Аумақтың әлеуметтік-экономикалық дамуын мемлекеттік реттеудің қолданыстағы саясатына талдау жасау

2.4. Аумақтың әлеуметтік-экономикалық дамуын мемлекеттік реттеудің қолданыстағы саясатына талдау жасау

Қолданыстағы мемлекеттік реттеу саясаты облыстың маңызды әлеуметтік-экономикалық мәселелерін шешуге және халықты жұмыспен қамтуға, өмір сүру сапасын арттыруға, тұрақты экономикалық өсімді қамтамасыз етуге бағытталған.

Бұл бағытта облыста «Өңірлерді дамыту» бағдарламасы табысты іске асырылуда. Жамбыл облысында «Өңірлерді дамыту» бағдарламасын іске асыру 2-ші бағыттың аясында іске асырылуда – бәсекелестікті жоғарылатуға және өңірдің экономикалық өсуіне ықпал ету.

Бюджеттік инвестициялық жобаларды іске асыруға республикалық бюджеттен мемлекеттік қолдау көрсету 2 басымдық бойынша іске асырылады.

Республикалық бюджеттен 2013 жылға инженерлік инфрақұрылымдды дамытуға (2-ші басымдық) 1730 млн. теңге нысаналы трансферттер, жоғары және орташа даму әлуеті бар ауылдық елді мекендерді жайластыру шараларын іске асыру үшін жергілікті өзін-өзі басқаруды мемлекеттік қаржылай қолдауға (4-ші басымдық) – 512,8 млн. теңге бөлінген.

2-ші басымдықтың аясында 1 инвестициялық «Жамбыл облысы Талас ауданы Талас өзенінің арнасын реттеу үшін және су ағызуды қалпына келтіру мақсатында су құрылымдарын қайта жаңғырту» жобаны іске асыруына республикалық бюджеттен 229 млн. теңге, жергілікті бюджеттен қосымша қаржыландыруға 16,9 млн. теңге бөлінген.

Сонымен қатар, облыста 2012-2020 жылдарға арналған бір салалы шағын қалаларды дамыту бағдарламасын іске асыру аясында Жаңатас және Қаратау бір салалы шағын қалаларын дамытудың кешенді жоспарлары әзірленген және тиісті аумақтардың мәслихат шешімдерімен бекітілген.

- нақты еңбек өнімділігіне ерекше мән бере отырып, халықтың тұрмысын және өмір сүру сапасын арттыруға, жаппай әлеуметтік асырауды жоюға және орта кластың жағдайын жақсартуға бағытталған әлеуметтік жаңғыртуды жүргізуге;

• 
  Жалпы өңірлік өнімінің нақты көлем индексі, % алдыңғы жылға;
  
• 
  2009 жылғы деңгейге жалпы өңірлік өнімнің нақты көлем индексі (жоспар);
  
• 
  Халық санының өсуі/азаюы;
  
• 
  Өнеркәсіптік өнімінің нақты көлем индексі;
  
• 
  Өңдеу өнеркәсібіндегі өнім шығарудың нақты көлем индексі;
  
• 
  Кен өндіру өнеркәсібі және ашық кеніштерді игерудің нақты көлем индексі;
  
• 
  Электр энергиясын жұмсауды арттыру;
  
• 
  Ауыл шаруашылығы жалпы өнімінің НКИ;
  
• 
  Шағын және орта кәсіпкерлік субъектілерінің өнім шығаруының нақты көлем индексі;
  
• 
  Бөлшек сауданың нақты көлем индексі;
  
• 
  Негізгі капиталға салынған инвестициялардың нақты көлем индексі;
  
• 
  Инновация саласындағы белсенді кәсіпорындар мен ұйымдар деңгейінің өсімі (технопарктер, бизнес-инкубаторлар, индустриалдық парктер және т.б.);
  
• 
  Тауарларды, жұмыстар мен қызметтерді сатып алудың жалпы көлеміндегі қазақстандық үлесті ұлғайту;
  

• 
  Халықтың білім берудің қол жетімділігіне және сапасына қанағаттану деңгейі;
  
• 
  Балаларды мектепке дейінгі тәрбиемен және оқумен қамту ( 3-тен 6 жасқа дейінгі);
  
• 
  Жастарды техникалық және кәсіптік біліммен қамту үлесі (14-24 жас);
  
