Оқулық Тараз 019 Әож 37. (075)

-саты. Жалпы орта білім беру (1-4 сыныптар). Оқуды бастау жасы – 6

жүктеу 8,71 Mb.

Pdf просмотр

бет	16/303
Дата	29.10.2022
өлшемі	8,71 Mb.
	#39896
түрі	Оқулық

1 ... 12 13 14 15 16 17 18 19 ... 303

buzaubakova pedagogika

2-саты. Жалпы орта білім беру ( 5-10 сыныптар). Оқыту ұзақтығы – 6 жыл.
3-саты. Жалпы орта білім беру (11-12 сыныптар). Оқыту ұзақтығы – 2 жыл.

1-саты.
Жалпы орта білім беру (1-4 сыныптар). Оқуды бастау жасы – 6
жас. Оқыту ұзақтығы – 4 жыл.
1-сатыдағы негізгі бағдар – оқушының өзін-өзі таныту мүмкіндігі мен
қоршаған ортасының шынайылығы туралы білімді игерудегі даралығын ашу,
оқуға талабын және білігін қалыптастыру, яғни оқытудың келесі сатыларына
қажетті танымдық қызығушылығын арттыру, кіші жастағы оқушылардың
біртұтас оқу әрекетін қалыптастыруға ықпал ету.
Баланың тұлғалық қалыптасуын, оның қабілеттерінің тұтастай дамуын
қамтамасыз ету. Бастауыш мектепте қажетті біліктер мен дағдыларды игеруге,
оқу, жазу, есептеу, шығармашылықпен ойлау элементтерінің, жеке басының
тазалығы мен денсаулығын сақтау негіздерінің болуына ықпал ететін оқу
әрекетін ұйымдастыру.
2-саты. Жалпы орта білім беру ( 5-10 сыныптар). Оқыту ұзақтығы – 6
жыл.
2-сатының негізгі бағдары – жалпы білім алуға жағдай жасау, тұлғааралық
және ұлысаралық қатынастар мәдениетін, тұлғаның біртұтас көзқарасын, өзін-
өзі анықтауын қалыптастыру, тұлғаның өзін-өзі ұйымдастыру тетіктерін, кәсіби
және танымдық ой-пікірінің туындауына, теориялық ойлау тәсілдері мен
ғылыми таным әдістерін игеруіне ықпал ететін оқу әрекетін ұйымдастыру.
Негізгі мектеп оқытуды бейіндік мектепте немесе бастапқы және орта
кәсіптік білім беру ұйымдарында жалғастырудың базасы болып табылады.
Бұл сатының ерекшелігі оқушының үшінші сатыдағы – мектепте бейіндік
оқытуға саналы таңдау жасауға бағдар көрсететін бейіналды дайындықтың
жүргізілуі болып есептеледі.
3-саты. Жалпы орта білім беру (11-12 сыныптар). Оқыту ұзақтығы – 2
жыл.
Үшінші сатының бағдары жалпы орта білім берудің соңғы кезеңі болып
табылатын оқытудың саралануы мен даралануына, оқушылардың білімін
жалғастыруға қатысты жеке және өмірлік өзін-өзі танытуына ықпал ететін
талабымен, қызығушылық ниетімен сәйкес әлеуметтендіру бағдарланған
бейіндік оқытуды іске асыруға жағдай жасау.
Бейіндік оқыту жаратылыстану-математикалық, әлеуметтік-гуманитарлық
немесе технологиялық бағыттар бойынша жүзеге асырылады.

17
12 жылдық білім жүйесіне көшуде мектеп алдына негізгі екі бағытты
басшылыққа алады: оқушының жеке қабілетін есепке ала отырып жеке даралық
бағытта оқыту; ішкі қажеттіліктерді есепке ала отырып жеке даралық бағытта
оқыту.
12 жылдық білім жүйесі бойынша бұл бағыттарды жүзеге асыру үшін
мұғалім негізгі үш компонентпен таныс болуы тиіс. Олар:
1) Инварианттық компонент – мемлекеттің базалық оқу стандарты
жүйесіндегі талаптар мен мазмұндарға жауап беретіндей жалпы міндетті оқу
жоспарының бөлімін меңгеру.
2) Профильдік компонент – профильдік оқу стандарты талаптарының
мазмұнында көрсетілгендей оқу курстарының тереңділігін, оқытылатын
пәндердің өзара байланыстылығын меңгеру.
3) Тұлғалық компонент – оқушылардың өзіндік зерттеушілік дағдыларын
қалыптастыруға байланысты мектеп ұсынған арнайы таңдау курстарын, оқу
жоспарларын меңгеру.
12 жылдық білім беру жүйесіне көшудегі білім берудің ерекшелігі:
- ұлттық құндылықтарды баланың бойына сіңіру арқылы оның жан-жақты
дамуы;
- өз пікірі мен ойын ашық жеткізуі;
- адамға табиғатынан берілген шығармашылық қабілетін толық іске
асыруы.
12 жылдық білім беру жүйесіне көшудегі білім берудің басты мақсаты –
қарқынды дамып келе жатқан ортада өмір сүруге қабілетті, өзін-өзі дамытуға, өз
ойын еркін айта білуге, өз қалауымен қоғам талабына сай өзін көрсете білуге
бейім, жоғары білімді шығармашыл дамыған тұлғаны қалыптастыру.
12 жылдық білім беру жүйесіне көшудегі білім беру мазмұнын
жаңартудың негізгі бағыттары:
-
білім беру мазмұнын қоғамның қазіргі әлеуметтік-экономикалық
талабына сәйкестендіру;
-
білім беру мазмұнын ізгілендіруді, оның вариативтілігін қамтамасыз
ету;
-
өз бетімен білім алуға, оны практикада қолдана білуге және
қажеттілікке тәрбиелеуге бағытталған, негізгі құзырлылық қалыптастыруға
ықпал ететін білім мазмұнымен қамтамасыз ету;
-
танымдық қызығушылығын қалыптастыруға бағытталған білім
мазмұнын таңдау;
-
білім мазмұнын оқушының ғылыми тәсілмен тануына, өз бетімен
ізденуіне мақсатты және жүйелі тартуға бағдарлау.
Қазақстан Республикасында
оқытудың 12 жылдық моделіне көшу
жаңартылған білім мазмұнына көшу нобайы ретінде қарастырылады (2- кесте).

жүктеу 8,71 Mb.

Достарыңызбен бөлісу:

1 ... 12 13 14 15 16 17 18 19 ... 303