Рымєали Нўрєали

жүктеу 2,19 Mb.

Pdf просмотр

бет	41/73
Дата	19.01.2022
өлшемі	2,19 Mb.
	#33505

1 ... 37 38 39 40 41 42 43 44 ... 73

eda5ce42ce30f2a77b971a82b9f7e067-1

ҮІІ

Абайға  жеңгелері  қойған  Телғара  деген  атты  айдар  етіп,  роман
жазбақ  болған  Мұхтар  Әуезов  шығармашылық  еңбектің  барысында
ұлттық  эпопея  жасауға бел  шешіп, білек сыбанып  кірісіп  кетті.  Сөйтіп
ол  қазақ  әдебиетін  дүние  жүзілік  даңққа  бөлеген  төрт  томды  “Абай
жолы” тетралогиясын  тудырды.  Бұл  шығарманы заманымыздың үлкен
қаламгерлері  М.Шолохов,  Л.Арагон,  К.Федин,  А.Фадеев,  Л.Леонов,
Ш.Айтматов  классика  қатарына  қосты,  ғалымдар  арнайы  зерттеп
жатыр,  бұл  туындыны  өз  тіліне  аударып  алу  –  ұлт  үшін  мақтанға,
мерейге айналды.
Романда  әлеуметтік,  таптық  қайшылықтар  тарихи  тұрғыдан
реализм  принциптеріне  лайық  сипатта  шыншылдықпен,  тамаша,
жанды,  сенімді  тұлғалар  арқылы  көркем  бейнеленді.  Антагонистік
қайшылықтар  адамдар  мінездерінің  шарпысуы,  айқас  арқылы
суреттеледі. Эпопея бастан-аяқ өмір көріністеріне, динамикаға, тіршілік
тынысына,  қимыл  қозғалысқа  толы.  Романда  тарау-тарау,  сала-сала,
белдеу-белдеу  жолдар  бар,  олардың  дәл  ортасындағы  қасқа  жол  –
қазақ  халқының  прогреске,  бостандыққа  тартқан,  таңға  қарай  бет
алған жолы – Абай жолы.
Тіршіліктің  барлық  бояуын  көрсеткен  ғаламат  шығарманың  сан
алуан көркем қабаттары халқымыздың өткен тарихын, рухани әлемін,
әсемдік  идеяларын  көз  алдыңа  алып  келеді.  Бұл  романда  атан  жілік
батырлар,  ақылгөй  даналар,  керауыз  билер,  қаражүрек  болыстар,

218
жастардың  мөлдір  махаббаттары,  аңқылдаған  ақындар,  ақкөңіл  ата-
аналар,    пәк  ниетті  балалар,  сан  буынның  өкілдері  бар.  Тау,  су,
өзендер бар. Ән, жыр, қара қобыз, кәрі домбыра бар. Қысқасы, “Абай
жолы”  эпопеясында  қазақ  халқының  ары,  намысы,  арманы,  мәңгілік
ғұмыры көрінеді.
Қазақ  тілінің  бейнелеу  мүмкіндіктерінің  жаңа  қабаттарын  ашқан
романда өнер адамын көрсету саласында әлем әдебиеті үшін жаңалық
болған  соны,  зор  табыстар  тағы  бар.  Психологиялық  талдау,  ішкі
монолог, адам жанының диалектикасын көрсету жөнінен “Абай жолы”
эпопеясы  әлем  әдебиетіндегі  барлық  ғасырларда  барлық  халықтар
жасаған ең үздік шығармалармен қатар тұрды.

жүктеу 2,19 Mb.

Достарыңызбен бөлісу:

1 ... 37 38 39 40 41 42 43 44 ... 73