• 
  Жамбыл облысы әкімдігінің балалар құқығын қорғау бойынша басқармасына түскен балалар құқығына қатысты анықталған бұзушылықтардың жалпы санынан жойылған бұзушылықтар үлесі;
  
• 
  Медицина қызметінің сапасымен тұрғындардың қанағаттануының деңгейі;
  
• 
  Халықтың күтілетін өмір сүру ұзақтығы;
  
• 
  1000 адамға шаққандағы жалпы өлімнің азайюы;
  
• 
  Жұмыссыздық деңгейі;
  
• 
  Ең төменгі күнкөріс деңгейінің шамасынан төмен табысы бар халықтың үлесі;
  
• 
  Арнайы әлеуметтік қызметтер ұсынумен қамтылған тұлғалардың үлес салмағы (қызмет алуға мұқтаж тұлғалардың жалпы санында);
  
• 
  Өндірісте зақым алу деңгейін төмендету;
  
• 
  Облыс халқының мәдениет саласы қызметтерінің сапасына қанағаттану деңгейі;
  
• 
  Мемлекеттік тілді меңгерген халық үлесі;
  
• 
  Жүйелі түрде дене шынықтырумен және спортпен шұғылданатын, барлық жастағы тұрғындарды қамтуды ұлғайту;
  
• 
  Туристтік қызмет саласында қызмет көрсететін ұйымдардың жиынтық табысын ұлғайту;
  
• 
  Мемлекет пен азаматтық қоғам институттарының өзара қатынастарын оң бағалайтын тұрғындар үлесін арттыру;
  
• 
  14 пен 29 жас аралығындағы тұрғындар арасында жастарға қатысты мемлекеттік саясатқа қанағаттану деңгейі;
  
• 
  Ішкі істер органдарына халық сенімінің болжамды деңгейі;
  
• 
  Төтенше жағдайлардан адамдардың және материалдық шығындардың азайюы;
  

• 
  Халықтың байланыс және коммуникациялар саласындағы қызметтер сапасына қанағаттану деңгейі;
  
• 
  Құрылыс жұмыстарының нақты көлем индексі;
  
• 
  Тұрғын ғимараттарды пайдалануға беру көлемі;
  
• 
  Азаматтық қолданыстағы нысандарды сейсмотұрақтылыққа зерттеу;
  
• 
  Жақсы және қанағаттандырарлық жағдайдағы жергілікті маңызы бар автомобиль жолдарының үлесі;
  
• 
  Жүк айналымының көлемі;
  
• 
  Жолаушылар айналымының көлемі;
  
• 
  Тұтынушылардың коммуналдық қызметтердің сапасымен қанағаттанушылық деңгейі;
  
• 
  Тұрғындардың орталықтандырылған сумен жабдықтауға қол жетімділігінің деңгейін арттыру;
  
• 
  Жылумен қамту қызметтерінің қамтамасыз етілу деңгейін арттыру;
  
• 
  Халықтың су бұру қызметтерімен қамтамасыз етілу деңгейін арттыру;
  

• 
  Жоғары әлеуеті бар ауылдық елді мекендерді дамытудың санын арттыру;
  
• 
  Зиянды заттардың жаппай шығарылуын төмендету;
  
• 
  Мемлекеттік орман қорының орман алқаптарының көлемі.
  

• 
  Халықтың әлеуметтік маңызы бар қызметтерді көрсету сапасына қанағаттану деңгейі.
  

Сыртқы сауда айналымы сыртқы саудадағы мемлекеттік саясат шеңберінде жүргізілетін болады. Облыста өндірілетін өнімдердің экспортқа бағытталуын арттыру бойынша шаралар іске асырылатын болады.

Инфляция деңгейін 6-8% делізі деңгейінде ұстау үшін келесі жұмыстар жалғасытырылатын болады:

1) бөлшек саудада сатылатын азық-түлік тауарларының негізгі түрлерінің бағасына, және де өндіруші кәсіпорындардың жіберетін бағасына мониторинг жасау;

2) облыстағы негізгі азық-түлік тауарларын өндірушілермен және сатушылармен бағаны тұрақтандыру мәселесі жөніндегі өзара ынтымақтастық туралы меморандумдар жасау;

3) әлеуметтік сауда нүктелерін, жылжымалы сауда павильондарын ашу;

4) болашақта жетіспеушілігі немесе бағасының көтерілуі болжамданған азық-түлік тауарларын қажетті көлемде резервте сақтау жөніндегі шараларды жүзеге асыру;

5) қыс кезеңінде жеміс-көкөніс өнімдерін сақтауды және оны ары қарай ең төмен сауда үстемесімен көтерме-бөлшек желісі, сондай-ақ коммуналдық базарлар арқылы сатуды қамтамасыз ету;

6) жылыжай шаруашылығын дамыту;

7) тұрақты түрде ауыл шаруашылығы жәрмеңкелерін және басқа шараларды өткізу.

