3
ЕУРАЗИЯ УНИВЕРСИТЕТІ
№ 12 (193),
маусым, 2015 жыл
ТАЛАПКЕР–2015
ҰБТ: армандарың алдамасын!
«BI GROUP» холдинг басшысымен кездесті
Елімізде Ұлттық бірыңғай
тестілеу бас талды. Елордалық
түлектер үшін тестілеу өткізу
2, 4 және 6 маусым күндеріне
белгіленді. Ал ҰБТ тапсыру
жүйесінде биыл өзгеріс
болған жоқ. Оқушыларға
сұрақтарға жауап беру үшін
3,5 сағат уақыт бөлінді.
Белгіленген межелік өту балы
- 50 балл, ал, Ұлттық жоғары
оқу орындарына түсу үшін
кемінде 70 балл жинау қажет.
Биылғы ерекшелік –
аттестаттағы баға ескеріледі.
ҚР Білім және ғылым
министрлігінің Баспасөз
қызметінің мәліметіне
сүйенсек, биыл ҰБТ-ға 87 782
оқушы өтініш берген, яғни
ол жалпы түлектер санының
71 пайызын құрайды.
Олардың ішінде қазақ тілді
оқитындар – 62 384, орыс
тілінде – 25 398. ҰБТ 165
өткізу орнында жүргізіледі.
Олардың ішінде 116-сы аудан
орталықтарында, 49-ы Астана
және Алматы қалаларының
жоғары оқу орындарының
орталықтарында орна-
ласқан. Емтихан тапсы-
ратын дәрісханалар саны – 1
079. ҰБТ өтетін орындарда
тестілеуді тапсырудың ереже
тәртібі барлық түлектер үшін
бірдей: бірінші күн – тестілеу,
екінші күн – аппеляция.
ҚР Білім және
ғылым министрі Аслан
Сәрінжіпов Л.Н.Гумилев
атындағы Еуразия ұлттық
университетінде болды. ЕҰУ
ректоры, ҚР ҰҒА академигі
Ерлан Сыдықовпен ҰБТ
тапсыратын аудиторияларды
аралап көрді. Содан кейін
тест тапсырмаларын ашып,
сынаққа қатысушыларға
сәттілік тіледі. БАҚ өкілдеріне
сұхбат беріп, ұл-қыздарына
жанкүйер болып келген ата-
аналарға тілеулестік білдірді:
«Елдің ертеңі саналатын
жастардың болашақта жоғары
білім алуына жол ашатын бұл
емтихан әділ өтуі тиіс. Біз
осыған баса назар аударып
отырмыз», – деді министр.
Елорданың мектеп
түлектері ҰБТ-ны Еуразия
ұлттық университетінде
тапсырды. Олардың айтуын-
ша, барлық жағдайлар
жасалған, жыл бойғы
дайындықтары да өз
нәтижесін беріпті. Нәтиже
көрсеткендей, жоғары
балл жинаған оқушылар
саны былтырғы жылға
қарағанда анағұрлым
көп. Олар Л.Н.Гумилев
атындағы Еуразия ұлт-
тық университетінің ау-
ди ториясында
алғаш-
қылардың бірі болып сынақ
тапсыруларын жақсы ырымға
жорып отыр. Бәрінің тілегі
бірдей: Біз ертең ЕҰУ-ге оқуға
түсеміз!
Иә, жүйріктердің жүй-
рігі ЕҰУ-ды таңдайды,
Армандарың алдамасын!
Қазақстан Респуб-
ликасының аккредиттеу
және рейтингтің тәуелсіз
агенттігі (АРТА) жүлделі
орындардың жалпы саны
бойынша үздік 40 ЖОО-
лар қатарына енген
оқу ордаларын саралау
жұмыстарын жүргізді.
Әдістемені таңдау
барысында АРТА ЖОО-
ын іріктеудің Берлиндік
қағидаларына сүйенді:
қолданатын әдістеменің
айқындығы, көрсеткішті
оның релеванттығы
мен шындығына қарап
таңдау, ақпарат көздерінің
тексерілетіндігі және
қол жетімділігі. Осыдан
келе АРТА әдістемесінде
қолжетімді көрсеткіштер
қолданылады: білім беру
бағ дарламаларының инсти-
туционалдық аккредитация,
мамандандырылған ак-
кре дитация,
білім
беру
гранттарының саны, «Алтын
белгі» иегерлерінің, «ЖОО-
ның ең үздік оқытушысы»
мемлекеттік грантының,
ҚР ғылымының дамуына
үлес қосқаны үшін иеленген
сыйлық және шәкіртақының,
ғылыми гранттың, патент
пен өнертапқыштың, Хирш
индексі бойынша агенттік
басылымдардың саны (ISI
Web of Knowledge, Thomson
Reuters и Scopus), бәрі-бәрі
ескеріледі.
