Латын тілі. Кіріспе

жүктеу 16,66 Kb.

Дата	08.02.2023
өлшемі	16,66 Kb.
	#41206

латын тілі 1с

Латын тілі. Кіріспе.
Латын тілі медицина мамандарын дайындайтын оқу орындарында анатомия, химия, биология, фармакология, терапия, хирургия және т б медициналық пәндермен тығыз байланыста оқытылады. Осы себепті латын тілінің барлық курсы жалпы медициналық және клиникалық пәндердің терминология негіздері элементтерін оқытуға бағытталған. Латын тілін оқытудың негізгі мақсаты мен міндеті – медициналық терминологияны ғылымда және тәжірибеде қолдана білу. Осы мақсатта алғашқыда латын алфавитін меңгеруге, әрбір әріптің жазылуы мен дыбысталуына назар аударылады. Зат есім, сын есім, етістік тарауларына ерекше көңіл бөлінеді. Диграф, дифтонг деген ұғымдар бар – дыбыстардың қосарлануы, жазылуы мен айтылуындағы айырмашылықтары оқытылады. Морфология, жіктеу және септеу ережелерін білу – терминология мен рецептураны меңгеруге арналған грамматикалық негіз. Грамматикалық материалдардан басқа әрбір сабақта студенттердің есте сақтауы және бекітуі үшін шамамен 25 сөз беріледі. Курстың соңында олардың латын сөзі қорында 500-600 сөз болуы тиіс. Латын тілі 1,5 мың жылдан астам уақыт бойы мәдениет пен жазуда, ғылым мен философияда қолданылатын жалғыз тіл болып келді. 19 ғасырдан бастап бірте бірте ығыстырылғанына қарамастан, медицина және халықаралық қарым қатынстарда өз ролін атқарып келеді. Көптеген сөздер, мысалы: конституция, прогресс, демонстрация, атом, студент, университет, директор, лекция т.б. латын тілінен енген. Латын тілі медицина саласында мүшелер мен жүйелерді, аурулар мен патологиялық және физиологиялық процесстерді атау үшін кеңінен қолданылады. Оларды терминдер деп атайды. Медициналық терминологияның сөз жасайтын элементтерін оқып игеру барысында латын тілі грамматикасынының негізін білу керек.
Латын тіліндегі ең маңызды сабақтардың бірі – рецептураны оқыту. Ұлтаралық және мемлекетаралық фармакопеяда дәрілік заттардың атаулары латын тілінде қабылданған. Рецепт латын тілінде жазылады. Негізгі міндет – рецепті сауатты жазу, дұрыс оқу және аудару. Анатомиялық терминдер, физиологиялық процесстер, сырқаттар, патологиялық жағдайлардың атаулары, дәрілік заттар мен препараттардың атаулары негізгі сөздік қорын құрайды.
Латын алфавитында 25 әріп бар, оның 6 дауысты, 19 дауыссыз дыбыстар.

жүктеу 16,66 Kb.

Достарыңызбен бөлісу: