Өткізгіштерді тізбектей және параллель қосу

273. Кедергісі 9,5 Ом электр шамы, кедергісі 12 Ом реостат және ұзындығы 4 м қимасы 0,4мм² мыс сым тізбектей қосылған. Тізбектің кедергісін табыңдар.

274. Кедергілері 2,3,4 Ом өткізгіштер параллель қосылған. Қосылған өткізгіштердің жалпы кедергісін табыңдар.

275. Кедергілері 540,270 және 135 Ом үш резистор параллель қосылған. Тізбектің жалпы кедергісін табыңдар.

276. Бірдей төрт сым резисторды параллель жалғағанда олардың жалпы кедергісі 200 Ом болып шықты. Әр резистордың кедергісін табыңдар.

277. Кедергісі 8 Ом сымды тең төрт бөлікке бөліп, оларды өзара параллель жалғаған. Осы қосындының кедергісін табыңдар.

278. Егер өткізгішті (изоляциясы жоқ) ортасынан бүктеп ширатып қойса, оның кедергісі неше есе өзгереді

279. Кедергісі 240 Ом-ға тең, 120 В-қа есептелген электр шамын 220 В желіден қоректендіру керек. Көлденең қимасы 0,55 мм² болатын қандай ұзындығқтағы нихром өткізгішті шаммен тізбектей қосу керек.

280. Жалпы кедергісі 120 Ом болу үшін, 300 Ом өткізгішке кдергісі қандай өткізгішті параллель қосу керек.

281. Тізбектеліп қосылған екі өткізгіштің жалпы кедергісі 5 Ом, ал параллель қосылған 2 Ом және 4 Омдық кедергілерден тұрады. Тізбектегі ток күші 0,3 А. Әр бір өткізгіштегі кернеуді және жалпы кернеуді табыңдар.
С деңгейі

283. Электр тізбегі өзара тізбектеп жалғанған ұзындықтары тең, бірдей материалдан жасалған төрт сымнан тұрады. Бірақ олардың көлденең қималары әр түрлі : 1мм²,2мм²,3мм²,4мм². Тізбектің ұштарындағы кернеу 100 В. !Әрбір өткізгіштегі кернеуді анықтау керек.

284. Кабель әрқайсысының қимасы 0,6 мм² екі қабат тарамнан және қимасы 0,85 мм²-лік төрт мыс тарамнан тұрады. Ток күші 0,1 а болғанда кабельдің әрбір километріндегі кернеудің түсуі қандай.

285. 3 В кернеумен 0,3 А ток күшіне лайықталған төрт шамды параллель қосып, 5,4 В-қа тең кернеу көзінен қоректендіру керек. Шамдарға тізбектеп қандай кедергілі релстат қосу керек.

286. Әрқайсысы 6 кОм үш резистор арқылы қандай кедергілер алуға болады.

287. Кернеуі 120 В тізбекке екі кедергі қосылады. Олар тізбектеп жалғанса, ток 3 А, параллель жалғанса ток 16 А болады. Кедергілердің шамалары қандай.

288. Өткізгіш арқылы 40 Кл заряд ағып өткенде электр тогы 200 Дж жұмыс жасайды. Осы өткізгішке түсіп тұрған кернеуді табыңдар. (Жауабы : 5В)

289. Генератордың қысқыштарындағы кернеу 380 В, тізбектегі ток күші 5 А. Генератордың қуатын табыңдар. (Жауабы: 1,9 кВт)

290. Қуаты 25 Вт ток 10 мин. Ішінде жасайтын жұмысын табыңдар. (Жауабы: 15кДж)

291. Шам 110 В кернеудегі желігі қосылған. Шамның қылынан өткен зарядты табыңдар. (2 Кл)

292. Шам 6,3 В кернеумен жұмыс істеген кезде ондағы ток күші 0,5 А. Осы шамның қуатын табыңдар. (Жауабы: 3,15 Вт)

293. Егер 30 В кернеуде тұрған өткізгіш арқылы 75 Кл электр заряды өтсе, ондағы токтың жұмысын табыңдар. (2,25 кДж)

294. Кедергісі 20 Ом және тізбектегі ток күші 6 А электр қыздырғышта 2 мин. уақыт ішінде қанша жылу бөлінеді. (Жауабы: 86,4кДж) .

