Жаратылыстану математикалық факультет

1. Зертханалық жұмыстың инструкциясын оқу.

2. Жұқа жинағыш линзаны экранда сәулеленетін жарықтың анық кескіні пайда болғанша жылжыта отырып, жарық көзінен линзаға дейінгі s қашықтықты және линзадан экранға дейінгі s′ қашықтықты өлшеңіздер. Жарық көзі мен экранды әртүрлі қалыптарда орналастыра отырып, өлшеуді бірнеше рет қайталаңыздар.

3. Шашыратқыш линзаның фокустық қашықтығын анықтау үшін жинағыш линза арқылы алынған жарықтың нақты кескінінің s₁ координатасын, ал екі линза жүйесі арқылы алынған жарықтың нақты кескінінің s₂ координатасын және s₂ координатасына сәйкес линзалардың арақашықтығын өлшеңіздер.

4. Кесінді әдісімен жинағыш және шашыратқыш линзалардың фокустық қашықтықтарын есептеңіздер.

№3 ЗЕРТХАНАЛЫҚ ЖҰМЫС

Оптикалық аспаптарды модельдеу және олардың үлкейтуін анықтау
Қысқаша теория

Модельденетін оптикалық аспап екі линзалы жүйеден – объектив және окулярдан тұрады. L1 объктиві - бақылау объектісіне бағытталған және нәрсенің нақты кескінін тудыратын жинағыш линза. Ал нақты кескін L2 окуляр арқылы көзбен қаралады. Бұл кескін объективтің фокальді жазықтығында орналасады. Модельденетін оптикалық аспаптағы сәулелердің жолы 1-3 -суреттерде көрсетілген.

1-сурет. Астрономиялық көру трубасындағы сәулелердің телескоптық жолы.