|
Қазақстан Республикасы Қаржы министрлігі Мемлекеттік кірістер комитетінің Шығыс Қазақстан облысы бойынша Мемлекеттік кірістер департаменті, индекс 070000, Өскемен қаласы, Пермитина көшесі 27 үй, анықтама телефоны: 8(7232) 24-46-25, 24-48-68, 24-22-84 факс: 8(7232) 24-46-25, 24-22-84, электронды мекенжайы: m.valikhanova@kgd.gov.kz, «Б» корпусының төменгі болып табылатын бос мемлекеттік әкімшілік лауазымына орналасу үшін жалпы конкурсқа хабарландыру
Конкурсқа қатысушыларға қойылатын жалпы біліктілік талаптары:
С-О-6 санаты үшін: жоғары немесе ортадан кейінгі білім; мынадай құзыреттердің бар болуы: бастамалық, адамдармен тіл табысуы, аналитикалық, ұйымдастырушылық, әдептілік, сапаға бағдарлану, тұтынушыға бағдарлану, сыбайлас жемқорлыққа төзбеушілік; жұмыс тәжірибесі талап етілмейді.
Мемлекеттік әкімшілік қызметшілердің лауазымдық жалақысы
Санат
|
Еңбек сіңірген жылдарына байланысты
|
min
|
max
|
C-О-6
|
74 954
|
101 604
|
Бос мемлекеттік әкімшілік лауазымдарға орналасуға конкурс:
1. Қазақстан Республикасы Қаржы министрлігі Мемлекеттік кірістер комитетінің Шығыс Қазақстан облысы бойынша Мемлекеттік кірістер департаменті «Майқапшағай» кеден бекетінің санитарлық-карантиндік бақылау бойынша жетекші маманы С-О-6 (2 бірлік).
Функционалдык міндеттері: Аса қауіпті карантинді аурулар анықталған кезде, жоғары тұрған ұйымдарға бекітілген тәсім бойынша хабарлама береді, жұқпалы аурулардың алдын алу мақсатында аумақтық МСЭҚД мен өзара бірлескен жедел жұмыс жоспарын құрады, мемлекеттік органдарға санитарлық эпидемиологиялық жағдайдың қауіпті кезеңдері, санитарлық ережелердің гигиеналық мөлшерін бұзушылықтары туралы дер кезінде хабарлау, аса қауіпті ауру анықталған кезде індетке қарсы шараларды жүргізеді, жеке және заңды тұлғаларға санитарлық гигиеналық нормативті бұзу неге әкеліп соқтыратының түсіндіреді, Кеден одағының кедендік шекарасы арқылы автомобиль өткізу пункттерінде санитарлық - карантиндік бақылауды жүзеге асыру кезіндегі өзара іс-қимыл қағидасына сәйкес бақылаудағы тауарларды қадағалайды және тауарлардың қауіпсіздігін растайтын құжаттарды тексереді.
Конкурсқа қатысушыларға қойылатын талаптар: Жоғары денсаулық сақтау және әлеуметтік қамтамасыз ету (медициналық-профилақтикалық іс) саласындағы білім. Ортадан кейінгі гигиена және эпидемиология немесе емдеу ісі білімі барларға рұқсат етіледі.
Жұмыс тәжірибесі талап етілмейді.
2. Қазақстан Республикасы Қаржы министрлігі Мемлекеттік кірістер комитетінің Шығыс Қазақстан облысы бойынша Мемлекеттік кірістер департаменті «Бахты» кеден бекетінің санитарлық-карантиндік бақылау бойынша жетекші маманы С-О-6 (1 бірлік – тұрақты, 1 бірлік - уақытша).
Функционалдык міндеттері: Аса қауіпті карантинді аурулар анықталған кезде, жоғары тұрған ұйымдарға бекітілген тәсім бойынша хабарлама береді, жұқпалы аурулардың алдын алу мақсатында аумақтық МСЭҚД мен өзара бірлескен жедел жұмыс жоспарын құрады, мемлекеттік органдарға санитарлық эпидемиологиялық жағдайдың қауіпті кезеңдері, санитарлық ережелердің гигиеналық нормативтерін бұзушылықтары туралы дер кезінде хабарлайды, аса қауіпті ауру анықталған кезде індетке қарсы шараларды жүргізеді, жеке және заңды тұлғаларға санитарлық гигиеналық нормативті бұзу неге әкеліп соқтыратынын түсіндіреді, Кеден одағының кедендік шекарасы арқылы автомобиль өткізу пункттерінде санитарлық - карантиндік бақылауды жүзеге асыру кезіндегі өзара іс-қимыл қағидасына сәйкес бақылаудағы тауарларды қадағалайды және тауарлардың қауіпсіздігін растайтын құжаттарды тексереді.
Конкурсқа қатысушыларға қойылатын талаптар: Жоғары денсаулық сақтау және әлеуметтік қамтамасыз ету (медициналық-профилақтикалық іс) саласындағы білім. Ортадан кейінгі гигиена және эпидемиология немесе емдеу ісі білімі барларға рұқсат етіледі.
Жұмыс тәжірибесі талап етілмейді.
