Оқушылардың білімдерін бағалау

Пән бойынша қорытынды баға (қосынды баға) сабаққа дайындалуда алынған, тәжірибелік және зертханалық сабақтарда белсенді жұмыс істеуде алынған, бақылау тапсырмаларын сапалы және мерзімінде орындауда алынған, қорытынды емтиханда алынған баллдардан (салмақтық үлестерін есепке алғанда) құралады.

Шартты белгілер: ҮТ − үй тапсырмасы, АС − ауызша сұрау, ЗЖ − зертханалық жұмыс, ЕБ − есеп беру, ЖҚ − зертханалық жұмысты қорғау, ТД − тәжірибелік жұмысқа дайындалу, Т − тапсырма, КТ − конспект, КЛ – коллоквиум, АС – ауызша сұрау, АБ- аралық бақылау.

Барлық аудиториялық уақыт дәрістерге, оқыған материалды талқылауға, зертханалық сабақтарды орындауға, рефераттар мен үй тапсырмаларын қорғауға бөлінетін болады. Егер Сіз кешігусіз барлық сабақтарға қатыссаңыз, белсенді жұмыс істесеңіз, барлық тапсырмаларды сапалы және мерзімінде орындасаңыз, онда Сіз бақылау шараларының күнтізбелік кестесінде көрсетілген максималды балл аласыз.

Зертханалық сабақтарға және пән бойынша қосымша материалды дайындауға қажетті тапсырмалар, олрады орындауға қажетті талаптар мен әдістемелік нұсқаулар алдыңғы сабақта беріледі.

СӨЖ-ді орындау мерзімдері сабақтар кестесі бойынша өзгеруі мүмкін.

Мерзімінен кеш орындалған тапсырмалар төмен бағаланады: бір жұмаға кешіккенде максималды балл 1/3-ке, ал бір жұмадан артық уақытқа кешіккенде 2 есе азайтылады.

Тәртіпті бұзған үшін және сабаққа кешіккен үшін балл 2-ден 0,5-ке дейін төмендетілуі мүмкін. Сабақтан шығарылып жіберілгенде және зертханалық сабақта қауіпсіздік техникасын бұзғаны үшін сабаққа қатынасу және дайындалу балы 0-ге тең болады.

Егер Сіз сабақта немесе бақылау жұмысында дәлелді себеппен болмасаңыз, онда сізге оқытушының айтқан уақытында жеке тапсырма бойынша қайта орындау мүмкіншілігі беріледі.

Семестр ішінде екі аралық бақылау қарастырылған. Олар блоктың негізгі тақырыптары бойынша тестілік тапсырмалар ретінде жүргізіледі. Емтиханға рұқсат алу үшін 1-2 рейтингтерден жақсы бағалар алу қажет.