Дипломдық жұмысты атқарушы дайындаған диплом жұмысына

Үшінші, Ноте Page-дің бірінші нұсқасын анықтап алғаннан кейін оның апробациясын кітапхана қызмет түрлерінің арасында жүргізу керек; ол үшін қателерін түзеп, іс жүзінде бар материалдармен толықтыру керек.

Төртіншіден, кітапхананың техникалық жабдықтарын ескере отырып, Ноте Page азғана графика шығаруға болады (бұл жайлы пайдалы нұсқауларды Vahool (Computers anal internet (WWW Page Decingn and Layoyt арқылы алуға болады). Ең соңында, ақ-қара түсті дисплей мен мағлұматтар берудің азғана жылдамдықтарынан бастап техникалық жабдықтардың бірнешеуіне тестілеу жүргізу қажет.

Электронды поштаның мүмкіндіктері мен артықшылықтары.

Біріншіден, бұл қызметтестермен, ұйымдар мен мекемелермен байланысқа шығудың ең арзан, жылдам арнасы. Ол елдің ішінде де тиімді, ал шетелдермен байланысқа таптырмайтын құрал. Жай электрондық хат кез келген елдегі адамға бірнеше секунд пен минутта жетеді, бағасы өте арзан.

E-mail — ақпарат, құжат, чертеж, сурет, видео және аудио-материалдар жіберу үшін, тез арада пікір алмасу үшін қолданады. Егер пошта шығынын, қағаз, телефонмен сөйлесу шығындарын есептеп, интернет қызметтерінің барлық түрлерін қалаған мерзімінде, қалаған ұзақтықта пайдалануға болатынымен, Интернет байланысының жылдамдығы мен тиімділігімен салыстырсақ, Интернеттік байланыстың артықшылығы өзінен-өзі көрініп тұр. Оның үстіне тағы бір ескеретін жайт бар: егер сіздің электрондық поштаңыз болмаса, онда сіздің кітапхананың болашақ қолданушылары байланыса алмайды,

Ал бұл электронды поштаның жайлылығы мен пайдасын білетін, оны қолданып жүргендердің көзіне үлкен кемшілік болып керінуі мүмкін. Шетелдік визитка карточкасында е-mail мекенжайын жазу бедел к-теру үшін емес, жай қажеттіліктен туған нәрсе болып есептеледі. Қазақстанның іскерлік өмірінде де бұл үрдіс кең орын алып келеді.

Екіншіден, электронды пошта — жұмыс үшін және кәсіби шеберлігін арттыру үшін керекті арнайы ақпарат алудың арзан, жылдам әрі тиімді жолы. Интернет жүйесінде қазір өте үлкен көлемдегі ақпаратты е-mail - ға жазылу арқылы тегін алуға болады. Олар пресс-релиздер, ақпараттық бюллетеньдер, әртүрлі саладағы (іскерлік сала да бар) арнайы ақпараттар тізімі, т.б. Оларды қолданбау — қазіргі күрделі нарықтық жағдайда артта қалу болар еді, қазіргі Интернет күн санап жаңарып, өсіп, өзгеріп отырған заманда алдағы үлкен мүмкіндіктерден құр қалу деген сөз.

Үшіншіден, е-mail кез келген елдің кітапханашыларымен тікелей байланысқа шығып, пікір алмасуға, ақпарат алуға тәжірибе алмасуға мүмкіндік береді. Бұл дегеніміз — іс жүргізудің әлемдік стандартына жақындау деген сөз.

Төртіншіден, нақты мысалга жүгінсек: поштаңыз бар болса, сіз оған автожауап беруші қоя аласыз. Оған сіздің кітапхана оқырмандары, қызметкерлері жиі сұрайтын ақпаратты жазып қоюыңызға болады. Өз атына хат келгенде, автожауап беруші керекті ақпаратты автоматты түрде жібере алады (анықтамалық материалдар, ақпараттық бюллетеньдер, т.б.). Кітапханада бұндай автожауап берупіі бірнеше қызметкерді іш пыстырарлық, енбейтін жұмыстан босатып, олардың басқа, қызықты, күрделірек іспен айналысуына мүмкіндік береді.

