Вазопрессиннің жетіспеушілігінің себептері

Бүйректік (нефрогендік) жетіспеушілігі V₂ рецептордың гендік мутациясы салдарларынан (тұқымқуалаушы форма) болады. Бүйрек вазопрессин әсерін қабылдай алмайды.

Вазопрессин жетіспеушілігінде гормондық сигналдың берілу жүйесі бұзылатындықтан патологиялық жағдай қантсыз диабет ауруы дамуы мүмкін. Қантсыз диабеттің негізгі белгісі — гипотониялық полиурия, немесе, тығыздығы төмен несептің көп мөлшерде бөлінуі (тәулігіне 20 л, несеп тығыздығы <1,010-нан төмен). Вазопрессин секрециясының төмендеуі суды көп қабылдауға әкеледі.
Альдостерон — активті минералокортикостероид. Ол бүйрекүстілердің қыртысты қабығында холестериннен синтезделеді.

Бүйректің түйін шумақтары аймағындағы жасушаларында альдостеронның синтезі мен секрециясын ангиотензин II , АКТГ, простагландин Е стимулдейді. Сонымен бірге, бұл үдерістерді қан плазмасында К⁺ концентрациясы жоғарлауы және Nа⁺ концентрациясы төмендеуі де активтендіреді.

Ренин-ангиотензин жүйесі альдостерон секрециясында аса маңызды қызмет атқарады.

Альдостеронның спецификалық тасымалдаушы протеині жоқ, бірақ ол әлсіз байланыстар есебінен альбуминмен комплекс түзіп тасымалдануы мүмкін.