Халық санының өсуі бала туудың өсуі, өлімнің азаюы және көші-қонның теріс сальдосы есебінен қамтамасыз етіледі.

Мақсат 4.1.2.: Жамбыл облысының өнеркәсіптік әлеуетін арттыру

Индустрияландыру Картасының шеңберінде 2013 жылы іске асыруға қарастырылған құны 22,6 млрд. теңгені құрайтын (676 жаңа жұмыс орны) 9 инвестициялық жобаның 20,9 млрд. теңгеге 8 жобасы іске қосылып, 626 жұмыс орны құрылған («Бірлік Энерго» ЖШС - шикі мұнайды өңдеу бойынша зауыты, «Құрылыс-Полимер» ЖШС - пластмасс бұйымдарын өндіретін зауыт, «Үміт Қордай» ЖШС - сүт өнімдерінің өндірісі, «Алкопищепром» ЖШС - ауыл шаруашылық шикізатын қайта өңдеу және консервілеу зауыты, «Компания A & T - энерго» ЖШС - Тасөткел су қоймасында ГЭС, «Тараз құбыр зауыты» ЖШС - полиэтиленді құбырлар өндірісі бойынша зауыт, «ЭнергоСтройПроект» ЖШС - Қарақыстақ өзенінде шағын ГЭС, «Казфосфат» ЖШС - күкірт қышқылы цехінің құрылысы). Жыл соңына дейін құны – 1715,0 млн. теңге, 50 жаңа жұмыс орнымен өндірісті жетілдіру және кеңейту бойынша «Жамбылгипс» АҚ-ы инвестициялық жобасы жүзеге асырылады.

2014 жылы құны 43,9 млрд. тенгені құрайтын, 5 инвестициялық жобаның іске асырылуы жоспарлануда, онда 693 жаңа жұмыс орнын құру жоспраланған: («Тараз металлургиялық зауыты» ЖШС-і – ферроқорытпа өндірісін және оның шикі базасын кеңейту (2 кезең), «Арайстроймаркет» ЖШС – радиаторлар өндіретін шағын зауыт құрылысы, «БиномСтройДеталь» ЖШС – құрылыс матералдары комбинатының базасындағы үй-құрылыс қомбинатының құрылысы, «Talas Investment Company» ЖШС – натрий цианидін өндіру бойынша зауытының құрылысы, «Vista International» ЖШС – Қордай жел-электростанциясының құрылысы).

2015 - 2018 жылдары құны 400,0 млрд. тенгені құрайтын 3 инвестициялық жобаның іске асырылуы жоспарлануда, онда 2405 жаңа жұмыс орынын ашу жоспарланған («Alina Holding» ЖШС – «Құрғақ құрылыс қоспаларын» өндіру кешенінің құрылысы, «Біріккен химиялық компаниясы» ЖШС – глифосат өндірісі, «ЕвроХимТыңайтқыштар» ЖШС-і – Қаратау қаласындағы минералды тыңайтқыштарды өндіру бойынша химия зауытының құрылысы). 4 инвестжоба әзірленіп, ҚР ИЖТМ-не Индустриаландыру картасына енгізу үшін келісуге ұсынылған. («Оңтүстік Халал Тағамдары» ЖШС – «Мал сою және ет өндеу кәсіпорынның құрылысы», «Мын-Арал Компаниясы» ЖШС – «Балық өндеу бойынша зауытын қайта жаңғырту», Central Asia Gold Production» ЖШС – «Бағалы металл қойырпаларын өндіру бойынша зауыттың құрылысы», «КазБарит» ЖШС – «Барит рудасын өндіру және қайта өңдеу тау-кен байыту кешені»).

