Тақырыбы: « «Көңілді тапқырлар » сайыс сабақ
Мақсаты: 1. Білімділік: Оқушылардың ойлау қабілеттерін дамыту арқылы ұқыптылыққа, алғырлыққа, тапқырлыққа және жарысу арқылы тез, дұрыс есептеуге тәрбиелеу.2. Дамытушылық: Өз бетінше жұмыс істей білуге дағдыландыру, ой-өрісін кеңейту. 3. Тәрбиелік: Ұжымдыққа, ептілікке тәрбиелеу.
Сабақтың түрі: сайыс сабақ
Көрнекілігі: Ойындар, сұрақ-тапсырмалар.
- Армысыздар ұстаздар, оқушылар. «Білім – адамның байлығы» демекші, халқымыз ең қымбат та, асыл қазынасы өзінің жас ұрпағын, оның бүгіні мен ертеңгі нұрлы болашағын мұғалімдердің адал жүрегіне сеніп тапсырып отыр. «Білекті бірді жығады, білімді мыңды жығады» демекші, сіздер 2 «А» сынып оқушыларының арасында өткелі отырған «Көңілді тапқырлар » атты интеллектуалды сайыс сабаққа қош келдіңіздер!.
Сайыс кезеңдерімен таныстыру.
1. Таныстыру.
2. «Бәйге»
3. "Жұмбақтар"елі .
4. Қызықты пәндер
5. «Кім жылдам?»
Жүргізуші:
1.Балалар сайыс 6 кезеңнен тұрады. Бірінші дұрыс жауап берген топқа қызыл шаршы, екінші жауап берген топқа көк шаршы беріп отырамын. Қызыл шаршы көп жинап, жеңімпаз атануға тырысыңдар.
1 - кезең:«Бәйге» жарысы:
1 - жүргізуші: Бәйгеге түсіп жарыспай,
Жүйріктің бағы жанар ма?
Білім мен өнер жарысып,
Тәрбие - тәлім табар мән.
Бұл бәйге ойдың бәйгесі,
Кім жүйрік ойға сол алда.
Келесі кезекті Бәйге жарысқа берейік:
1-тапсырма. «Кім білгір»(топ басшыларына сұрақтар қойылады)
Топ басшыларына сұрақтар:
«Бестіктер»топ басшысына қойылатын сұрақтар:
1.1сағатта неше минут бар?
2.1-ғасырда неше жыл бар?
3.Дециметр дегеніміз не?
4.Бір тәулікте неше сағат бар?
5.Ұзындық өлшем бірліктерін ата.
6.1 дм 4 см неше см болады?
7.9 ондықтан 8 бірліктен тұратын санды ата.
8.80 мен 7 сандарының айырмасынан 3 санын азайт.
9.50-ге 8 және 5 сандарының қосындысын қос.
10.2 жүздіктен 5 ондықты азайтамыз.
«Жұлдыздар» топ басшысына қойылатын сұрақтар:
1.Шаршы деген не?
2.Периметрді қалай табамыз?
3.1. 290 санында неше ондық бар??
4.1 ц. неше кг бар?
5.8 ондықтан 8 бірліктен тұратын санды ата.
6.60 пен 5-тің қосындысынан 3- ті азайт.
7.1 метр 4 см неше см бар?
8.Қосуға кері амалды ата.
9.3 жүздіктен 2 ондықтан 3 бірліктен тұратын санды ата.
10.Қосудың нәтижесі қалай аталады.
«Тапқырлар» топ басшысына қойылатын сұрақтар:
1.90 ондық қандай сан ?
2. Қарама – қарсы қабырғалары өзара геометриялық фигураны қалай атаймыз?
3. Оқу жылының алғашқы айы қандай?
4. Аптаның соңғы күні қалай аталады?
5. Бір тәулікте неше сағат бар?
6. 9+7 өрнегінің мәні қанша?
7. 60-7 өрнегінің мәні қанша?
8. 9 ондықтан 8 бірліктен тұратын санды ата.
9. Үш бұрышы бар геометриялық фигураны ата.
10. 140 санында неше ондық бар?
2-тапсырма: Бірінші кезең бойынша өлеңнің ұйқасын табу:
Жағасында бұлақ, жайылып жүр ....(лақ).
