III. Білім алушыны бағалау критерийлері

Барлық сабақтарға міндетті түрде қатысу. Кешігуге жол бермеу. Жұмыстардың барлық түрлерін көрсетілген мерзімде орындап, қорғау қажет. Кезекті тапсырманы орындамаған немесе одан 50% баллдан кем алған білім алушылар көрсетілген тапсырманы қосымша қайта тапсыра алады.

- егер, курс онлайн немесе гибридті форматта ұйымдастырылатын болса - бекітілген сабақ кестесіне сәйкес онлайн және оффлайн формалардағы сабақтарға қатысу міндетті болып есептеледі. Өз уақытында қашықтықтан оқыту технологиясы арқылы сабаққа қатыспаған жағдайда, барлығы автоматты түрде ескеріліп, курс бойынша бағасына әсер етеді.

- егер, дәлелді себептерге байланысты білім алушы сабаққа қатыса алмаса, жіберіп алған тақырыптың қысқаша мазмұнының түйіндемесін ұсынуға міндетті.

Зертханалық сабақтарға дәлелді себептермен қатыспаған білім алушылар, оқытушы рұқсат еткеннен кейін, лаборанттың қатысуымен қосымша уақыт ішінде өтейді.

- егер, курс онлайн немесе гибридті форматта ұйымдастырылатын болса - зертханалық және практикалық сабақтардың нәтижелерін профессор - оқытушыға онлайн форматта платформа арқылы байланысқа шығып, жеке тапсыруға мүмкіндігі болады.

Әрбір аралық бақылау алдында сабаққа дәстүрлі және онлайн форматтарда қатыспаған білім алушы кезекті аралық бақылауға жіберілмейді. Жұмыстардың барлық түрлерін орындамаған білім алушылар емтиханға жіберілмейді.

Академиялық құндылықтар.

Білім алушылар Болашақ университетінің Академиялық адалдық ережесін орындауға міндетті. Толерантты, өзгелердің пікірімен санасатын болуы тиіс. Наразалығын әдепті түрде жеткізуі керек. Аралық және қорытынды емтихан өткізу кезінде бір - бірімен сөйлесуге, көшіріп жазуға және ұялы телефон пайдалануға, басқа біреудің орнына емтихан тапсыруға жол берілмейді. Онлайн форматта аралық және қорытынды емтихандар тапсыруда міндетті түрде прокторинг жүйесі арқылы тексерілу қажет, сонымен қатар, тиісті бақылауларды өзі тапсырып жатқандығын дәлелдеу керек. Жоғарыда көрсетілген тәртіпті ескермеген білім алушы «F» қорытынды бағасын алады.

Білім алушы өзіндік жұмыстарды (БӨЖ) орындау барысында, оларды тапсырып, қорғау жөнінде кеңестер , өтілген материалдар бойынша қосымша ақпараттар алу және оқитын пәні бойынша туындаған барлық сұрақтары бойынша оқытушыға оның офис-сағаттары кезінде жүгінуіне болады.

Критерийлік бағалау:

Лекциялық, практикалық/зертханалық БОӨЖ, БӨЖ сабақтардың баллдары дескрипторларға сәйкес Платонус бағдарламасында апта сайын бекітілген сабақ кестесі бойынша көрсетіледі.