«Самұрық-Қазына» ұлттық әл ауқат қорының қатысуымен, операторы «Бірлескен химиялық компания» ЖШС-і болып табылатын, негізгі мақсаты барынша тиімді технология негізінде химия өнімдерінің жаңа экспортқа бағытталған өндірісін құру бойынша «Тараз» химия паркі» арнайы экономикалық аймағын құру жөнінде жұмыстар жүргізілуде.

Химия өнімдерін өндіру бойынша біртұтас кластер құру, онда 2013-2016 жылдары индустриалдық аймақ салу және өндірістің бірінші кезегін енгізу, ал 2017-2025 жылдары - өндірістің екінші кезегін енгізу қарастырылған, бірінші кезеңде келесі инвестициялық жобалардың өндірісін жолға қоюға мүмкіндік береді, бұл құны 20,5 млрд. теңге «Каустикалық сода және хлор өндірісі», құны 6,0 млрд. теңге «Үшхлорлы фосфор өндірісі», құны 13,0 млрд. теңге «Глифосат (гербицид) өндірісі», құны 18,7 млрд. теңге «Синиль қышқылының және натрий цианидінің өндірісі». Алдын-ала бағалау бойынша АЭА ифрақұрылымына салынатын инвестиция 33,3 млрд. теңгені құрайды. Қаржылай инвестициядан бөлек өңірде қосымша 2000 астам тұрақты жұмыс орны құрылатын болады.

2013 жылы Т. Рысқұлов ауданындағы жылдық қуаты – 2,1 МВт болатын Қарақыстақ ГЭС-ы, Шу ауданында жылдық қуаты – 9,2 МВт болатын Тас-Өткел ГЭС-ы, Қордай ауданында жылдық қуаты – 4 МВт болатын Кордай 21-ЖЭС-ын (бірінші кезегін) және де жылдық қуаты – 1 МВт болатын Қазақстандағы тұңғыш күн электростанциясы іске қосылды.

2012 жылдың басынан бастап, жылдық қуаты – 19 МВт құрайтын Меркі ГЭС-ның, бірінші кезекте жылдық қуаты – 100 МВт болатын Жаңатас ЖЭС-ның, Жамбыл ауданындағы бірінші кезектегі жылдық қуаты – 24 МВт болатын күн электростанциясының құрылысы басталды.

Тараз қаласында РК-4 аумағында, электроэнергия өндіру бойынша жылдық қуаты 50 МВт және жылу энергиясы бойынша 40 Гкал болатын, жалпы соммасы - 7,4 млрд. теңгені құрайтын когенерациялық жылу электростанциясының (КГЖЭС) құрылысы басталды.

Электроэнергетиканың дамуындағы келесі оңтайлы бағыттардың бірі - энерготапшылықты азайту мақсатында өнеркәсіпке, ауыл шаруашылығына және тұрғын-үй шаруашылығына энерго үнемдеуіш технологияларды енгізу болып табылады.

Мақсат 4.1.3.: Бәсекеге қабілетті агроөнеркәсіп кешенін құру

Аймақта мал басының сапасын жақсарту, мал шаруашылығының тиімділігін арттыру бойынша және экспортталатын ет өнімінің сапасын бақылау үшін 2013 жылы облыста (Тараз қаласында) мал шаруашылығын дамыту бойынша бірыңғай орталық құрылады. Ауыл шаруашылығы кәсіпорындарының іріленуін және Жамбыл облысы аумағында тиімді ірі тауарлық ауыл шаруашылығы өндірісін құруды ынталандыру бойынша жұмыс жалғасады.

2013 жылы Индустрияландыру картасы аясында «Умит Кордай» ЖШС-інің сүт өнімдерін шығару және «Алкопищепром» ЖШС-інің ауылшаруашылығы өнімдерін өңдеу және консервілеу бойынша зауыт салу инвестициялық жобалары іске қосылды.

Азық-түлік қауіпсіздігін қамтамасыз ету шеңберінде Байзақ ауданында жылына 3 мың тонна құс етін шығаратын «Әулие Ата Феникс» ЖШС-нің құс фабрикасын ашу бойынша жобасын іске қосу жоспарлануда. Жоба өңірдің экономикалық дамуына ықпал ететін болады. Жоба ағымдағы жылы «КазАгро» ҰБХ» АҚ-ның несие комитетімен мақұлданды. Жобаны іске асыру 2014 жылға қарастырылған, құны 1,2 млрд. теңгені құрайды.