3. Қазақстан Республикасы Қаржы министрлігі Мемлекеттік кірістер комитетінің Шығыс Қазақстан облысы бойынша Мемлекеттік кірістер департаменті «Бахты» кеден бекетінің жетекші маманы С-О-6 (1 бірлік).
Функционалдык міндеттері: «КР КМ КБК ЖБО Кедендік транзиттік жүйені» қолданумен тауарларды кедендік транзит кедендік рәсіміне орналастыру, транзиттік декларацияны тіркеу, тауарлардың жеткізу мерзімдерің және кедендік транзит кедендік рәсімінің аяқталуына бақылау жүргізу. Жүктерді халықаралық тасымалдау жөніндегі Кеден конвенциясына сәйкес ХЖТ кітапшасын қолдана отырып, тасымалданатын тауарлар мен көлік құралдарын бақылау, ХЖТ кітапшаларын ашу және жабу, келгені туралы куәліктер беру. Тауарларды кедендік тазарту және шығаруға байланысты кедендік шекара арқылы кеден бекетінің қызмет аймағында қызметін жүзеге асыратын және тіркелген (тұрақты тұрғыны) заңды және жеке тұлғалар өткізетін тауарларға кедендік операцияларды жасау. Жеке тұлғалар өткізген жеке пайдалануға арналған тауарларға қатысты кедендік рәсімдерге орналастырмай шығаруға байланысты кедендік операцияларды жасау. Қазақстан Республикасы кедендік шекарасы арқылы өтетін лауазымды тұлғаларға, көлік құралдары мен тауарларға кедендік бақылау мен кедендік ресімдеуді жүзеге асырады, экспорттық бақылауды, тарифтік және тарифтік емес реттеу шараларын сақтауды тексереді, лицензиаланатын тауарлардың әкелуіне/әкетілуіне бақылау жүргізеді, квота беруді барлық қажетті құжаттарды жүргізумен жүзеге асырады, тауарларға арналған декларацияларды дұрыс толтырылғанын бақылайды, ТД, кеден ісі мәселелері жөнінде СЭҚ қатысушыларының өтініштері бойынша кеңес береді, ҚР СЭҚ ТН сәйкес тауарларыдық кодын дұрыс анықтауына бақылау жүргізеді, кедендік ресімдеу кезінде кедендік төлемдер мен салықтарды төлеудің дұрыс төленуін және есептелуіне бақылауды жүзеге асырады. Тауарлар мен көлік құралдарының контрабандасын және кедендік тәртіп бұзушылықтарын ашу, анықтау мақсатында кедендік бақылаудың техникалық құралдарын тиімді қолдану шараларын жүзеге асыру. Кеден одағының кеден шекарасы арқылы өткізілетін радиоактивті материалдардың, тауарлардың, көлік құралдарының контрабандасын алдын алу іс- шараларына қатысу ТЖБАЖ «АЖО-өлшеу» модулін қолдана отырып автокөлік құралдарының салмақтық және габариттік параметрлерін өлшеуді жүргізеді.
Конкурсқа қатысушыларға қойылатын талаптар: Жоғары құқық немесе экономика және бизнес немесе техникалық ғылымдар және технологиялар (радиотехника, электроника және телекоммуникация) саласындағы. Ортадан кейінгі құқық немесе экономика және бизнес немесе радиоэлетроника және байланыс саласындағы білім рұқсат етіледі.
Жұмыс тәжірибесі талап етілмейді.
Конкурсқа қатысушыларға қойылатын жалпы талаптар:
1) мынадай құзыреттердің бар болуы: бастамалық, адамдармен тіл табысуы, аналитикалық, ұйымдастырушылық, әдептілік, сапаға бағдарлану, тұтынушыға бағдарлану, сыбайлас жемқорлыққа төзбеушілік;
2) тиісті санат үшін мемлекеттік әкімшілік лауазымдарына орналасуға кандидаттардың Қазақстан Республикасы Мемлекеттік қызмет істері министрлігімен анықталатын тестілеу бағдарламасына сәйкес Қазақстан Республикасының заңнамасын білу;
3) «Қазақстан - 2050» Стратегиясы: қалыптасқан мемлекеттің жаңа саяси бағыты стратегиясын, нақты лауазымның мамандануына сәйкес облыстардағы қатынастарды реттейтін Қазақстан Республикасының нормативтік құқықтық актілерін білу;
4) осы санаттағы лауазымдар бойынша функционалдық міндеттерді орындау үшін қажетті басқа да міндетті білімдер.
