Республикалық «дарын» Ғылыми-тәжірибелік орталығы физикадан аудандық олимпиада 021 сынып, теориялық сайыс

1 2 3 4

Физика 9,10,11

РЕСПУБЛИКАЛЫҚ «ДАРЫН» ҒЫЛЫМИ-ТӘЖІРИБЕЛІК ОРТАЛЫҒЫ
ФИЗИКАДАН АУДАНДЫҚ ОЛИМПИАДА 2021

9 сынып, теориялық сайыс

Ұзындығы 7 м конус тәріздес бөрене горизонталь орналастырылған. Оның тірек нүктесі жалпақ табанынан 3 м арақашықтықта орналасқан кезде, бөрене тепе-теңдік күйде болады. Одан кейін тірек нүктесін бөрененің ортасына ауыстырады, ал тепе-теңдік күйді сақтап қалу үшін бөрененің үшкір ұшына массасы 50 кг дене іледі. Бөрененің массасы қандай? (5 ұпай)

Массасы 200 г, температурасы 15 ⁰С, суы бар калориметр стаканына 0 ⁰С температурадағы сулы қар тасталған. Жылулық тепе-теңдік күйінде калориметрдегі судың температурасы 10 ⁰С дейін төмендеді. Сулы қардың құрамында 10 г су бар болған. Калориметр стаканына тасталған сулы қар массасы неге тең? Судың меншікті жылусыйымдылығы 4200 Дж/кг·К, мұздың меншікті балқу жылуы λ=3,4·10⁵ Дж/кг. Қоршаған ортамен жылуалмасуды және калориметрдің жылусыйымдылығын ескермеңіз. (5 ұпай)

Егер планетаның экваторында дененің салмағы полюстағы салмағының 97 % құрайтын болса, планетаның өз осінің маңында айналу преиодын есептеңіз. Планетаның орташа тығыздығы 5500 кг/м³. Планетаның біртекті шар деп есептеңіз. (5 ұпай)

Қозғалыс жылдамдығы 10 м/с жеңіл шар тыныштықта тұрған ауыр шармен орталық абсолютті серпімді соқтығысқа ұшырайды. Соқтығыстан кейін шарлар бірдей жылдамдықпен қарама-қарсы бағыттарда ұшады. Шарлардың массалары қанша есе ерекшеленеді? (5 ұпай)

Теориялық сайыстың ұзақтығы 3 сағат.

РЕСПУБЛИКАНСКИЙ НАУЧНО-ПРАКТИЧЕСКИЙ ЦЕНТР «ДАРЫН»
РАЙОННАЯ ОЛИМПИАДА ПО ФИЗИКЕ 2021

Достарыңызбен бөлісу:

1 2 3 4