Аппендэктомиядан кейін іріңдіктің бірінші белгілері

Егер инфильтраттың абсцеске өту белгілері болмаса консервативті – күту іс әрекеті жасалынады: тыныштық, инфильтрат аймағына салқын қою, антибиотиктер, дене қызуына, қан анализіне динамикалық бақылау жасалынады.

Егер инфильтрат – іріңдесе, іріңдікті ашып, абсцесс қуысы жуылып, дренаж түтігі қойылады. Операциядан кейінгі кезеңде жоғарғы көрсетілген абсцесстегідей ем жасалынады.

УДТ сұйық құрамды, əртүрлі пішінді инфильтрат анықтайды.

Ақпаратты жоғары тексеру əдісіне КТ жатады. Оның көмегімен тек іріңдіктің бар немесе жоқтығын ғана емес, олардың дəл локализациясын, басқа ағзалармен арақатынастарын да анықтауға болады.

Пилефлебит – қақпа көктамыры мен оның тармақтарының септикалық тромбофлебиті, жедел аппендициттің сирек те, аса ауыр асқынуының бірі болып табылады.

Пилефлебиттің себебі гангренозды аппендицит жəне өлеттену процестерінің құрт тəрізді өсіндінің көктамырларына таралуы.

Аппенэктомиядан кейінгі пилефлебитте клиникалық кезең болмайды: науқастарда дене қызуы операциядан кейінгі бірінші күні-ақ көтеріледі, ауыр интоксикация. Құрсақты қараған кезде іш кебуі, ауырсыну сезімі байқалады. Кейінірек, процесс бауыр көктамырларына таралған кезден бастап сарғаю, бауырдың ұлғаюы пайда болады. Бауыр-бүйрек жетіспеушілігі үдеп, науқастар дерттің 7-10-шы күндері көз жұмады. Пилефлебиттен сауыққандар туралы нақты деректер жоқ. Əйтседе, мықын-тоқ ішек көктамырларын ерте байлап тастаса немесе мықын-соқыр ішек бұрышына сау тіндер шеңберінде резекция жасаса науқастарды аман алып қалу мүмкіндігі бар