БүлдірШін жастаҒы балалардЫҢ физикалЫқ ЖәНе ПсихикалЫқ әлеуметтік дамуЫ (0-5 Жас) (Оқу-әдістемелік құрал) астана, 2014

Тамақтың жетіспеушілігі сапалық тұрғыдан да, сандық тұрғыдан да дұрыс тамақ ішпеудің, сондай-

ақ аурудың салдары болып табылады. Іс жүзінде жеткіліксіз тамақтану мен инфекциялардың 

арасында тікелей байланыс бар. ДДСҰ бағалауы бойынша (1998), дұрыс тамақтанбау 54% 

жағдайда 5 жасқа дейінгі балалар өлімінің негізгі себебі болып табылады. 

Сонымен бірге баланың өсуі мен дамуына сәби жастағы диарея, жедел респираторлық ауру-

лар, қызылша және т.б. аурулар ықпал етеді. Балалардың ауырған кезде тәбеті төмендейді, 

соған сәйкес тамақ ішуі азаяды, ал бұл кезде қоректік заттарға мұқтаждық ұлғаяды. Зерттеу-

лер қызылшамен ауырған кезде тіпті жақсы тамақтанатын балалардың өзінде А дәрумені мен 

белоктардың деңгейі төмендейтінін көрсетті. 

Тамақ пен ауруға әсер ететін факторлар өзінің табиғаты жағынан алуан түрлі және олар 

ақпарат пен білімнің жоқтығынан, ана мен балаға көрсетілетін көмек дейгейінің төмен болуы-

нан, халықтың азық-түлік тағамдарымен жеткіліксіз қамтамасыз етілуімен, отбасында тағамның 

дұрыс бөлінбеуінен тұрады. Сондай-ақ медициналық қызмет көрсетуге, отбасы деңгейінде 

су және санитарлық ресурстарға қол жетімділіктің төмен болуы, адами, экономикалық және 

ұйымдастыру ресурстарының болмауы секілді әлеуметтік себептер балалардың тамақтануының 

бұзылуының негізгі себептерінің бірі болып табылады.