Конкурс кезеңнен тұрды: өтініштер мен жұмыстардың аннотацияларын тапсыру

 

 

 

 

 

 

 

 

ҚАЗАҚСТАН РЕСПУБЛИКАСЫНЫҢ 

 

 

 

 

 

 

ҰЛТТЫҚ БАНКІ  

 

 

 

 

 

 

№ 98  Б А С П А С Ө З   Р Е Л И З І 

 

 

 

 

 

 

Қазақстандық студенттер исламдық қаржыландыру бойынша  

атаулы стипендия алды 

  

 

2014 жылғы 26 желтоқсан   

 

 

                     Алматы 

 

Қазақстан  Республикасының  Ұлттық  Банкі  еліміздің  жоғары  оқу 

орындарының  студенттері  мен  магистранттарының  арасында  исламдық 

қаржыландыру  бойынша  атаулы  стипендия  тағайындау  бойынша  конкурс 

өткізді.  Атаулы  стипендияны  беруге  бөлінген  қаражаттың  жалпы  мөлшері 

1 000 000 теңгені құрады. 

Исламдық қаржыландыру бойынша атаулы стипендия еліміздің қаржы 

жүйесінің  білікті  мамандарының  əлеуетін  қалыптастыру,  білім  берудің 

барлық  деңгейінде  жүргізілетін  экономикалық  зерттеулерді  ынталандыру 

жəне Қазақстан Республикасы халқының исламдық қаржыландыру жөніндегі 

қаржылық сауаттылығын арттыру мақсатында берілетіндігін атап өтеміз.  

Конкурс 3 кезеңнен тұрды:  

1) өтініштер мен жұмыстардың аннотацияларын тапсыру; 

2) дайын жобаларды тапсыру; 

3) жобаларды комиссия мүшелерінің алдында презентациялау.  

Конкурсқа  қатысуға  студенттердің  жəне/немесе  магистранттардың 

кемінде  үш  адамнан  тұратын,  бірақ  бес  адамнан  аспайтын,  бір  жобаны  бір 

жұмысқа біріктірген топтары жіберілді.  

Конкурсқа  Ақмола,  Алматы,  Ақтөбе,  Батыс  Қазақстан,  Қарағанды, 

Қызылорда, Павлодар, Оңтүстік Қазақстан облыстарының, сондай-ақ Астана 

жəне Алматы қалаларының жоғары оқу орындарынан барлығы 58 жоба келіп 

түсті. Конкурсқа қатысушылар ұсынған жобалардың тақырыптары исламдық 

банкингке,  сақтандыруға  (такафул),  бағалы  қағаздарға  (сукук),  сондай-ақ 

Алматыны  исламдық  қаржыландырудың  өңірлік  хабы  ретінде  орнықтыру 

мəселелеріне қатысты болды.  

Конкурстың  ақтық  сынына  (жобаларды  презентациялау) ALMA 

University,  ҚМЭБИ  жəне  əл-Фараби  ат.  ҚазҰУ-дың 5 студенттік  тобы  өтті. 

Құрамына  Қазақстан  Республикасы  Ұлттық  Банкінің, «Al Hilal» Ислам 

Банкі» 

АҚ-тың, 

сондай-ақ 

Исламдық 

қаржыландыруды 

дамыту 

қауымдастығының  өкілдері  кірген  комиссия  «Қазақстандағы  ислам 

банкингінің  даму  моделі  мен  болашағын    бағалау»  тақырыбындағы  жобаны 

презентациялаған  əл-Фараби  ат.  ҚазҰУ-дың  командасына  бірінші  орын 

берді.  

 

 

Қосымша ақпарат:  

2009  жылы  Қазақстан  Республикасында  исламдық  қаржыландыру  жөніндегі  заң 

қабылданды, оған сəйкес ислам банктерінің, исламдық инвестициялық қорлардың жұмыс 

істеуі,  исламдық  бағалы  қағаздарды  шығару  үшін  жағдай  жасалған. 2011 жылы 

мемлекеттік  исламдық  бағалы  қағаздарды  шығару  мүмкіндігін  көздейтін,  сондай-ақ 

Қазақстан  Республикасының  резиденттері  шығаратын  исламдық  бағалы  қағаздар 

оригинаторларының тізбесін кеңейтетін заң қабылданды.  

Қазақстан  Республикасының  Үкіметі  Исламдық  қаржыландыруды  дамытудың 

2020  жылға  дейінгі  жол  картасын    бекітті,  оны  іске  асыру  исламдық  қаржылық 

қызметтер  индустриясын  тұрақты  дамыту  үшін  жағдай  жасауға,  эмитенттердің, 

инвесторлардың  жəне  нарыққа  қатысушылардың  шекті  көлемін  құруға  ықпал  ететін 

болады.  

Исламдық қаржыландыруды, сақтандыруды жəне лизингті дамыту мақсатында 

Қазақстан  Республикасының  Ұлттық  Банкі  «Қазақстан  Республикасының  кейбір 

заңнамалық актілеріне сақтандыру жəне исламдық қаржыландыру мəселелері бойынша 

өзгерістер мен толықтырулар енгізу туралы» заңның жобасын əзірледі. Қазіргі уақытта 

көрсетілген заң жобасы Қазақстан Республикасы Парламентінің талқылауында жатыр.  

Қазіргі  уақытта  республикада  Астана,  Алматы  жəне  Шымкент  қалаларындағы 

филиалдарымен  алғашқы «Al Hilal» ислам  банкі,  сақтандырудың  дəстүрлі  түрімен 

қамтылмаған    адамдар  үшін  сақтандыру  қызметтерін  көрсететін  алғашқы  «Такафул» 

өзара халал сақтандыру қоғамы» ӨК исламдық сақтандыру компаниясы жұмыс істеуде.  

Сонымен  қатар ICD қатысуымен  Қазақстанда «Kazakhstan Ijara Company» АҚ 

исламдық лизинг компаниясы  тіркелді. 

 

 

 

 

 

 

 

 

 

 

 

Толығырақ  ақпаратты  мына  телефондар  бойынша  алуға  болады: +7 (727) 2788 104 

(ішкі 1252), +7 (727) 2 704 585,  e-mail: press@nationalbank.kz, www.nationalbank.kz.