«Орал қаласының ветеринария бөлімі» мм «Б» корпусының бос мемлекеттiк әкімшілік лауазымына орналасуға жалпы конкурс жариялайды

090000, Орал қаласы, Гагарин көшесі, 52/1, 2 қабат, анықтама үшін телефондар: 8 (7112) 28-52-26, 8 (7112) 25-50-75, электрондық мекен-жайы: gorvetotdel@inbox.ru

1. 
   Бөлімнің бас маманы-есепші 1 бірлік – тұрақты, E-R-4 санаты /№9-02/ лауазымдық жалақысы қызмет өткерген жылдарына байланысты 73288,23 теңгеден 99105,68 теңгеге дейін.
   

«Әлеуметтік ғылымдар және бизнес» (экономика,есеп және аудит, қаржы, маркетинг) мамандықтары бойынша жоғары, мемлекеттік қызмет өтілі бір жылдан кем емес немесе осы санаттағы нақты лауазымның функционалдық бағытыныа сәйкес облыстарда екі жылдан кем емес жұмыс өтілі бар болған жағдайда орта білімнен кейінгі немесе техникалық және кәсіптік білімі барларға рұқсат етіледі. Жоғары білім болған жағдайда жұмыс тәжірибесі талап етілмейді.

• 
  1. Бухгалтерлік есеп, бухгалтерлік бағдарламаларды білу, материалдық-қаржылық мәселені жоспарлау.
  
• 
  Мемлекеттік сатып алу жұмысын жүргізу.
  
• 
  Бас кітап жүргізу, зейнетақы қоры мен әлеуметтік сақтандыру айналымын жүргізу.
  
• 
  1 С бухгалтерлік бағдарламасымен жұмыс жасау.
  
• 
  Баланс жүргізу.
  
• 
  Мемориалдық ордерлер жүргізу.
  
• 
  Жыл сайынғы қаржыландыру жоспарын айларға бөлу.
  
• 
  Активтерге түгендеу жүргізу.
  
• 
  Қалалық қаржы бөліміне шығын сметасының орындалуы туралы және бюджеттік бағдарламаларды жүзеге асыру мониторингінің нәтижелері туралы айлық есеп тапсыру.
  
• 
  Салық комитетіне, статистика басқармасына, қала әкімі аппаратының ұйымдастыру-бақылау, кадр жұмысы және мемлекеттік қызмет көрсету мониторингі бөліміне тоқсандық, жылдық есеп тапсыру.
  
• 
  Бөлімінің кадр жұмысын атқару.
  

Бастамалық, адамдармен тіл табысуы, аналитикалық, ұйымдастырушылық, стратегиялық ойлау, көшбасшылық, әдептілік, сапаға бағдарлану, тұтынушыға бағдарлану, сыбайлас жемқорлыққа төзбеушілік.

Білімі туралы құжаттарды шетелдік білім беру ұйымдарында алған азаматтар («Болашақ» бағдарламасының түлектерінен басқа) білімі туралы құжаттарын тану немесе нострификациялау рәсімінен өтуі тиіс.

Тиісті санат үшін мемлекеттік әкімшілік лауазымдарына орналасуға кандидаттардың Қазақстан Республикасы Мемлекеттік қызмет істері Министрінің 2015 жылғы 29 желтоқсандағы №12 бұйрығымен бекітілген тестілеу бағдарламасына сәйкес ҚР заңдарды, осы санаттағы нақты лауазымның мамандануына сәйкес қатынастарды реттейтін Қазақстан Республикасының нормативтік құқықтық актілерін, «Қазақстан - 2050» Стратегиясы: қалыптасқан мемлекеттің жаңа саяси бағыты стратегиясын білуі. Осы санаттағы лауазымдар бойынша функционалдық міндеттерді орындау үшін қажетті басқа да міндетті білімдер. Функционалдық міндеттерді орындау үшін қажетті көлемде мемлекеттік тілді меңгеруі.

Конкурс Қазақстан Республикасы Мемлекеттік қызмет істері министрінің 2015 жылғы 29 желтоқсандағы № 12 «Б» корпусының мемлекеттік әкімшілік лауазымына орналасудың кейбір мәслелері туралы» бұйрығымен бекітілген «Б» корпусының мемлекеттік әкімшілік лауазымына орналасуға арналған конкурсты өткізу қағидалары негізінде өткізіледі.

Қажетті құжаттар тізбесі:

1. 
   белгіленген нысан бойынша өтініш;
   
2. 
   3x4 өлшемдегі суреті бар белгіленген нысандағы сауалнама;
   
3. 
   нотариалды куәландырылған білімі жөніндегі құжаттардың көшірмелері;
   
4. 
   нотариалды куәландырылған еңбек қызметін растайтын құжаттардың көшірмелері;
   
5. 
   Қазақстан Республикасы Денсаулық сақтау министрлігінің 2010 жылғы 23 қарашадағы №907 бұйрығымен бекітілген (Қазақстан Республикасының нормативтік-құқықтық актілердің тізілімінде 2010 жылғы 21 желтоқсанда №6697 болып тіркелген) нысан бойынша денсаулық жағдайы туралы анықтама;
   
6. 
   Қазақстан Республикасы азаматының жеке басын куәландыратын құжаттың көшірмесі;
   
7. 
   Құжаттарды тапсыру сәтінде заңнаманы білуіне тестілеуден өткені туралы шекті мәннен төмен емес нәтижелері бар қолданыстағы сертификат (немесе нотариалдық куәландырылған көшірмесі);
   
8. 
   Конкурсқа қатысу үшін құжаттарды тапсыру сәтінде уәкілетті органда жеке қасиеттерін бағалауды өту туралы қолданыстағы қорытынды (немесе қорытындының нотариалдық куәландырылған көшірмесі).
   

Азаматтар біліміне, жұмыс тәжірибесіне, кәсіби деңгейіне және беделіне қатысты (біліктілігін арттыру, ғылыми дәрежелер мен атақтар берілуі туралы құжаттардың көшірмелері, мінездемелер, ұсынымдар, ғылыми жариялымдар және өзге де олардың кәсіби қызметін, біліктілігін сипаттайтын мәліметтер) қосымша ақпараттарды бере алады.

Электрондық пошта арқылы конкурсқа қатысуға құжат тапсырған азаматтар әңгімелесу басталғанға дейін бір күн бұрын құжат тұпнұсқаларын тапсырады.

Құжаттарды қабылдау мерзімі және орны жалпы конкурс туралы хабарландыру соңғы жарияланған күнінен бастап 7 жұмыс күн ішінде жүргізіледі.

Жалпы конкурсқа қатысатын және әңгімелесуге жіберілген кандидаттар, оны кандидаттарды әңгімелесуге жіберу туралы хабардар ету күнінен бастап үш жұмыс күн ішінде Орал қаласының ветеринария бөліміне өтеді.