Айбат шағар алыстан , аң патшасы ...(арыстан).
Тым ойыншыл пысық , мияулаған .... (мысық).
Тыным таппас ебелек, гүлге қонар ....(көбелек)
Бата алмас түлкі, үсті тікен ....(кірпі).
Өзінше ноян, қорқақ кім ....(қоян).
Жұртқа аян , улы жәндік ....(шаян).
Ұқсамайды басқаға, тарғыл түсті...(тасбақа).
Шоқыр жерден тауып, жемді көрсе.... (тауық).
Басы ұлпа аппақ, бақта өсер... (бақбақ).
Құйрығы он қарыс, бұл айбатты ....(жолбарыс).
Келе жатыр жұмысқа ұзын мұртты ...(құмырсқа).
2 кезең :"Жұмбақтар әлемі"
Кел, балалар ойнайық,Ойлайық та ойнайық
Қандай жұмбақ болса да,Шешпей оны қоймайық!
1) Дүниені ғаламат
Төрт қонақ жүр кезекпен
Түгел шарлап аралап
Ақ киімді біреуі,
Сары киімді біреуі
Көк киімді біреуі
Әлем-жәлем киімі
Тағы бірі жүреді
2)Бір, үш, бес, он
Жиырма, елу
Жүз, екі жүз, мыңы бар
Әрқайсысының құны бар
3)Үш тілі тықылдап,
Жаңылмайды ақылды –ақ
Оңынан да оқысаң сол сан,
Солынан да оқысаң сол сан
Ол қандай екі таңбалы сан?
3-кезең "Жұлдызды сандар"
1.Кемпірқосақта неше түс бар?
2.Бағдаршамда неше көз бар?
3Қолғапта неше саусақ бар?
4.Адамда неше көз бар?
5.Жұлдызда неше бұрыш бар?
6.Аспанда неше күн бар?
7.Бір жылда неше ай бар?
8.Бір аптада неше күн?
* 9.Адамда неше саусақ бар?
2.сандардың арасына "+","-" таңбаларын қойыңдар .
22 2 2 = 2
3 3 = 3
4 4 4 4 = 4
5 5 5 5 = 5
4-кезең "Логика"елі
5-кезең:"Тапқыр болсаң ,тауып көр"
1-тапсырма:«Білгенге маржан» дүниетану пәні бойынша сұрақтар
1. Қай құс өз атын қайталай береді? (көкек)
2. Құлағы үлкен жануар? (піл)
3. Ағаш тазалайтын орман дәрігері (тоқылдақ)
4. Шөлге шыдамды жануар? (түйе)
5. Таңдайлары тақылдап,Шулайтын кім шалшықта
Бірін – бірі мақұлдап, Бірін – бірі жақтайды? (бақа)
6. Мойыны сұрақ белгісі, Бұл қандай көл құсы? (аққу)
6-кезең: «Жорға»
1-топ:
1. Жеті атаны ата. (ата, әке, бала, немере, шөбере, шөпшек,немене)
2. Оқушының алғашқы кітабы. (Әліппе)
3. Мемлекетіміздің астанасы. (Астана қаласы)
4. Төрт түлікті атаңдар. (Жылқы, сиыр, түйе, қой, ешкі)
5. ҚР мемлекеттік рәміздеріне нелер жатады? (Ту,Елтаңба,Әнұран)
2-топ:
1. Сүттен жасалатын тағамдарды ата. (айран, құрт, ірімшік, сүзбе, май, қатық, қаймақ т.с.с.)
2. Жеті күнді ата. (дүйсенбі, сейсенбі, сәрсенбі, бейсенбі, жұма, сенбі, жексенбі)
3.Тұнғыш қазақ ғарышкері (Тоқтар Әубәкіров)
4. Наурыз мейрамы қай мезгілде тойланады? (Көктем)
5. ҚР қай жылы тәуелсіздігін алды? (1991 ж)
Қорытынды.Ендігі сөзді әділ қазылар алқасына береміз.
Сонымен «Көңілді тапқырлар »сайысымыз осымен өз мәресіне жетті.Келгендеріңізге көп рахмет.
Достарыңызбен бөлісу: |
