L. N. Gumilyov Eurasian national university Баспасөз анонсы Л. Н. Гумилев атындағы еұу жұмыс берушілер кеңесінің «Қазақстан ғарыш сапары»

L.N. Gumilyov Eurasian national university

Күн тәртібінде Кеңестің 2017 жылғы Жұмыс жоспарын бекіту, жоғары және жоғары оқу орнынан кейінгі білімді мамандарды даярлаудың кәсіби стандарттары туралы, ИИДМБ-2 аясында ЕҰУ-де мамандар дайындау туралы және Қазақстан Республикасында ғарыш саласындағы кадрлар даярлаудың ерекшелігі тақырыптарында баяндамалар, басқа да мәселелер талқыланады.

Негізгі баяндамашылар: Л.Н. Гумилев атындағы ЕҰУ ректоры Ерлан Сыдықов, Л.Н. Гумилев атындағы ЕҰУ Академиялық мәселелер департаментінің Жоспарлау және оқу-әдістемелік жұмыстар бөлімінің бастығы Айгүл Сағымбай, Л.Н. Гумилев атындағы ЕҰУ Технологияларды коммерцияландыру департаментінің директоры Жумат Каргин, сондай-ақ «Қазақстан Ғарыш Сапары» ҰК» АҚ ЖҚЗ жүйесінің ғарыштық байланыс орталығының директоры Айдар Қуатбаев.

Еуразия ұлттық университетінің ИИДМБ бағдарламасын орындау мақсатында еліміздегі таңдап алынған 10 базалық ЖОО қатарында ғарыштық техника және технология, ғарыштық робототехника мен мехатроника саласында магистрлер дайындау жүзеге асыратынын атап өткен жөн.

Бұл ретте ИИДМБ-2 шеңберінде университет базасында білім алушыларға зерттеулер жүргізіп, тәжірибелік сабақтарға қатысуға мүмкіндік беретін заманауи зертханалар ашылды. Зертханалар ерекше құрылғылармен жабдықталған, олар ғылымның пәнаралық физика, нанотехнология, физикалық және аналитикалық химия, биотехнология салаларында қолданыла алады.

Білім беру бағдарламаларын жүзеге асыруға Германия, Оңтүстік Корея, Польша, Түркия мен Қытайдағы серіктес ЖОО-лар қатысады. Жұмыс берушілермен жүйелі жұмыс жүргізу арқасында университет түлектерінің жұмысқа орналасуы жоғары деңгейде.

2017 жылдың наурызында Еуразия ұлттық университетін ИИДМБ-2 аясындағы магистратура бағдарламасы бойынша алғашқы түлектер бітіріп, дипломдарын алды, олардың арасында «Ғарыштық техника және технологиялар» мамандығының 73 магистрі бар.

Анықтама үшін.

Тиімді серіктестік жүргізу мақсатында Л.Н. Гумилев атындағы Еуразия ұлттық университетінде Жұмыс берушілер кеңесі құрылды, оның құрамына бизнес-құрылым өкілдері, университеттің білім беру мекемелері мен құрылымдық бөлімшелерінің басшылары енген. Алғашқы отырыс 2016 жылдың наурызында өтті. Бүгінгі таңда Еуразия ұлттық университетінің жұмыс берушілер қорында 840-қа жуық кәсіпорын мен ұйым бар.

Қазіргі таңда жұмыс берушілер білім беру бағдарламаларын әзірлеу мен сараптауға белсенді қатысады, студенттердің кәсіптік практикаларына жетекшілік, дипломдық және магистрлік жұмыстарға қосалқы жетекшілік жасайды, сондай-ақ олар факультеттердегі түлектерді жұмысқа алдын ала бөлістіру бойынша комиссия мүшелерінің құрамына ене отырып, олардың болашақта жұмысқа орналасуына ықпал етеді.