295. 110 В кернеуде 1 А ток тұтынатын электр шамының қылмысында 2 мин ішінде қанша жылу бөлінеді.

296. Кедергісі 100 Ом, реостат тізбегінен 2 А ток өткенде, 2 сағат уақыт ішінде қандай жылу мөлшері бөлінеді. (Жауабы: 1,44МДж)

297. Кернеуі220 В резеткаға қосылған электр плитадан, 3,5 А ток өткенде 690 кДж жылу бөлініп шығады. Плитка желігі қанша уақыт бойы қосылған. (Жауабы: 15 мин).
В деңгейі

298. Қалта фонарына арналған шам астында 3,5В, 0,28 А деп жазылған. Жұмыс режиміндегі кедергі мен тұтынылатын қуатты табу керек.

299. Электрлік құралда 5 А ток күші 45 мин уақыт ішінде 162 кДж жұмысжасады. Осы құралдың кедергісін табыңдар.

300. Кедергісі 10 Ом өткізгіштің ұштарына 12 кернеу берілген. Осы өткізгіштен 20 с ішінде қанша электр заряды өтеді. Осы кезде қандай жұмыс істеледі.

301. Бір электр шамы 127 В кернеу жүйесіне қосылған. Ал екінші шам 220 В кернеу жүйесіне қосылған. Екеуінен де 1 Кл заряд ағып өткенде шамдардың қайсысында көп жұмыс істеледі.

302. Электр шамы 127 В кернеуге лайықталған, Тұтынатын қуаты 50 Вт. Осы шамды 220В кернеуге қосу үшін оған қандай қосымша кедергі жалғау керек.

303.Кедергісі 3Ом және 6 Ом екі резистор тізбекке параллель қосылған. Бірінші резистордан өтетін ток 2А. 10 с уақыт ішінде екі резистордан қандай жылу мөлшері бөлінеді.

304. Кедергісі 6Ом және 10 Ом екі резистор тізбекке параллель қосылған.Егер екінші резисторға түсетін кернеу 20 В-қа тең болса, онда 2 мин уақыт ішінде әрбір резисторда қандай жылу мөлшері бөлінеді.

305. Көтергіш кранның электр двигателі 380 В кернеумен жұмыс істейді. Оның орамындағы ток күші 20 А. Егер массасы 1 т жүкті кран 50 с ішінде 19 м биіктікке көтеретін болса, қондырғының ПӘК-і қандай болады.

306. Электр плитасын жөндегенде оның орамасы алғашқы ұзындығының 0,1 бөлігіндей қысқарған. Плитаның қуаты неше есе өзгерген.

307. 120 В кернеуге есептелген 25 Ваттық шамды кернеуі 220 В электр желісіне қосқанда, ол шамның қуаты қандай болады.

308. Кернеуі 120 В ток көзіне кезекпен бірдей уақыт бойы кедергілері 20 және 40 Ом екі өткізгішті қосты.Қай жағдайда электр тогының жұмысы аз болады және қанша есе аз.

309. Электр плитасының қылы жанып кетті. Оны қайта жалғағаннан кейін біраз қысқарған. Белгілі бір уақыттағы плитадан бөлінетін жылу мөлшері қалай өзгереді.

310. Көлемі 1,5 л суды ПӘК-і 80 % қуаты 600 Вт электр шәйнекте 20⁰С-ден 100⁰С-қа дейін, қыздыру үшін қанша уақыт керек болады.

311. Электрқыздырғыштың кедергісі 160 Ом қыл сымын ыдыстағы массасы 0,5 кг,температурасы 20⁰С суға салып, оны 220 В кернеу жүйесіне қосқан. Егер қыздырғыштың ПӘК-і 80% болса, су қанша уақыттан кейін қайнайды.

312. Электролит арқылы 1 сағат бойы 1 А ток жүреді. Катодта бөлінген күмістің массасын табыңдар. Күмістің электрохимиялық эквиваленті 1,118 кг/Кл.

313. Ток күші 1,6 А болғанда 10 мин ішінде электролиттік ваннаның катодына 0,316 г күміс бөлініп шықты.? Мыстың электрохимиялық эквивалентін анықтаңдар.

314. 10 мин ішінде ванна 0,67 г күміс бөлініп шығады. Ваннамен тізбектеліп қосылған амперметр 0,9 А көрсетті. Амперметрдің көрсетуі дұрыс па?

315. Ішінде күміс тұзы бар электролиттік ваннадан 1 мА ток жүреді. 1 с ішінде қанша күміс бөлініп шығады.

316. Электролит арқылы 1,5 А ток күші өткенде, 5 мин ішінде катодта 137 мг зат жиналды. Бұл қандай зат?

317. Никель тұзы толтырылған электролиттік ваннаға ішінде хром тұзы бар ванна тізбектей қосылған. Тізбекті ажыратқаннан кейін бірінші ваннада 10 г никель бөлінген. Екінші ваннада қанша хром бөлінеді.

318. Алюминийді өндіргенде ток күші 40 КА болғанда, 5 В кернеумен жұмыс істейтін ванна қолданылады. 1т алюминий өндіру үшін қанша уақыт қажет және бұл жағдайда энергия шығыны қандай?

319. Техникалық норма бойынша электролиттік ваннадағы кернеу 0,4 В болса, 1 т мысты бөліп шығару үшін жұмсалатын энергия шығыны қандай болады.

320. Электролиттік ваннадағы кернеу 10 В, ал қондырғының пайдалы әсер коэффициенті 80 % болса, 1 кг алюминий алу үшін қанша энергия жұмсалады.

321. Күкірт қышқылынан электр тогын өткізгенде 50 мин уақыт ішінде 3 г сутегі бөлінді. Электролиттің кедергісі 0,4 Ом болса, оны қыздыруға кеткен токтың қуатын табыңдар.

322. Азот қышқылы күміс тұзынан электр тогы 2 сағ бойы өткенде ваннадағы кернеу 2В, оның кедергісі 5 Ом болса, бөлініп шыққан күмістің массасын табыңдар.(к=1,118*10^-6кг/Кл)

3 тарау. Жарық құбылыстары

І нұсқа.А деңгейі
323. Сәуленің түсу бұрышы 20⁰С. Түскен және шағылған сәулелердің арасындағы бұрыш неге тең?

324. Үйдің ішінде суретке түсіргенде не себептен ақ түсті экран қолданылады

325. Суландырылған таза шыны арқылы біз нәрсені жақсы көреміз. Шыныға демалсақ көрініс кенет төмендейтіні неліктен?

326. Матаның құрғақ бөлігіне қарағанда , сулы бөлігі қоңырқай болып көрінеді?

327. «Зенит» маркалы фотоаппараттың оптикалық күші 18 дптр. Фотоаппарат обьективінің фокус аралығы неге тең?

328. Қалта фонарының шамы жарқырағанда энергияның қандай түрленуі болады?

329. Жарық көзі жалғыз болса да, неліктен көлеңкесі мүлдем қараңғы болмайды?

330. Түскен және шағылған сәулелердің арасындағы бұрыш 50⁰С-қа тең. Сәуле айнаға қандай бұрышпен түседі?

331. Автомобиль жарығының шоғы тұманда және шаңды ауада неліктен жақсы көрінеді?

332. Сфералық ойыс айнаның қисықтық радиусы 50 см болса, айнаның фокус аралығы қандай?

333. Фокус аралығы 5 см және -2м линзаның оптикалық күші қандай?

334. Дене ойыс айнадан 3Ғ қашықтықта орналасады?

335. Жинағыш линзадан нәрсеге дейінгі қашықтық 35 см, ал алынған кескін 25 см қашықтықта болса, линзаның фокус аралығы және оптикалық күші неге тең?

336. Өлшеулер дененің көлеңкесі оның

биіктігіне тең екенін көрсетті. Күннің

көк жиектен биіктігі қандай? ( Жауабы:45⁰ ) .

337. Кескін жинағыш линзадан 2м қашықтықта орналасқан. Линзаның фокус аралығы 60 см болса, алынған кескін линзадан қандай қашықтықта орналасқан?

338. Оптикалық күштері 4 дптр және –дптр көзілдірікті киетін адамдардың көзі туралы не айтуға болады? Фокус аралығы қандай?
С деңгейі

339. Қисықтық радиусы 40 см ойыс айнадан 2 есе ұлғайған нақты кескін алу үшін денені қандай қашықтыққа орналастыру крек?

340. Фокус аралығы 30 см болатын жинағыш линзадан 1,5м қашықтықтағы заттың экранда кескіні алынған. Зат линзадан қандай қашықтықта орналасқан. Линзаның үлкейтуі қандай?

341. Ойыс айнаның қисықтық радиусы 0,4 м, кескін мен айнаның арақашықтығы 1,5м болса, нәрсе айнадан қандай қашықтықта орналасқан?

342. Нәрсе мен кескіннің арақашықтығы 145 см. Линзаның үлкейтуі 3 есе болса, линзаның фокусы арқылы қандай?

343. Фокус аралығы 10 см ойыс айнаның алдында 15 см қашықтықта шам орналасқан. Шам жалының биіктігі 3 см болса, шамның нақты кескін алу үшін қайда орналастыру керек?

344. Май шам шашыратқыш линзадан 13 см қашықтықта орналасқан. Линзаның оптикалық күші және үлкейтуі қандай? Кескін линзадан 0,5 м қашықтықта алынған.
Жарық құбылыстары

2 Нұсқа. А деңгейі

345.Сендер қазір жарық көзі болып табыласыңдар ма? Қандай?

346. Жарық сәулесі суы бар шыны ыдыстан өтеді. Қырына көлбеу түседі. Сәуле неше рет сынады?

347. Шырақ жанып тұрғанда энергияның қандай түрленуі болады?

348. Жарық бөлме ішіне бірдей түсіп тұрса да неліктен қабырғадағы түс қағаздарының бірі ашық түсті, ал екіншісі қоңырқай түсті болып көрінеді?

349. Айна мен оның бетіне түскен сәуленің арасындағы бұрыш 30⁰. Сәуленің шағылу бұрышы неге тең?

350. Шам жанып тұрған бөлмедегі кітап қандай жарықтың көзі болып табылады?

351.Терезеге күн сәулесі тікелей түспесе де бөлме неге жарық болады?

352. Сулы мата арқылы жарыққа қарасақ , оның суланған бөлігі құрғақ бөлігіне қарағанда, жарығырақ сияқты болып көрінетіні неліктен?

353. Жарықтың физикалық денелерге тигізетін химиялық әсері қандай?

354. Неліктен фотосуретті «ақ» бұлтты күннің өзінде фотоаппараттың түсіру уақытын ашық күндегі уақыттан аз етіп алады?

355. Оптикалық күші 500 дптр-ға тең линзаның фокус аралығы қандай?

356. Ашық күні биіктігі 1,8 м шыршаның жерге түскен көлеңкесі 90 см, ал қайыңдікі Н қандай?

357.Ашық күні тік қойылған бір метрлік сызғыштың көлеңкесі 50 см, ал ағаштікі -6м. Ағаштың биіктігі неге тең?

358. Кескіннен ойыс айнаға дейінгі қашықтық 0,5м, ал айнадан кескінге дейінгі қашықтық 1,5м болса, айнаның қисықтық радиусы неге тең?

359. Фокус аралығы 205 см жинағыш линзамен нәрсенің арақашықтығы 45 см болса,сызықтық үлкейтілуі неге тең?

360. Түскен және шағылған сәулелердің арасындағы бұрыштың ¾ бөлігі 70⁰С-қа тең. Сәуленің шағылу бұрышы неге тең?

361. Кескіннен жинағыш линзаға дейінгі қашықтық 45 см, ал линзадан берілгеннәрсеге дейінгі қашықтық 15 см болса, линзаның фокус аралығы мен оптикалық күші неге тең?
ІІІ нұсқа.С деңгейі

362. Фокус аралығы 10см ойыс айнаның алдында 14 см қашықтықта шам орналасқан. Айнадан экранның қашықтығы 6 см болса, шам жалынының биіктігі қандай болар еді?

363. Қисықтық радиусы 10 см дөңес айнаның алдында 30 см қашықтықта дене орналасқан. Дене мен оның кескінінің өлшемін салыстырыңдар.

364. Ойыс айнаның жәрдемімен экранда дененің 2,5 есе кішірейтілген кескіні алынған. Экраннан денеге дейінгі қашықтық 85 см. Айнаның қисықтық радиусы қандай?

365. Нәрседен экранға дейінгі қашықтық 95 см. Экранда нәрсенің айқын бейнесін алу үшін фокус аралығы 25 см жинағыш линзаны олардың қай аралық тұсына қою керек?

366. Жинағыш линзаның оптикалық күші 4 дптр, алынған кескіннің биіктігі нәрсенің биіктігінен 1,5 есе үлкен болса, нәрсе линзадан қандай қашықтықта орналасқан.

367. Фокус аралығы 6 см фотоаппаратпен биіктігі 9 м ағашты суретке түсіргенде , оның пленкаадағы биіктігі 36 мм болса, ағаш фотоаппараттан қандай қашықтықта тұрған?

9 класс

Механика

І тарау. Кинематика негіздері

1. Ілгерілемі қозғалыс. Материалық нүкте.

Санақ басы. Жол және орын ауыстыру.

А нұсқасы

1. Мыналарды есептегенде Жерді материялық нүкте деп алуға бола ма? А)Жерден күнге дейінгі арақашықтықты б) бір ай ішінде жердің орбита бойымен Күнді айнала қозғалу жолын; в)Жер экваторының ұзындығын; г) Жердің өз осін айнала тәуліктік қозғалысы кезіндегі экватор нүктесінің қозғалыс жылдамдығын; д)Жердің орбита бойымен Күнді айнала қозғалу жылдамдығын;

2. Бірнеше секунд ішінде жүрген жолды есептеу үшін, ұзындығы шамамен 1 км теміржол составын материялық нүкте ретінде қарастыруға бола ма?

3. Біз таксиге не үшін жол ақы төлейміз: жолы үшін бе, әлде орын ауыстыру үшін бе? Ұшаққа ше?

4. Доп 3 м биіктіктен еденге түсіп , одан ыршып 1м биіктікке көтерілгенде , оны ұстап алды. Доптың жолын және орын ауыстыруын табыңдар
Б нұсқасы

5. 5-суретте бес материялық нүктенің орын ауыстырулары көрсетілген. Орын ауыстыру векторларының координаттар осіндегі проекцияларын табыңдар?

6. 6-суретте материялық нүктенің А-дан В-ге дейінгі қозғалыс траекториясы көрсетілген. Қозғалыстың бас кезіндегі және аяқ кезіндегі нүктенің координаттарын, орын ауыстырудың координаттар осіндегі проекцияларын, орын ауыстыру модулін табыңдар.

7. 7-суретте материялық нүктенің А-дан Д-*ге дейінгі қозғалысының АВСД траекториясы көрсетілген. Қозғалыстың бас кезіндегі және аяқ кезіндегі нүктенің координаталарын, жүрілген жолды, орын ауыстыруды, координаттар осі бойымен орын ауыстыру проекцияларын табыңдар.

8. Вертолет горизонталь бағытта түзу сызық бойымен 40 км ұшып,90⁰ бұрыш жасап бұрылып, тағы 30 км ұшты. Вертолеттің жолын және орын ауыстыруын табыңдар.
С нұсқасы

9. Катер көл бойымен солтүстік-шығысқа қарай 2 км, содан соң солтүстік бағытта тағы 1км жүзді. Катердің орын ауыстыруы мен бағытын геометриялық салу арқылы табыңдар.

10. Туристер алғашында солтүстік - батысқа қарай 400м, содан соң шығысқа қарай 500 м жүріп, солтүстікке қарай тағы 300м жүрді. Геометриялық салу тәсілі арқала олардың орын ауыстыруының ммодулін және бағытын табу керек.
2. Түзу сызықты бірқалыпты қозғалыс

А нұсқасы

11. Жүк автомобилінің қозғалыс теңдеуі х₁=-270+12t, ал осы тас жолдың жиегімен келе жатқан адамның қозғалыс теңдеуі x₂=-1.5t.Осыны түсіндіретін сурет салып (х осін оңға бағыттап), бақылау басталар мезеттегі автомобиль мен адамның орындарын анықтаңдар.Олар қандай жылдамдықпен және қай бағытта қозғалады? Олар қашан және қай жерде кездесті?

12. Екі велосипедшінің қозғалысы х₁=5t, x₂=150-10t ,х ₂=150-10t ңдеулерімен берілген. X(t) тәуелділігінің графиктерін салыңдар. Олардың кездесетін жерін және уақытын табыңдар.

13. Екі дененің қлзғалыс теңдеулері былай берілген : х₁=x₀₁+υ_2x және х₂=x₀₂+υ_2x. Мұндағы x₀₁₌24м, υ_1х4,2м/с. x₀₂=87 м, υ_2x=2,7м/с.Денелердің кездесетін уақытын және кездесетін орнының координатын табыңдар.

14.Екі дененің қозғалыс теңдеулері былай берілген: х₁=x₀₁+υ_1x және х₂=x₀₂+υ_2x. Мұндағы x₀₁₌63м, υ_1х = -6,2м/с; x₀₂= -12м, υ_2x=4,1м/с.Денелердің кездесетін уақытын және кездесетін орнының координатын табыңдар.

С нұсқасы

15. 8-суретте түзу сызықты жолмен автобус, жеңіл автоиобиль, мотоциклші бір қалыпты жүріп келеді.Автобус оңға қарай 20 м/с, жеңіл автомобиль солға қарай 15 м/с, мотоциклші солға қарай 10 м/с жылдамдықпен жүреді. Бұл экипаждардың бастапқы координаталары сәйкесінше мыналарға тең: 500,200 және 300м.Сол денелердің қозғалыс теңдеулерін жазыңдар. Мыналарды табу керек: а)5 с өткендегі автобустың координатын; б)жеңіл автомобильдің 10 с өткендегі координаты мен жүрген жолы; в)қанша уақыттан кейін мотоциклшінің координаты-600м-ге тең болатынын; г)автобустың ағаштың тұсынан өткен кезін; д)бақылау басталардан 20 с бұрын жеңіл автомобильдің қайда болатынын.

16. Берілген графиктер бойынша (9-сурет) денелердің бастапқы координаттарын және олардың жылдамдықтары проекцияларын табыңдар.Дене қозғалысының х(t) теңдеулерін жазыңдар. Теңдеулер мен графиктер бойынша денелердің 5 с өткеннен кейінгі координаталарын, қозғалыс жылдамдықтарын, 11 және 111 денелердің кездесетін жері мен уақытын табыңдар.

17.10-суретте екі дененің қозғалыс графиктері көрсетілген.Қозғалыстардың x=x(t) теңдеулерін жазыңдар. Графиктердің координаталар осьтерімен қиылысу нүктелері нені білдіреді?

18. Түзу тас жолмен бір бағытта екі мотоциклші қозғалып келеді. Бірінші мотоциклшінің жылдамдығы 10 м/с. Екінші мотоциклші бірінші 20/с жылдамдықпен қуып жетаекші. Бастапқы уақыт мезетіндегі мотоциклдердің ара қашықтығы 200 м-ге тең. Координаталар басы ретіндегі екінші мотоциклшінің бастапқы уақыт мезетіндегі тұрған орнын, ал х осінің оң бағыты ретінде мотоциклшілірдің қозғалыс теңдеулерін жермен байланысты санақ жүйесінде жазыңдар. Бір сызбада екі мотоциклшінің қозғалыс графиктерін салыңдар.(ұсынылатын масштаб: 100м-1см; 5с-1см деп алу керек). Екеуінің кездесетін жері мен уақытын табыңдар.

19. Метроның қозғалыстағы эскалаторында тұрған адам жермен байланысқан санақ жүйесінде тыныштық күйде бола ала ма ?

20.Дауылдың жылдамдығы 30 м/с, ал «Жигули» автомобилінің жылдамдығы 150 км/сағ-қа дейін жетеді. Ауаға қарағанда тыныштық күйде қалатындай жағдайда автомобиль қозо ала ма?

21. Велосипедшінің жылдамдығы 36 км/сағ, ал желдің жылдамдығы 4 м/с. Велосипедшімен байланысқан санақ жүйесінде, желдің жылдамдығы қандай, егер: а)жел қарсы соғып тұрса; б) жел қуалай соғып тұрса;

22. Екі поезд бір-біріне қарама-қарсы 72км/сағ және 54 км/сағ жылдамдықпен жүріп келеді. Бірінші поезд ішіндегі жолаушы екінші поездің өзінің жанынан 14 с ішінде өткенін байқады. Екінші поездың ұзындығы қандай?
Б нұсқасы

23. Метро эскалаторы 0,75 м/с жылдамдықпен қозғалып барады. Егер жолаушы эскалатормен байланысқан санақ жүйесінде эскалатордың қозғалыс бағытымен бағыттас 0,25 м/с жылдамдықпен келе жатса, онда ол жерге қатысты қанша уақытта 20 м оын ауыстырады?

24. Қайық 240 м ара қашықтыққа барып қайту үшін әкелі өзен арқылы, кейін көл арқылы қатынау керек. Су ағысының жылдамдығы 1 м/с. Қайықтың суға қарағандағы жылдамдығы 5 м/с. Өзенмен жүргендегі уақыт көлмен жүзгендегі уақыттан қанша есе артық болады?

25. Вертолет солтүстікке қарай 20 м/с жылдамдықпен ұшып барады. Егер жел 10 м/с жылдамдықпен батыстан соқса, вертолет қандай жылдамдықпен және меридианмен қандай бұрыш жасап ұшар еді?

26. Катер өзенмен жүзе отырып, сумен байланысқан санақ жүйесінде 4 м/с жылдамдықпен ағысқа перпендикуляр қозғалады. Егер өзеннің ені 800м, ал ағыс жылдамдығы 1 м/с болса, катерді ағыс неше метрге ығыстырып тастайды.
С нұсқасы

27. Суға байланысты санақ жүйесінде қайықтың жылдамдығы 6 м/с және өзеннен ең төте жолмен өтуі керек.1. Егер де өзен ағысының жылдамдығы 2м/с болса, қайықтың курсы (курсы дегеніміз қайық корпусының тұмсығынан арт жағына дейінгі сызықпен, су жағасына тұрғызылған перпендикуляр арасындағы α бұрышпен анықталады.)қандай болуы керек?2. Қайықтың жерге қатысты υ жылдамдығы қанша? 3. Егер өзеннің ені 220 м болса, өзеннің арғы бетіне өту қанша уақыт алады?

28. Вертолет тынық ауада дәл солтүстікке қарай 90 км/сағ жылдамдықпен қозғалды. Егер солтүстік – батыстан меридианға 45⁰ бұрыш жасай жел соқса, Вертолеттің жылдамдығы мен курсы (курсы дегеніміз Вертолет корпусының тұмсығынан арт жағына дейінгі сызықпен, ауаға тұрғызылған перпендикуляр арасындағы α бұрышпен анықталады) қандай болғанын табыңдар. Желдің жылдамдығы 10 м/с.
4. Бір қалыпсыз түзу сызықты қозғалыстағы жылдамдық

А нұсқасы

29. Поезд орнынан қозғалған соң 10 с өткенде 0,6 м/с жылдамдық алады. Қозғалыс басталған соң қанша уақыт өткенде поездың жылдамдығы 3м/с –қа тең болады?

30.Велосипедші еңіске қарай 0,3 м/с² үдеумен қозғалып келеді. Егер велосипедшінің бастапқы жылдамдығы 4 м/с-қа тең болса, 20 с өткенде оның жылдамдығы қандай болады?

31. Автомобиль 0,4 м/с² үдеумен қозғалып келе жатып, өзінің жылдамдығын қанша уақытта 12-ден 20 м/с-қа дейін арттырады?

32. Ұста балғасымен дайындаманы соғып қалғанда, балға тежелген кеездегі үдеу модулі бойынша 200 м/с²-қа тең болады. Егер балғаның бастапқы жылдамдығы 10 м/с болса, соққы қанша уақытқа созылған еді?
Б нұсқасы

33. Автомобильдің жылдамдық алып қозғала бастаған кезіндегі жылдамдықтың уақытқа тәуелділігі υ_х=0.8t теңдеуімен берілген. Жылдамдықтың графигін салыңдар және автомобильдің бесінші секундтың аяғындағы жылдамдығын табыңдар.

34. Поездың жылдамдығы 20 с ішінде 72-ден 54 км/сағ-қа дейін кеміді. Жылдамдықтың уақытқа тәуелділігінің формуласын жазыңдар және осы тәуелділіктің графигін салыңдар.

35. 15-суреттегі жылдамдық графигін пайдаланып бастапқы жылдамдықты, төртінші секундтың бас кезіндегі және алтыншы секундтың аяқ кезіндегі жылдамдықты табыңдар. Үдеуді есептеп шығарыңдар және υ_{х =}υ_x(t) тәуелділігінің теңдеуін жазыңдар.

36. 16-суретте берілген графиктер бойынша υ_{х =}υ_x(t) тәуелділігінің графигін жазыңдар.

37. 17-суретте материялық нүктенің бастапқы уақыт мезетіндегі жылдамдық векторы мен үдеуінің векторы көрсетілген. Егер υ₀=30 м/с, a=10 м/с² болса, υ_{х =}υ_x(t) теңдеуін жазып, алғашқы 6 с қозғалысқа арнап теңдеудің графигін сызыңдар. 2,3,4 секундтан кейінгі жылдамдықты анықтаңдар.

38. Автомобиль жолдың бірінші жартысын υ₁=10 м/с, ал екінші жартысын υ₂=15 м/с жылдамдықпен жүріп өтті. Барлық жол бойына қатысты орташа жылдамдықты табыңдар. Осы орташа жылдамдықтың υ₁ мен υ₂ мәндерінің арифметикалық орта мәнінен аз екенін дәлелдеңдр.

39. Тыныштық күйден 0,6 м/с² үдеумен қозғала бастаған автомобиль қанша уақыт ішінде 30 м жол жүреді.

40. Аялдамадан қозғала бастаған поездің бірінші вагоны поезд жүргенге дейін сол вагонның бас жағында тұрған бақылаушының жағынан 3 с ішінде өте шықты. 9 вагоннан құралған поезд сол бақылаушының жанынан қанша уақытта өте шығады? Вагондардың аралықтарын ескермеңдер.

41. Үдеуі 0,96 м/с² автомобильдің 8,7с уақыт өткеннен кейінгі жылдамдығын және жүрген жолы S-ті анықтаңдар. Бұл дененің бастапқы жылдамдығы нөлге тең.

42. К.Э. Циолковский «Жерден тысқары» деген кітабында ракетаның ұшуын қарастырып, 10 секундтан кейін ракета бақылаушыдан 5 км қашықтықта болады деп жазған. Ракета қандай үдеумен қозғалады және қандай жылдамдыққа ие болады?

43. Калашников автоматы ұңғысында оқ 616 км/с² үдеумен қозғалады. Егер ұңғының ұзындығы 41,5 см болса, одан ұшып шыққан оқтың жылдамдығы қандай?

44. 72 км/сағ жылдамдықпен келе жатқан автомобиль , авариялық тежеу кезінде, 5 с ішінде тоқтады. Тежелу жолын анықтаңдар.

45. Таудан сырғанап келе жатқан шаңғышы t уақыт ішінде S жол жүріп қозғалысын аяқтайды. А үдеумен бастапқы υ₀ жылдамдықты анықтаңдар.

46. Троллейбус 10 с уақыт ішінде 120 м жол жүрді. Бастапқы жылдамдығы 10м/с –қа тең болса, жүрген жолдың аяғында ол қандай жылдамдыққа ие болды және қандай үдеумен қозғалды?