Сабақтың мақсаты: Әртүрлі әдістермен көмірсутектердің галоген туындылары алу. Оқу-зертханалық жабдықтар тізімі

Этил спирті 95% - 40мл/0,5 моль/

Бромды калий – 60г/0,25моль/

Конц. Күкірт қышқылы – 75 мл/0,6 моль/

Дөңгелек түпті колба, мұздатқыш, аллонж, қабылдағыш колба, электр плитасы, термометр.

Қысқаша теориялық мәлімет

Көміртегі молекуласындағы бір немесе бірнеше сутегі атомдарының орнын галоген атомдары басқан қосылыстарды көмірсутектердің галоген туындылары – деп атайды. Галоген атомдарының санына қарай моно және полигалоген туындылар деп бөлінеді. Галоген туындыларын көбінесе тарихи қалыптасқан атаулармен атайды. Мысалы. СНСІ₃ – хлороформ. СНІ₃ – иодоформ. Жүйелік номенклатура бойынша галоген туындыларды атау үшін, көміртегі тізбегінің ең ұзынын алып, галогенге жақын жағынан бастап нөмірлейді. Алдымен радикалдың орны мен атын, содан кейін галоген атомының тізбектегі орны мен атын, соңынан ұзын тізбекті атайды. Мысалы:

CH₃ – CH₂ – CH(CH₃) – CHСІ – CH₃ 3- метил 2- хлор пентан