Сингапурлық ғалымдар келешектің бетонын жасады

Сингапурлық ғалымдар келешектің бетонын жасады

Бетон, құрылыс материалдарының кең тараған түрлерінің бірі болып табылса да, біршама жағымсыз кемшілікке ие. Уақыт өте келе ол кебеді, жарылады және нәтижесінде қатты қысым астында сынып кетуі мүмкін. Наньян технологиялық университетінің (Сингапур) ғалымдары сынудың орнына иілуі үшін осы материалды берік ету әдісін ойлап тапты.

Нәтижесінде ConFlexPave жасаушылары пайымдағандай, «ол металл сияқты икемді, және кәдімгі бетон үшін максималды жүктемеден асатын екі есе жүктемені ұстауға қабілетті». Оның үстіне, жасаушылары материалдың сырғанауға қарсы әсерінің жоғары дәрежесіне ие екендігін айтты.

Жаңа материалды зауытта жасауға болады, содан кейін құрылыс алаңына жеткізеді. Бұл жағдайда бетонды орнында араластыратын құрылысшылардың жұмыстары жеңілдеп қана қоймай, уақытына қарай екі есе жылдам материал әзірленеді екен. Уақыт өте келе плиталар сынған кезде, оларды ауыстыруға болады (мұндай тәжірибе кәдімгі бетон плиталарымен де бар).

Қазіргі сәтке ConFlexPave жаңа материалын сынау тек зертханада өткізілген. Бұл жағдайда кәдімгі үстелдің өлшеміндей плиталары қолданылған. Әрі қарай ғалымдар университеттік кампус аумағында жаңа нысандардың құрылысы үшін осы материалдан жасалған плиталарды қолдануды жоспарлайды. Кезекте бірінші тұрған жаяу жүргіншілер және автомобильдер жолдары. Олардың беріктілігін тексеру үш жылдың ішінде жүргізілетін болады.