Интернетті қолданушыларға мерзімімен ақпарат беріп тұру қажет болған жағдайда, бұндай автожауап беруші жай поштамен жіберудің орнына жұмыс істеп, қағаз, пошта, телефон шығынын үнемдейді.

Оның үстіне, тағы да айта кететін жайттар: электронды пошта хабар таратудың рһр-технологиясына жатады, тікелей жұмыс істеп, сізге керекті тұтынушыға дәл барады. Жеке (көзбе-көз сияқты) әңгімелесуге мүмкіндік береді.

Тарату тізімінің және дискуссиялық парақтардың тақырыптық бөлінуінің арқасында Сіз өзіңізге керекті аудиториямен ғана жұмыс істейсіз. Электронды поштаның Интернеттің жай ресурстарынан артықшылығы осында. Арнайы тарату серверлері бар. Хабар алушы өзі қызық деп тапқан хабарды өз қызметтестері мен таныстарының арасында тарата алады.

Оның үстіне, фирманың Web-серверіне өткендер санын хаттар арқылы біліп отыруға мүмкіндік туады.

Сонымен, е-mail — бизнестің қазіргі кезеңдегі атрибуты. Электронды поштаны кітапхана имиджін жасауға қалай қолдануға болады?

Ең алдымен, пайдаланушылармен сапалы жұмысты жарнамалаңыз. Ондай сапаны ең әуелі іспен дәлелдеу керек. Ол үшін электронды поштаны ең болмаса күніне бір рет қарап шығып, бір тәуліктің ішінде жауабын беріп отырыңыз. Бұл жағдайда респонденттер сіздің кітапханада жұмыс жүргізу тәсілі жақсы деңгейде деген пікірде қалады. Кейбір ірі кітапханалар бұл принципті шегіне дейін жеткізді: «Клиент жауапты бес минуттың ішінде алуы керек дейді. Кейде бір тәуліктің ішінде жауап беруге мүмкіндік болмай қалуы мүмкін, қажетті ақпаратты таппауыңыз мүмкін. Ондай жағдайда Сіз клиентпен сапалы жұмыс жүргізу үлгісін екі рет көрсетуіңізге болады. Бірден респондентке хат жазып, одан хабар алғаныңызды және толық жауабын мынадай уақытта жіберетініңізді айтасыз.

Айтылған уақытта міндетті түрде толық жауабын беріңіз. Кітапхананың атын барлық уақытта толық, көзге түсетіндей етіп көрсетіңіз. Көптеген хаттарда «Кімнен» деген жолда түсініксіз аттар, қысқартулар, электронды поштаның мекен-жайы, WEB - мастер деген сияқты қызмет аттары тұрады. Бұның бәрі дұрыс емес, өйткені мағынасы жоқ, ешқандай ақпарат бермейді. Өзіңіздің пошталық бағдарламаңызды кітапхананың немесе өзіңіздің атыңыз «Кімнен» деген жолда анық көрініп тұратын етіп құрастырыңыз. Екі сөзбен жазуға тырысыңыз. Үшінші сөз стандартты қатарға сыймайды. Бірінші ең маңызды сөзді жазыңыз, әдетте ол кітапхананың аты болады, одан кейін кітапхананың мамандандырылған саласы немесе қаланың аты жазылады. Егер мүмкін болса, клиент назарын аудармау үшін, әкеңіздің атын жазбағаныңыз дұрыс. Адам аты мен кітапхана аты үшін ағылшын тілі дұрыс. Кей жағдайларда мәтінді оқуды оңайлату үшін арнайы утилиттер қолданады, өйткені жай пошта бағдарламасында мұндай мүмкіндіктер бола бермейді.

Анық ойлану жүйесін көрсетіңіз. Анық, дәл көрсетілген тақырыбы бар хат бизнесті де дәл солай ұқыпты жүргізеді деген пікір қалыптастырады. Ең дұрысы тақырыпты 5—7 сөзге сыйғызған. Әдеттегідей, алғашқы екі-үш сөз — ең басты сөздер болады және хаттағы хабардың 80 пайызын беруі керек. Қалған басқа создер «Хаттың тақырыбы» деген қатарға (колонкаға) сыймайды да, хат салушыға көрінбейді.