«Тараз» аграрлық қайта өңдеу логистикалық орталық жобасын іске асыру бойынша жұмыстар жүргізілуде. Өнімді қайта өңдеу және консервілеу бойынша зауыт, көкөніс сақтау қоймаларын, көліктік және сервистік кәсіпорындар, сэндвич-панелдер шығару бойынша зауыт және жылыжайлар салу үшін Жамбыл ауданының Шөлдала ауылында 370 гектар жер бөлінді.

2-ші міндет бойынша қол жеткізу жолдары (2012-2015 ж.ж.): Мақсатқа қол жеткізу үшін жерді түгендеу, мемлекеттік кадастрдың автоматтандырылған жүйесін құру, жердің есебін және мониторингін жүргізу, "е-үкіметті" қалыптасытру және дамыту шеңберінде "е-әкімдік" желісіне кіру, жерді зерттеу және оның картографиясын жасау, сонымен қатар, есептің және жер салығы мен басқада түсімдердің бюджетке толық түсуін және оның есебін қамтамасыз ету жүргізіледі.

3-ші міндет бойынша қол жеткізу жолдары (2012-2015 ж.ж.): Гидрометриялық су өлшеу бекеттерін, су беру реттегіш-шлюздерін және суармалы каналдарды, оның ішінде лотоктарды ағымды жөндеу жоспарланған.
Мақсат 4.1.4.: ШОБ және сауданы дамыту

Келесі шараларды өткізу жоспарлануда:

1) 2010-2014 жылдарға арналған үдемелі индустриялдық-инновациялық дамытудың мемлекеттік бағдарламасы шеңберінде жаңа инвестициялық жобаларды, сондай-ақ «Бизнестің жол картасы-2020» бағдарламасы аясында өндірісті модернизациялауға және кеңейтуге бағытталған жобаларды қолдау;

2) бизнес үшін әкімшілік тосқауылдарды қысқарту бойынша өңірлік үйлестіру кеңесінің жүйелі жұмысын жалғастыру;

3) нормативтік құқықтық базаны жетілдіру бойынша ұсыныстар әзірлеу;

4) кәсіпкерлік субъектілерін қаржылық даму институттарының қаржылары есебінен кредиттеу;

5) кәсіпкерлер форумдарын, отандық тауар өндірушілер жәрмеңкелерін өткізу;

6) кәсіпкерлермен түсіндіру семинарларын, тренингтер, дөңгелек үстелдер өткізу, шағын және орта кәсіпкерлік субъектілері үшін буклеттер және әдістемелік құралдар шығару;

7) жаңа кәсіпкерлерді тарту мақсатында өңірлік рыноктар, тауарлар мен қызметтерге сұраныстар туралы ақпарат жинауды, талдауды және жариялауды ұйымдастыру.

2-ші міндет бойынша қол жеткізу жолдары (2012-2015 ж.ж.): Өткеру рыногын кеңейтуге және отандық тауар өндірушілер өнімін жылжытуға ықпал ету, шекара маңы саудасын, сауда инфрақұрылымын дамыту жөнінде шаралар қамтамасыз етіледі.
Мақсат 4.1.5.: Инвестицияны тарту арқылы инновацияны дамыту және технологиялық жетілдіруге ықпал ету

Мемлекеттік және жергілікті бюджеттердің әлеуметтік секторды (білім, денсаулық сақтау және спорт) дамытуға, тұрғын үй-коммуналдық шаруашылыққа және ақаба суларды тазартуды қосқанда экологиялық қауіпсіздік проблемаларын шешуге бағытталған шығыстары ішкі сұраныстың көзі және облыс экономикасындағы инвестициялық белсенділікті қолдаудың жолы болып табылады. 2012 жылы оларды дамытуға арналған мемлекеттік бюджеттің шығыстары 30 млрд. теңгені құрап, 2011 жылмен салыстырғанда 10,3%-ға артты, жергілікті бюджеттікі – 13,3 млрд.теңге құрап, 44,6%-ға өсті.

2013-2015 жылдардағы инвестицияның өсу қарқыны орташа алғанда жылына 10,5%-ды құрайды. Белсенді технологиялық модернизацияны жүргізуге және аймақтың әлеуметтік-инфрақұрылымдық дамуына мүмкіндік беретін негізгі капиталдың жинақталуы қамтамасыз етілетін болады.