Іріктеу төмендегідей
төрт бағалау бойынша
жүзеге асты, әрқайсысының
салмағы 25 пайыз. Оның
ішінде студенттердің,
оқытушылардың, зерт-
теушілердің сапалық
құрамы, академиялық
мобильдік байланыс,
түлектердің сұранысқа
ие болуы, мамандық
бойынша оқытушылардың,
магистранттардың, док-
торанттардың ғылыми
мақалаларының бәсекеге
қабілеттілігі назарға алынды.
Білім беру бағдарлама-
ларының жүлделі орын-
дарының жалпы саны
бойынша Л.Н. Гумилев
атындағы Еуразия ұлттық
университеті мен әл-Фараби
атындағы Қазақ ұлттық
университеті көш бастап
келеді.
Рейтингте көш
бастап келеді
Еуразия ұлттық
университетінде «BI
GROUP» холдинг
басшысы Айдын
Рахымбаевпен кездесу
болып өтті.
ЕҰУ Түлектер қауым-
дас тығының
ұйым дас-
тыруымен өткен шара
барысында Еуразия
ұлттық университетінің
ректоры, ҚР ҰҒА
академигі Ерлан Сыдықов
холдинг басшысы Айдын
Рахымбаевқа «Еуразия
мақтанышы» төс белгісін
табыс етіп, Түлектер
қауымдастығының төр-
ағасы Асхат Оралов
құрметті қонақты
«Университет жұлдызы»
белгісімен марапаттады.
BI Group - ірі
инвестициялық-құрылыс
холдинг әрі Қазақстанның
жылжымайтын мүлік
нарығындағы танымал
көшбасшы. Компания 1995
жылдан бері жұмыс істеп
келеді, осы уақыт ішінде өз
ісінің кәсіпқойы әрі сенімді
серіктес ретінде абыройға
ие болды. Бүгінде BI Group
холдингі – құрамында
құрылыстың әртүрлі
саласында еңбек ететін
бірнеше дивизондары
бар көпсалалы компания
болып табылады. Бұл
тек қана тұрғын үй
және коммерциялық
ғимараттарды салу мен
девелопмент қана емес,
сонымен қатар нысандарды
басқару мен пайдалану,
сондай-ақ аймақтық
және трансұлттық
маңызға ие жолдарды
салып, өнеркәсіптік
нысандарының, сондай-ақ
құрылыс материалдарын
өндіруде.
Айдын Рахымбаевтың
айтуынша, холдинг
1 миллион шаршы
метрден астам құрылыс
салған. Бұл - тұрғын үй
кешендері, коттедждік
кенттер, коммерциялық
жылжымайтын мүліктер,
инфрақұрылымдық және
өнеркәсіптік нысандар.
Сонымен қатар жүздеген
шақырым көлік жолдары.
Холдингте 8000
шамасында бірыңғай
кәсіпкерлік корпоративтік
мәдениет арқылы
ұйысқан жоғары білікті
қызметкерлер жұмыс
істейді.
BI Group холдингі
өз алдына стратегиялық
мақсат қойған, ол–
республикада ғана
емес, шетелдерде де
көшбасшылық позициясын
ұстанатын 100 халықаралық
топ қатарына ену.
Кездесу барысында
тұрғын үй бағасы да
сөз болды. Бұл туралы
холдинг басшысы Айдын
Рахымбаев Л.Н.Гумилев
атындағы Еуразия ұлттық
университетінде өткен
кездесуде баға көрсеткішін
доллардың жаңа құнына сай
есептеуге мәжбүр екенін
жеткізді. Айта кетерлігі,
доллар бағамының
өсуіне дейінгі жасалған
келісімшарттар өзгеріссіз
қалса, ал үй алмаққа
енді бекінгендер, жаңа
бағамен есеп айырысады.
Өйткені, шаршы
метрлердің қымбаттауына
шетелден келетін құрылыс
материалдары бағасының
өсуі әсер етіп отырған
көрінеді.
Орайы келгенде, BI
Group холдингі Еуразия
ұлттық университетінің
сәулет-құрылыс фа-
культетінің оқу-тәжі-
рибелік зертханаларын
қажетті құрал-жабдық-
тармен қамтамасыз еткенін
ерекше атап өткіміз келеді.
