ҚазЕжӨШҒЗИ орналасуы , ауданы

«ҚазЕжӨШҒЗИ» жауапкершілігі шектелген серіктестік Қазақстан ауыл шаруашылығы салаларында ғылыми зерттеу жұмыстарын жүзеге асырады және олардың нәтижелерін өндіріске енгізумен айналысады. Институт Оңтүстік-Шығыс Қазақстанның тау бөктерлік-далалық аймағындағы Алматы облысы, Қарасай ауданы, Алмалыбақ ауылында орналасқан. Егіншілік және өсімдік шаруашылығы саласы бойынша республикамыздың оңтүстік-шығыс өңіріндегі ірі ғылыми орталық болып табылады. Мекеме бұрынғы академик В.Р.Вильямс атындағы Қазақ егіншілік ғылыми-зерттеу институтының орнына құрылған. Ол 2002 жылдан бастап Қазақстан Республикасы ауыл шаруашылығы министірлігі жүйесінде жұмыс істейді, 2007 жылдан “ҚазАгроИнновация” акционерлік қоғамының жетекші ғылыми институты, ал қазір Қазақ егіншілік және өсімдік шаруашылығы ғылыми-зерттеу институты деп аталды. Институттың құрамында 14 бөлім мен зертхана бар, мұнда 297 адам, 216 ғылыми қызметкер, оның ішінде 185 ғылым докторы мен кандидаты, 3 ҚР ҰҒА академигі және 11 ҚР АШҒА академигі жұмыс істейді.