғайды.

Қолдану:

1.Топпен жұмыс.

2.Жаттығумен жұмыс :

282-жаттығу. Мәтінді оқып, сын-бейне үстеулерін табады. Тіркескен сөздерімен бірге көшіріп жазады, сұрақ қояды.

283-жаттығу. Мәтінді оқып, сын-бейне үстеулерін табады. Тіркескен сөздерімен бірге көшіріп жазады, сұрақ қояды.

284-жаттығу. Мәтінді оқып, сын-бейне үстеулерін табады. Тіркескен сөздерімен бірге көшіріп жазады, сұрақ қояды.

Жаттығу жұмыстарын топпен орындайды, дәптерлеріне жазады. Топтан бір оқушы тұрып оқиды.

Сергіту сәті:

«Қыдырып қайтайық» жаттығуын жасатамын.

Сергіту сәтін жасайды.

Талдау:

Тақтамен жұмыс

Үлестірмелі парақшаларды 3 топқа таратамын. Берілген мәтіннен үстеулерді тауып, мағынасына қарай ажыратады. Сөйлемдерге синтаксистік және морфологиялық талдау жасайды.

І топ. Күн көзі жер-анаға емін-еркін қызуын төге бастады. Бүгін өзінің осыншалық әдеп көрсеткенін байқамай қалды.

ІІ топ. Абай бірталай ойланып отырды да, сәлден соң шапшаң сөйледі. Бұл күнде тола түскен Әйгерімнің өңі де ерекше көркейе түскен.

ІІІ топ. Абай көптен бері ешкімге бүйтіп сәлем берген жоқ еді. Үнсіз қалған серіктері де тез қозғалады.

Берілген сөйлемдерден үстеулерді табады, синтаксистік, морфологиялық талдау жасайды.

Жинақтау:

1.

Сәйкестендіру:

2.

Семантикалық картамен жұмыс

Кім жылдам?

Ақырын қаңқылдады

Қазша жүрді

Баладай өскен екен

Недәуір мәз-мейрам болды

Біршама шүйілді

Бүркіттей алыс.

Мысалдар	Мезгіл	Мекен	Сын-қимыл	Мөлшер
Жоғары-төмен, ілгері,төмен
Күні-түні,бүгін, бұрын
Онша, анағұрлым, нәдеуір
Ақырын, тез, бостан-бос.

Оқушылар слайдтағы үстеулерді оқып, тиісті етістіктермен сәйкестендіріп

оқиды.
Кестені толтырады.

Бағалау:

Формативті, суммативті бағалау.

Оқушыларды сабаққа қатысу белсенділіктеріне қарап бағалаймын.

Топбасшысы бағалау парағын толтырып, мұғалімге өткізеді.

Үйге тапсырма:

281,285-жаттығу жұмыстары.

Күнделіктеріне жазып алады.

Рефлексия:

Оқушыларға стикер таратып беремін.

Бүгінгі тақырыбымыз қандай? Нені түсіндіңдер?Нені түсінбедіңдер?

Стикерлерді толтырып, плакатка іледі.

жүктеу 66,68 Kb.

Достарыңызбен бөлісу: