Техникалық және кәсіптік, орта білімнен кейінгі білім мамандықтары бойынша үлгілік оқу жоспарлары мен бағдарламаларын әзірлеу жөніндегі

12. Үлгілік оқу жоспарына жалпы білім беретін пәндер, базалық және кәсіптік модульдер, диплом алдындағы практика, дипломдық жобалау, аралық және қорытынды аттестаттау, факультатив және кеңес беру кіреді.

13. Негізгі орта білім базасында оқыту үшін жалпы білім беретін пәндер жалпы орта білімнің үлгілік оқу жоспарларының инварианттық бөлігіне сәйкес айқындалады.

Жалпы білім беретін пәндер тізбесі мен көлемі бейіндік оқытуды ескере отырып, білім беру мазмұнын кәсіптік бағдарлау негізінде айқындалады.

ТжКБ ұйымдарының қалауы бойынша жалпы білім беретін пәндер модульге интеграцияланады. Оқу уақытының жалпы көлемі (еңбек сыйымдылығы) 1448 сағатты құрайды.

14. Базалық және кәсіптік модульдердің мазмұны білім алушылардың кәсіби даярлығының негізін құрайды. Осы модульдерді оқуға бөлінетін оқу уақытының көлемі мамандықтың (біліктіліктің) күрделілігіне және оқу мерзіміне байланысты.

Бақылау жұмыстары мен сынақтары модульді (пәндерді) оқуға бөлінген Оқу уақытының есебінен, емтихандар – аралық аттестаттауға бөлінген мерзімде өткізіледі.

Білім алушыларды қорытынды аттестаттау әрбір біліктілік деңгейі аяқталғаннан кейін көзделеді. Жұмыс біліктілігін меңгерген және оқуын жалғастырмайтын білім алушылар үшін біліктілік емтиханы нысанында қорытынды аттестаттау өткізіледі. Бағдарламаны толық меңгерген жағдайда білікті жұмысшы кадрларының деңгейі үшін біліктілік емтиханы аралық аттестаттау шеңберінде өткізіледі, қорытынды аттестаттаудың оқу уақытының көлемі кәсіптік практикаға бөлінеді.

Білім алушылардың қорытынды аттестаттау нысанын ТжКБ ұйымы анықтайды.

Қорытынды аттестаттауды өткізуге арналған оқу уақытының көлемі
2 аптадан аспайды.

17. Консультациялар мен факультативтік сабақтар білім алушылардың жеке қабілеттері мен сұраныстарын қамтамасыз етуге бағытталған.

Факультативтік пәндер және (немесе) модульдер теориялық оқыту кезеңінде 1 оқу тобына аптасына 4 сағаттан аспайтын көлемде көзделеді.

Оқытудың кредиттік технологиясы кезінде факультативтер ТжКБ ұйымының қалауы бойынша білім алушының таңдауы бойынша компонентті анықтайды.

Оқытудың күндізгі нысанында білім алушылар үшін консультациялар әрбір оқу жылында оқу тобына 100 сағаттан аспайтын көлемде көзделеді.

18. Үлгілік оқу жоспарларын әзірлеу кезінде мыналарды ескеру қажет:

1) Далалық маусымның басталуының өңірлік нормаларына сәйкес далалық жағдайда практикалық оқытуды жүргізетін ТжКБ ұйымдарын қоспағанда, оқу жылы 1 қыркүйектен басталады және мамандықтың ерекшелігіне қарай оқу процесінің ұйымдастырылуына байланысты аяқталады.

2) Каникул уақыты жылына 11 аптаны, оның ішінде әскери мамандықтардан басқа, қысқы мерзімде – кемінде 2 аптаны құрайды. Дуальды оқыту кезінде ТжКБ ұйымдарының қалауы бойынша білім алушылар каникул уақытында кәсіпорындарда кәсіптік практикадан өтеді.

3) Білім алушылардың оқу жүктемесінің ең жоғары көлемі күндізгі оқыту нысанында аптасына кемінде 36 сағат міндетті оқу жүктемесін қоса алғанда, аптасына 54 сағаттан аспауы тиіс. Кредиттік оқыту технологиясы кезінде оқу жылы академиялық кезеңдерден, аралық және қорытынды аттестаттау кезеңдерінен, практикалар мен каникулдардан тұрады. Академиялық кезең ұзақтығы 15 апта болатын семестр (әскери және медициналық мамандықтар үшін кемінде 15 апта) немесе ұзақтығы 10 апта болатын триместр немесе ұзақтығы 7,5 апта болатын тоқсан болып табылады.

ТжКБ ұйымы академиялық кезеңнің нысанын, соның ішінде оны ұйымдастырудың аралас нысанын дербес айқындайды.

Бір академиялық сағат 50 минутқа тең, бір кредит 30 академиялық сағатқа тең.

Оқу жұмысы көлемін жоспарлау кезінде бір кредит 30 академиялық сағатқа тең.

* ЖБП қажеттілігіне қарай модульдерге интеграцияланады.

** Оқу орындары осы мамандықтың басқа да біліктілігіне ұқсас тәсілді пайдалана отырып, жұмыс оқу жоспарларын әзірлейді.

*** Оқу орнының қалауы бойынша дипломдық жобалау сағаттары кәсіптік модульдерге қайта бөлінеді.

**** Семестр бойынша бөлу оқу орнының қалауы бойынша өзгереді.

***** Қажет болған жағдайда, оқу орнының қалауы бойынша қорытынды аттестаттау сағаттары кәсіптік модульдерге қайта бөлінеді.

18. Техникалық және кәсіптік, орта білімнен кейінгі білім берудің үлгілік оқу бағдарламасының (бұдан әрі – Үлгілік оқу бағдарламасы) құрылымы мен мазмұны құзыреттер негізінде модульдерді, оқыту нәтижелерін, бағалау критерийлерін және модульді қалыптастыратын пәндерді анықтауды көздейді.

Үлгілік оқу бағдарламасының құрылымы

19. Үлгілік оқу бағдарламасының мазмұны үлгілік оқу жоспарының нақты модулі/пәні бойынша меңгеруге жататын білімнің, біліктің іскерліктің, дағдылар мен құзыреттіліктің мазмұны мен көлемін айқындайды.

20. Орта білімнен кейінгі білім беру бағдарламаларының мазмұны бакалавриаттың білім беру бағдарламаларының жекелеген модульдерін немесе пәндерін қоса отырып, техникалық және кәсіптік білім берудің модульдеріне біріктірілген білім беру бағдарламаларын зерделеуді көздейді.

21. Әрбір модуль бойынша үлгілік оқу бағдарламасының мазмұны қамтиды:

1. 
   модульге қысқаша шолуды;
   
2. 
   оқыту нәтижелері және бағалау критерийлерін;
   
3. 
   модульді қалыптастыратын пәндерді.
   

Әрбір модуль бойынша оқу мазмұнының көлеміне байланысты бірнеше оқыту нәтижелеріне қол жеткізу жоспарланады.

Оқыту нәтижелері және бағалау критерийлері білім алушының оқу процесі аяқталғаннан кейін не күтіліп, нені білуі, түсінуі және/немесе көрсете алатындай болуы және өзінің жетістіктерін қалай көрсететін нақты тұжырымдарды білдіреді.

Оқыту нәтижесін қалыптастыру үшін, әдетте, бір ғана әрекет етістігі қолданылады, одан кейін оқу нәтижесінің контекстін сипаттайтын фраза керек.

Әрбір оқыту нәтижесіне білім алушылардың құзыреттілігін анықтау үшін жеткілікті бағалаудың 2-5 критерийі анықталады.

Критерийлер – белгілер, оның негізінде көрсеткішті бағалау жүргізіледі.

Көрсеткіштер бағалау объектісі сапасының дәлелі болып табылатын сұраққа жауап береді.

Оқыту нәтижелері мен бағалау критерийлері кесте түрінде толтырылады (6-кесте).

6-кесте. Оқыту нәтижелері мен бағалау критерийлері

22. Құзыреттілік, модуль, оқыту нәтижелері және бағалау критерийлерінің өзара байланысы 2-суретте көрсетілген.

2-сурет. Кәсіби құзыреттіліктің, оқыту нәтижелерінің және бағалау критерийлерінің өзара байланысы