Пән/модуль сипаттамасы: «Сахна тілі»

Тіл мәдениетінің қайнар көзі – сахна тілі. Сахна тілі - халықты жүзбе жүз көріп отырып, мәдениетті, әдебиетті, өнерді, саясатты басқа да мәселелерді уағыздайтын, халықтың санасына сіңіріліп, ұрпақты тәрбиелейтін тіл. Сахна тілі қанша көрермен отырса, сонша адамның құлағына кіріп, жүрегіне ұялап, жан дүниесін шымырлатып, көкірегіне сәуле түсіретін тіл болуы қажет. Тілді әдемі жаза білу бар, дұрыс сауатты сөйлей білу бар. Сонымен қатар оны халыққа жеткізе білу бар. Сол тілді халыққа әдемі мәнерлі, сазды жеткізе білу үшін сахна тілі ауадай қажет. Өйткені драмадағы ең бастысы, ең шешушісі, ең негізгісі – тіл. Сахнада сөйлеу - үлкен өнер. Біреудің ойын, жансезімін, жүрек толғанысын өз сөзінде етіп жеткізу, сөйлеу нормаларын бұзбай, драматургтың ойтебіренісін ойша-қатесіз, көрермен құлағының құрышын қандырардай етіп жеткізу – қиынның қиыны. Салауатты әр мәдениетті адамдар үшін дұрыс сөйлеп, сауатты жазу қандай міндет болса, сөздерді дұрыс айту да актерлар үшін аса маңызды.