Конкурсқа қатысуға ниет білдірген азаматтар Қазақстан Республикасы Қаржы министрлігі Мемлекеттік кірістер комитетінің Шығыс Қазақстан облысы бойынша Мемлекеттік кірістер департаменті, индекс 070000, Өскемен қаласы, Пермитина көшесі 27 үй, анықтама телефоны: 8(7232) 24-46-25, 24-48-68, 24-22-84 факс: 8(7232) 24-46-25, 24-22-84, электронды мекенжайы: m.valikhanova@kgd.gov.kz электрондық пошта мекенжайына электронды түрде не «Е-gov» электронды Үкімет порталы арқылы папкаға салынған келесі құжаттарды тапсыру қажет:
Жалпы конкурсқа қатысу үшін мынадай құжаттар тапсырылады:
1) 1-қосымшаға сәйкес нысандағы өтініш;
2) 3х4 үлгідегі суретпен 2-қосымшаға сәйкес нысанда толтырылған сауалнама ;
3) бiлiмi туралы құжаттардың нотариалдық куәландырылған көшiрмелерi;
4) еңбек қызметін растайтын құжаттың нотариалдық куәландырылған көшiрмесi;
5) Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген (Нормативтік құқықтық актілерді мемлекеттік тіркеу тізілімінде 2010 жылы 21 желтоқсанда № 6697 болып тіркелген) нысандағы денсаулығы туралы анықтама;
6) Қазақстан Республикасы азаматының жеке басын куәландыратын құжаттың көшірмесі;
7) құжаттарды тапсыру сәтінде заңнаманы білуіне тестілеуден өткені туралы шекті мәннен төмен емес нәтижелері бар қолданыстағы сертификат (немесе нотариалдық куәландырылған көшірмесі) ;
8) конкурсқа қатысу үшін құжаттарды тапсыру сәтінде уәкілетті органда жеке қасиеттерін бағалауды өту туралы қолданыстағы қорытынды (немесе қорытындының нотариалдық куәландырылған көшірмесі).
Егер азамат еңбек қызметін жүзеге асырмаған және конкурс жарияланған бос лауазым бойынша жұмыс өтілі талап етілмейтін жағдайларда Тізімнің 4 тармақшасында көрсетілген құжатты ұсыну талап етілмейді.
Мемлекеттік қызметшілермен тапсырылатын Тізімнің 3 және 4 тармақшаларында көрсетілген құжаттарды олар жұмыс істейтін мемлекеттік органдардың персоналды басқару қызметі (кадр қызметі) куәландыра алады.
Құжаттардың толық емес пакетін ұсыну конкурс комиссиясының оларды қараудан бас тартуы үшін негіз болып табылады.
Азаматтар бiлiмiне, жұмыс тәжiрибесiне, кәсiби деңгейіне және беделіне қатысты ( бiлiктiлiгiн арттыру, ғылыми дәрежелер мен атақтар берiлуi туралы құжаттардың көшiрмелерi, мiнездемелер, ұсынымдар, ғылыми жарияланымдар және өзге де олардың кәсіби қызметін, біліктілігін сипаттайтын мәліметтер) қосымша ақпараттарды бере алады.
Конкурсқа қатысу үшін құжаттарды электронды түрде электрондық почта не «Е-gov» электронды Үкімет порталы арқылы берілген жағдайда азаматтар құжаттардың түпнұсқасын әңгімелесу басталғанға дейін бір жұмыс күннен бұрын кешіктірілмей береді. Оларды бермеген жағдайда тұлға конкурс комиссиясымен әңгімелесуден өтуге жіберілмейді.
Азаматтар конкурсқа қатысу шығындарын (әңгімелесу өтетiн жерге келу және қайту, тұрғын жай жалдау, тұру, байланыс қызметiнiң барлық түрлерiн пайдалану) өздерiнiң жеке қаражаттары есебiнен жүргiзедi.
Құжаттарды қабылдау мерзiмi жалпы конкурс өткiзу туралы хабарландыру уәкілетті органның ресми сайтында соңғы жарияланған күнінен бастап 7 жұмыс күннің ішінде 2016 жылдың 21 қарашасынан бастап 2016 жылдың 29 қарашасын қоса алғанда тапсырылуы тиіс.
Әңгімелесуге жіберілген кандидаттар оны кандидаттарды әңгімелесу жіберу туралы хабардар ету күнінен бастап үш жұмыс күн ішінде Шығыс Қазақстан облысы бойынша Мемлекеттік кірістер дерпартаменті, индекс 070000, Өскемен қаласы, Перимитин көшесі 27 үй өтеді.
Конкурс комиссиясы жұмысының ашықтылығы мен объективтілігін қамтамасыз ету үшін оның отырысына байқаушылар шақырылады.
Конкурсқа қатысушылар мен кандидаттар уәкiлеттi органға немесе оның аумақтық бөлiмшесiне, не Қазақстан Республикасының заңнамасына сәйкес сот тәртiбiнде конкурс комиссиясының шешiмiне шағымдана алады.
Конкурс кезеңдері туралы ақпарат Шығыс Қазақстан облысы бойынша Мемлекеттік кірістер дерпартаментінің ақпараттық қабырғаларында, баршаға көрінетін жерлерге, сондай-ақ оның http://www.kgd.gov.kz/. интернет-ресурсына орналастырылады.
Жалпы конкурс Қазақстан Республикасының Мемлекеттік қызмет істері министрінің 2015 жылғы 29 желтоқсандағы № 12 бұйрығымен бекітілген «Б» корпусының әкімшілік мемлекеттік лауазымына орналасуға конкурс өткізу қағидалары негізінде жүргізіледі.
Достарыңызбен бөлісу: |