Шаралар: 2012-2015 жылдары республикалық маңызы бар жолдарды және облыс деңгейіндегі автожол желісін модернизациялауға, экономиканы өндірістік қуаттармен жарақтандыру және негізгі капиталдың тозуы проблемаларын ескере отырып, жұмыс істейтін өндірістердің технологиялық базасын жаңартуға бюджеттен тыс көздерден 250 млрд. теңгеден кем емес инвестиция тарту қарастырылуда. Оның ішінде ҮИИДМБ аясында жаңа өнеркәсіптік өндірістерді құруға инвестициялар тартылмақ: 2012 жылы – 14,3 млрд. теңге, 2013 жылы – 19,7 млрд. теңге, 2014 жылы – 29 млрд. теңге және 2015 жылы – 35 млрд. теңге.

Облысқа 2 кешенді станциялардың құрылысын жүргізе отырып, Азиялық магистралдық газ құбырының 3-ші желісін жүргізуге 150 млрд. теңгеден кем емес (1 млрд. АҚШ доллары) тікелей шетелдік инвестицияларды тарту көзделуде.

Тауарларды, жұмыстар мен қызмет көрсетуді сатып алудағы қазақстандық үлесті арттыру мақсатында облысымызда келесі жұмыстар жүргізіледі:

- облыстың тауар өндірушілерінің өндіретін тауарларының каталогын жаңартып, «NADLoC» АҚ және облыс әкімдігінің сайттарына орналастыру;

- импорт алмастыратын өнімдерді шығаруға бағытталған жаңа өндірістерді ашу және жұмыс істейтін өндірістерді кеңейту бойынша жобаларды жүзеге асыруға ықпал ету;

- облыстағы мемлекеттік мекемелер мен жүйе құраушы кәсіпорындарда тауарлар, жұмыстар және қызметтерді сатып алудың ай сайынғы мониторингін жүргізу.
БАҒЫТ 4.2. «Әлеуметтік саланы дамыту және халықтың өмір сүру сапасы деңгейін арттыру, тұрақтылықты және қауіпсіздікті қамтамасыз ету»
Мақсат 4.2.1.: Білім берудің қол жетімділігін және сапасын қамтамасыз ету, балалардың құқығын және заңды мүдделерін қорғау жүйесінің тиімділігін арттыру

Жаңа үлгідегі педагогтарды әзірлеу үшін барлық кезеңдерінде курстық даярлау және қайта даярлау жүйесі арқылы педагогтық кадрлардың біліктілігін арттыру және педагогтық жұмысшыларды аттестациялау жүйесін жүзеге асыру іске асырылатын болады. Облыстық және республикалық кадрлар білімін арттыру және қайта даярлау институттарының базасында облыстың инновациялық дамуына ықпал етуге қабілеті бар және заманауи білімі бар педагогтық кадрларды даярлау іске асырылатын болады.

Шығармашылық белсенділікті ынталандыруға, кәсіби шеберліліктің деңгейін жоғарылатуды ынталандыруға, дарынды педагогтарды анықтауға, педагог-зерттеушілер еңбегінің престижін арттыруға, инновациялық педагогтық тәжірибені жинақтау нысандарын жетілдіруге, педагогтардың ғылыми-әдістемелік және тәжірибелік жұмыстарын насихаттауға, облыстың жалпы білім беру мектептерінің жақсы мұғалімдерінің және қосымша білім беру мекемелері педагогтарының жұмыс тәжірибесін таратуға ерекше назар аударылатын болады.

4.2.1.2. Жалпы орта білім беру қызметінің сапасын жоғарылату міндеті бойынша қол жеткізу жолдары: 2011-2012 оқу жылдары табиғи-математикалық пәндер бойынша білім беру бағдарламаларын табысты меңгерген оқушылар үлесі 57,2% құрады, жоспар - 57,0%, 2012-2013 жылдары 58,1% (жоспар – 58,0%).

2012-2013 жылдар қорытындысы бойынша білім сапасы математикадан – 51,8%-ды, физикадан - 55%-ды, химиядан – 55,4%-ды, биологиядан - 61%-ды, географиядан - 64%-ды құрады.

2012 жылы жаңа модификациядағы 57 кабинет, оның ішінде 6 биология, 44 химия, 3 физика, 4 лингофондық мультимедиялық кабинеттер сатып алынды.

2013 жылы жаңа модификациядағы 93 кабинет, оның ішінде 9 биология, 52 химия, 15 физика, 17 лингофондық мультимедиялық кабинеттер сатып алу жоспарлануда.

Кең ауқымды интернет желісіне облыстың жалпы білім беретін мектептерінің 90,0%-ы қосылып, білім мекемелерінің 4-тен 10 Мбит шығу мүмкіндігі бар Интернет желісіне қосылуға қол жетімділігі қамтамасыз етілген, бұл білім нысандарына электрондық оқыту жүйесін енгізуге ықпалын тигізетін болады. Оқушыларды компьютерлік техникамен қамтамасыз ету, интерактивтік тақталарды орнату артады.

Аз қамтылған отбасылардан шыққан оқушылардың жалпы санынан сапалы және теңдестірілген ыстық тамақпен қамтылған балалардың үлесі 2012 жылы 100%-ға жеткізілген. Бұл Қазақстан Республикасы Үкіметінің №64 Қаулысына сәйкес жалпы оқыту қорына бөлінетін шығындар сомасын ұлғайту нәтижесі.

2012 жылы 8 мектептің құрылысы аяқталып, 5 апатты және 3 үш ауысымдағы мектептер мәселесі шешілді, 27 білімберу нысандары күрделі жөнделді. 4 мектептен тыс мекемелер ашылды.

Ағымдағы жылы апатты мектептер орнына 750 орындық 3 мектеп пайдалануға берілді, жыл соңына дейін 1665 орындық 4 мектепті пайдалануға беру жоспарлануда, Жамбыл, Қордай, Мойынқұм аудандарындағы 1 апатты 2 үш ауысымдық және 1 ыңғайланған ғимаратта орналасқан мектептер мәселесі шешіледі деп күтілуде.

Кедергісіз жағдайлар құру мақсатында облыстың 456 жалпы білім беру мектептерінің 261 мектебінде пандустар және тұтқалар, 250-інде кең есіктер орнатылып, 51-інде демалыс бұрыштары ашылған. 170 мектепке дейінгі мекемелердің 38-де пандустар және тұтқалар, 75-інде кең есіктер орнатылған. Стандарттарға сәйкес пандустар, тұтқалар орнату, демалыс орындарын ашу жұмыстары жалғасуда.

Инклюзивті білім беру үшін жағдай жасалған білім беру мекемелерінің олардың жалпы санынан үлесі 2012 жылдың қорытындысы бойынша 68 мектепті - 14,9%-ды құрайды (2011 ж. - 62 мектеп (13,6%)). 2013 жылдың соңына олардың санын 81 бірлікке (17,7%) дейін ұлғайту жоспарлануда, 2014 жылы – 90 бірлік (19,8%), 2015 жылы – 136 бірлік (30%).

2013 жылы Жамбыл, Т.Рысқұлов және Қордай аудандарында 3 логопедтік пунктер, Тараз қаласындағы № 46, 30 мектептерінде 2 логопедтік пунктер, №33, 15, 35 бала бақшаларында 3 логопедтік пунктер ашу жоспарлануда, 2014 жылы Шу, Т. Рысқұлов және Талас аудандарында және Тараз қаласында 4 түзету және инклюзивті білім беру кабинеттерін, №6 және №18 мектептерінде 2 логопедтік пункт, 2015 жылы - Қордай, Талас, Шу аудандарында бала бақшаларда 3 логопедтік пункт, Тараз қаласындағы №14, 28, 38 орта мектептерінде 3 логопедтік пункт ашу жоспарлануда.

«Балапан» бағдарламасының шеңберінде 2012 жылы құрылыс есебінен Меркі, Талас, Сарысу аудандарда әр кайысы 280 орындық 3 мемлекеттік балабақша пайдалануға берілді, жаңғырту есебінен 11 мемлекеттік және 3 жеке меншік мектепке дейінгі ұйымдар, 8 шағын орталықтар, істеп тұрған мектепке дейінгі ұйымдарда қосымша 455 орындар ашылды.

2013 жылы мектепке дейінгі білім беру мекемелерінің желісі 11 бірлікке (1710 орын) ұлғаяды: құрылысы есебінен Байзақ ауданда 280 орындық 1 балабақша, Тараз қаласында 600 орындық 2 балабақша, Мойынқұм ауданында 140 орындық 1 балабақша; бұрын жекешелендірілген балаларға арналған мектепке дейінгі білім беру мекемелерінің 7 ғимаратын (690 орын) қайтару есебінен Меркі ауданында 140 орындық 1 балабақша, Қордай ауданында 300 орындық 3 балабақша, Шу ауданында 200 орындық 2 балабақша, Жамбыл ауданында 50 орындық 1 балабақша.

2014 жылы мектепке дейінгі білім беру мекемелерінің желісі 21 бірлікке (2995 орын) ұлғаяды, оның ішінде:

- 1680 орындық 7 балабақша құрылысы есебінен: республикалық бюджет есебінен әрқайсысы 280 орындық Шу (2 бірлік), Т. Рысқұлов (1 бірлік), Жамбыл (1 бірлік) және Қордай аудандарында (1 бірлік), жергілікті бюджет есебінен әрқайсысы 140 орындық Мойынқұм, Меркі аудандарында;

- Тараз қаласында 100 орындық, Байзақ ауданда 50 орындық 2 жекеменшік балаларға арналған мектепке дейінгі білім беру мекемесін ашу;

- бұрын жекешелендірілген балаларға арналған мектепке дейінгі білім беру мекемелерінің 2 ғимаратын (440 орын) қайтару есебінен: Талас ауданында 160 орындық және Тараз қаласында 280 орындық.

- 350 орынға 5 шағын орталықтар: 4 мемлекеттік (275 орын), 1 жекеменшік (75 орын) ашылады.

- 375 орындық балабақшалар ашу үшін 5 ғимараттар берілді.

2015 жылы мектепке дейінгі білім беру мекемелерінің желісі 12 бірлікке (900 орын) ұлғаяды:

- Меркі ауданында 140 орындық балабақша құрылысы;

- 150 орындық 3 балабақша ашу және басқа ғимараттарды беру;

- 330 орынға 7 шағын орталык (150 орынға 4 мемлекеттік, 180 орындық 3 жекеменшік) ашу есебінен.

4.2.1.5. Бәсекеге қабілетті кадрларды сапалы даярлау үшін жағдай жасау міндеті бойынша қол жеткізу жолдары:

Облыс бойынша 2012-2013 оқу жылдарында 54 техникалық және кәсіптік білім беру ұйымдары қызмет көрсетуде (оның 2-уі жабылған), оның ішінде 30 мемлекеттік және 24 мемлекеттік емес колледждер.

Техникалық және кәсіптік білім беру ұйымдарына 2012-2013 жылдары 35472 адам тіркелді.

Мемлекеттік тапсырыстың есебінен білім алып жатқан оқушылардың саны 12966 адамды (36,5%) құрады. Облыс колледждерінде 121 мамандық бойынша техникалық және кәсіптік білім кадрларын даярлау жүзеге асырылуда.

Жергілікті бюджеттен мемлекеттік білімнің тапсырыс көлемі жылсайын өсуде.

2011-2012 оқу жылдарында ЖБ және РБ барлығы 4496 орын бөлінген, оның 3859 орны жергілікті бюджеттен. Осы оқу жылында ЖБ және РБ барлығы 4229 орын бөлінді, оның 3994 орны жергілікті бюджеттен, бұл өткен жылға қарағанда 135 орынға артық.

2012 жылы күндізгі бөлімнің 7307 түлектерінен 6277 адамы (85,9%) жұмысқа орналасқан.

Оқу жылдың (2011-2012 оқу жылында), гуманитарлық және техникалық бағыттағы 9 колледждің қызметі тоқтатылды:

- лицензиялық талаптарға сәйкес келмеуіне, материалды-техникалық базанын жетіспеуінен байланысты әкімшілік соттың шешімі мен 5, құрылтайшылар шешімімен 1 колледж жабылды;

- біліктілік талаптарға сәйкес келмеуіне байланысты 3 колледждың қызметі тоқтатылды.

Қазақстан Республикасы 2012 жылдың 18 сәуірдеғі №544 қаулысына сәйкес 3 колледж жабылды – ТарМУ жаныңдағы көп салалы Тараз, Каратау қалаларында және ТарМПИ жанындағы «Мәдениет және өнер колледждер».

Осыған байланысты мақсат индикаторының көрсеткіші «14-24 жастағы жастарды техникалық және кәсіптік біліммен қамту үлесіуге 2013-2015 жылдарда төмендейуге болжамдалуда.