1
Ф. Н. Жұмабекова, А. А. Ойшыбаева
ҚҰРАСТЫРУ
Әдістемелік нұсқау
Мектепке дейінгі тәрбие мен оқытудың үлгілік оқу
бағдарламасы бойынша
екінші кіші топ
(3–4 жас) педагогтеріне арналған
Қазақстан Республикасының
Білім және ғылым министрлігі ұсынған
Алматыкiтап баспасы
2018
2
Жұмабекова Ф.Н., Ойшыбаева А.А.
Құрастыру. Әдістемелік нұсқау. Мектепке дейінгі тәрбие мен оқытудың
үлгілік оқу бағдарламасы бойынша екінші кіші топ (3–4 жас) педагогтеріне
арналған / Ф.Н. Жұмабекова, А.А. Ойшыбаева. – Алматы: Алматыкітап
баспасы, 2018. – 42 бет.
© Жұмабекова Ф.Н., Ойшыбаева А.А., 2018
© «Алматыкітап баспасы» ЖШС, 2018
3
Түсініктеме
Ұсынылып
отырған
«Құрастыру»
оқу-әдістемелік
кешенді
дайындауда төмендегі нормативтік құжаттар басшылыққа алынып
дайындалды:
1.
«Қазақстан Республикасы мектепке дейінгі тәрбие мен оқытудың
мемлекеттік жалпыға міндетті стандарты» Қазақстан Республикасы
Үкіметінің 15 мамыр 2016 жыл № 292 қаулысымен бекітілген.
2.
Мектепке дейінгі тәрбие мен оқытудың үлгілік оқу жоспарына (ҚР
БҒМ 2016 жылғы 22 маусымдағы №391 бұйрығына 1-қосымша).
3.
Мектепке дейінгі тәрбие мен оқытудың үлгілік оқу бағдарламасына
(ҚР БҒМ 2016 жылғы 12 тамыздағы №499 бұйрығы).
ОӘК-ді
дайындаудың
негізгі
мақсаты–педагогтерге
«Құрастыру»
ұйымдастырылған оқу қызметінде (бұдан әрі ҰОҚ) педагог жаңа тәсілдерді
жан-жақты қолдануына бағыт-бағдар береді.
ОӘК-нің құрамына:
- әдістемелік нұсқау;
- балаларға арналған үлестірмелі материалдар кіреді.
Әдістемелік нұсқауда бір жылға арналған перспективалық жоспары
және 18 ҰОҚ-не арналған үлгі жоспарлар берілген.
Ұйымдастырылған оқу қызметінің құрылымы төмендегі кезеңдерден
тұрады:
•
бірінші кезең – ұйымдастыру кезеңі (жағымды эмоционалдық
көңіл күй қалыптастырып, оқу қызметіне ықыласын ояту, балалардың
ұсынылып отырған тақырыпты қуана қабылдауы үшін қажет);
•
екінші кезең – негізгі кезең, бұл үдеріс барысында зерттеліп
отырған мәселе түсіндіріліп, балалардың бәрі ұйымдастырылған оқу
қызметіне белсенді араласады;
•
үшінші кезең – рефлексия, бұл кезеңде жаңадан алған білім
игеріліп, реттеледі; баланың жеке дағдыларының қалыптасуына ықпал етеді.
Педагогтер балалармен жұмыс істеуде төмендегідей талаптарды
орындайды:
– сәбилерге қағазбен жұмыс жасауда қағазды қолмен жырту, умаждау,
бүктеу сияқты қарапайым әдіс-тәсілдерді пайдаланады;
– қағазбен жұмыс жасауда қайшыны пайдаланбайды, қағаз түстері
ашық, көңілді бейнелер шығатындай болуы қажет;
– құрастыру оқу қызметі ойын түрінде өткізіледі және ол балалар үшін
өте пайдалы әрі тиімді;
– құрастыру барысында балалар өздерінің жұмысын әңгімелеу арқылы
сөйлеуге үйренеді, танымдық дамуына ықпал етеді.
Балалар құрылыс материалдарымен жұмыс жасау үшін үлестірмелі
материалдар дайындалды. Бұл материалдар баланың білімін жүйелендіруге,
ұйымдастырылған оқу қызметінің тақырыбы бойынша түсінігін нығайтуға
мүмкіндік береді. 3-4 жастағы балаларға арналған тапсырмалар
4
Бағдарламаға сәйкес жүйелендірілген және балаларды келесі сатылардағы
білім беру жүйесіне дайындауға көмектеседі.
Әрбір көрнекі суретте құрастырудың реті мен қалай құрау керектігі
нақты көрсетілген. Жасайтын заттардың құрылымы және оны жасаудың
жолдары берілген. Балалар қарапайым құрылыстарды кеңістікте құрылыс
материалдарын алуан түрлі орналастыру арқылы құрастырады.
Атап айтқанда:
– кірпіштерді көлденең қойып орналастырады, тар, кең жол жасайды;
– тігінен қою арқылы қақпалар, қоршаулар жасаса, оны бірінің үстіне
бірін қою арқылы мұнаралар жасайды;
– әртүрлі құрылыс материалдарын пайдалану арқылы үстел, орындық,
төсек, пойыз, көпір, төбешіктер т.б. жасауға дағдыланады;
– «затты жина» ойыны үшін балаларға арнайы алдын ала дайындалған,
үлгі мен қиылған доптың және тостағанның пішіндері балалардың
сенсорлық қабілеттері дамиды, көлем, пішін, түстерді ажыратуға үйренеді,
қағаздың сапасымен танысады;
– белгілі бір затты құрастыру арқылы оны көз алдына елестетуді, не
жасауға болатынын алдын ала ойлануға және қиялын дамытуға мүмкіндік
туындайды;
– қолдың, ұсақ қол моторикасының дамуына ықпал етеді;
– өздері жасаған құрылыстарымен ойнауға жағдай жасалады;
– балалар ойын ойнап болған соң құрылыс материалдарын өз орнына
жинап қоюға дағдыланады және құрылыс материалдарының түстерін,
көлемін, пішінін, аттарын айта білуге үйренеді;
– пайдаланған заттарын орнына жинау арқылы дағды қалыптасады
және есте сақтауға, ұқыптылыққа тәрбиеленіп сенсорикалық қабілеттері
дамиды;
– құрастыру барысында балалар білімге, дағдыға және іскерлікке ие
болады, құрылыс материалдарын пайдалана отырып, олар геометриялық
пішіндермен танысады.
«Таным» білім беру саласы бойынша дайындалған осы ОӘК
балалардың жан-жақты дамуына көмегін тигізіп, туындаған сұрақтардың
шешімін табады деп сенеміз. Жұмыстарыңызға жетістік тілейміз.
Сіздерге құрмет көрсетіп,серіктестік
қарым-қатынаста болатындығымызға
сенім артамыз.
Авторлар
