Факультатив сабағЫ «Химия біздің өмірімізде»

Бағдарлама жалпы білім беретін мектептің жаратылыстану- математика бағыты бойынша 9-сынып оқушыларына арналған. Жалпы сағат саны - 102. Оқушылардың тиянақты білім алып, ғылыми танымының, көзқарасының қалыптасуына, ақыл-ой, рухани күш жігерінің дамуына жан- жақты бағдарлы білім берілуі мазмұнын анықтайды. Қазіргі кезде оқушылардың химия және химиялық өндіріске қызығушылығын арттыру, химиялық өнеркәсіптің әлеументтік сұранысын қамтамасыз ету үшін оқушылардың пәнге тұрақты қызығушылығын қалыптастыру, химия ғылымының әдістемелік ұстанымдары мен жүйесін, оқушылардың таным мүмкіндіктеріне сай жүзеге асырылуы керек. Факультатив сабағында келесі мәселелер қарастырылады: заттар туралы түсінік, ғалым – химиктердің еңбектері, қызықты тәжірибелер, заттарды тазарту және бөлу әдістері. Заттардың, қосылыстардың физикалық және химиялық қасиеттері. Атомдар мен молекулалар. Химияның негізгі заңдары. Заттар әлеміндегі оқиғалар – химиялық реакциялар. Химияның қазіргі замандағы қолданылу бағыттары. Қызықты химия тәжірибелері туралы теориялық, практикалық білім алады.

1. 
   Пәнге деген қызығушылығын арттырып күнделікті өмірде химияның қажеттілігін арттыру.
   
2. 
   Химиядан алған білімдерін кеңейту және тереңдету, жоғары деңгейдегі білім мазмұнын жалғастыруға және меңгеруге қажетті біліктерін бекітіп, нығайту;
   
3. 
   Оқушылардың пәнге деген қызығушылығын арттыра отырып, дүниетанымдық көзқарастарын қалыптастыру;
   
4. 
   Оқушылардың пән бойынша өз қабілеттерін бағалауын және болашақ оқу бағдарын саналы түрде таңдауын қамтамасыз ету.
   

• 
  оқушылардың санасында химиялық білімнің әрбір адамға қажетті мәдениеттің міндетті элементі екендігін қалыптастыру;
  
• 
  оқушылардың химиядан алған білімін тереңдету және кеңейту үшін жағдайлар жасау, ойлау қабылеттерін дамыту, оқу – танымдық әрекеттерінде тәжірибелік дағдыларын игеруге үйрету;
  
• 
  күнделікті өмір мен техниканың әртүрлі салаларында қолданылатын қажетті химиялық заттардың қасиеттерімен таныстыру;
  
• 
  химия, география, биология, физика пәндері бойынша білімдерін интеграциялау;
  
• 
  алған теориялық білімін практикамен, өмірмен байланыстыра білу;
  
• 
  оқушыда химияның жаратылыстану ғылымдарының ішіндегі құнды компонент екендігіне көз жеткізу.