Ең тиімдісі — хаттың тақырыбын назар аударатындай етіп құрастыру, сонда хат алушы оны тез оқып бітіруге асығады. Хаттағы ең қызықты ақпарат қайсы? деген сұраққа жауап бере отырып, сол қызықты ақпаратты тақырыпқа сыйғызыңыз.

Сыпайылық көрсетіп бір хатта бір-ақ сұрақты шешетін болыңыз. Бұл хатпен ары қарай жұмыс істеуді оңайлатады. Егер Сіз біреудің хатына жауап беріп отырсаңыз, онда хат тақырыбында клиент хатынан үзінді келтіру керек. Көп хат алысатын болса, ол өзінің сізге жіберген хаты туралы ұмытып кетуі де мүмкін. Үзінді келтіру арқылы сіз оның есіне өз хатын түсіресіз. Егер диалогты сіз бастап отырсаңыз, онда оны екі бөлікке болу керек. Әуелі ақпарат беріп, сосын сіздің хат алушының қандай әрекетін күтетініңізді көрсетіңіз. Бұл жерде мысал ретінде жиналыс протоколын келтіруге болады:

«Тыңдалды», «Қаулы қабылданды». Егер жауап керек болмаса, онда хаттың соңында «жауап берудің қажеті жоқ» деп анық көрсету керек. Хат неғұрлым қысқа болса, соғұрлым сылайырақ болады. Амандасу мен қоштасу туралы айту артық болар деп ойлаймыз.

Желілік этикет ережелері бойынша, хаттың соңында қол қойылу керек. Фирма үшін ең дұрысы — төрт жолдан тұратын қол қою (оны әрбір хатта қайталап жазып жүрудің қажеті жоқ оны бағдарламаға енгізіп қойса жеткілікті). Хат жіберушінің атын, қызметін, кітапхананы, электронды поштаны көрсету керек: Веб-сервер мекенжайын, оның сипаттамасын (3—5 сөз) беру керек. Оның үстіне, телефон, факс және басқа қатынас құралдарын да көрсете аласыз. Кітапхана қызметкерлерінің бәрінде электронды хат үшін бірдей қол қою тәртібі болу керек.
2.3.5. Басылымды жарнама

Басылымды жарнама құралдарын айтқанда, әдетте парақша, афиша, буклет, проспект, каталог, пресс-релизді айтады. Бұл құралдарды жанрлық ерекшеліктеріне қарай қағаз ретінде, кітапхана туралы естелік ретінде пайдалануға мүмкіндік береді. Буклет кітапхана ішінде жол көрсеткіш ретінде пайдаланылады, сонымен бірге шақыру хаты ретінде де қолданылады.

Жоғарыда келтірілген тізімде кітапхана үшін дәстүрлі жанрлар: анықтамалық жол көрсеткіштер, кітапхана тарихы туралы монография кірген жоқ. Олардың жарнамалық тиімділігі аз емес, бірақ стиль кемшілігі, аз тираждығы, таратуды дұрыс ойластырмау олардың жарнамалық тиімділігін кемітеді. Библиографиялық құрал, өлкетану басылымдары кітапхананы жарнамалаудың ең жақсы тәсілі болып табылады. Соңдықтан библиографтар дайындаған материалдың стилистикасына, иллюстрациясына, сыртқы көркемділігіне басты назар аудару керек.

Басылымды жарнаманың артықшылығы — бір мезгілде көп адамды, оның ішіңде, кітапханаға келмейтіндерді де қамти алатыңдығы. Келесі бір артықшылығы — ұзақ уақыт пайдаланылатындығы. Плакат, парақша, т.б. бірнеше жыл қызмет ете алады. Тек қана бұл басылымдарда «бір күндік», қысқа мерзімді ақпарат болмауын қадағалау керек.

Басылымды жарнама кітапхананың ақпараттық және т.б. мүмкіндіктерін пайдалануға жол ашады. Ол үшін кітапхананың өзіне тән ерекшелігін көрсету керек. Мысалы, афиша, буклеттерде сирек кездесетін кітаптар қорынан көне фолиантты немесе революцияға дейінгі кітапхананың орналасқан ескі үйін,т.с.с. көрсету керек. Кітапхананың өзіне тән ерекшелігін логотип те көрсете алады.

Интерьер элементтерімен салыстырғанда басылымды жарнама қызмет көрсету бөлімінің қызметкерлері үшін керемет оқу құралы бола алады. Дұрыс немесе қате жазылған парақша, афишалар практикалық сабақтарға жақсы материал болады. Сондықтан да кітапхана архивінде оның басылымды жарнамалары көрнекті орын алып, ұзақ сақталады. Ол бойынша қызметкерлер мен кітапхана пайдаланушылары кітапхана дамуының кезеңдері, дәстүрлері, жаңару мүмкіңдіктері жайлы мағлұмат ала алады.

Кітапхананың басылымды жарнамасында оның жұмыс есебі ерекше орын алады.

Ұзақ мәтінді басылым жарнамасына қойылатын талаптар:

— тақырып пен мәтіннің арасына мүмкін болса, бір-екі жолдан тұратын тақырыпша орналастырған дұрыс. Ол пайдаланушы назарын өзіне аударады;

— егер мәтінді бас әріппен бастасаңыз, оған деген қызығушылық 13 пайызға өседі (Д. Огилви);

— бірінші абзац он бір (11) сөзден артық болмауы керек. Басқа абзацтарды да пайдаланушыны шаршатпау үшін мүмкіндігінше қысқа етіп жазған дұрыс;

— ұзақ мәтінді бірнеше бөлікке немесе тақырыпшаларға бөлсе, есте жақсы сақталады. Олардың кейбіреуін сұраулы сөйлем түрінде жазған дұрыс;

— ең дұрысы — мәтінді қырық (40) белгіден аспайтын колонка түрінде берген. Колонканың ені неғұрлым кең болса, соғұрлым мәтін нашар қабылданады;

— мәтінді өте ұсақ қаріппен теруге болмайды;

— ашықтау түсті шрифт жартылай қара түске қарағанда жақсы оқылады;

— жартылай қара шрифтпен немесе курсивпен терілген абзац мәтінді біркелкі сұрқай болдырмайды;

— әрбір абзацтың тұсына стрелка, жұлдызша немесе басқа бір белгі қойған дұрыс; мүмкіндігінше мәтін жанында иллюстрация да болған дұрыс.

Парақша — басылымды жарнаманың кең тараған түрі. Әдетте ол екі жақты, кіші форматты, бүктелмейтін (фальцовкасыз) басылым. Оның артықшылығы арзаңдығында. Тағы бір артықшылығы — әртүрлі мақсатта пайдалану мүмкіндігі. Ең алдымен, оны пошта арқылы кітапханаға шақыру қағазы ретінде пайдаланады. Бұл жағдайда қысқа ғана кітапхана ресурстары, мекенжайы, жұмыс күңдері туралы жазады. Парақша (листовка) түрінде библиографиялық тізімдер, ақпараттық білім негіздерін үйретушілерге көмекші материалдар дайындалады. Мысалы: «Каталогтар мен картотекаларды қалай пайдалануға болады?», «Оқырман талабын қалай толтыру керек?», «Оқырманға кітапхананың анықтамалық-библиографиялық аппараты туралы» сияқты парақшалар кең таралған.

Көрмелер, кештер, кездесулерге шақырулар да парақша түріңде жазылады. Әр түрлі топтарды жинайтын мұңдай іс-шараларға шақыру қағаздарын әдетте вестибюль, холлда, кафедраға, столдарға қойып қояды.

Соңғы кездері кітапханалар фирмалық стильдерін қалыптастыруда, сондықтан парақша кітапхананың бет пердесін көрсететін көмекші құралдардың бірі болып табылады. Бұл құралдарға афиша, шақыру қағазын салатын конверт, каталог түрінде басып шығарылған басылымдар тізімі жатады. Олардың бәрі де бірдей сюжет, түс, шрифтпен өнделеді.

Парақшаларда қосымша ақпараттар берілмейді. Бірақ кейде кітапхана символикасы мен негізгі мәтінге қосымша басқа да ақпараттар беріледі. Мысалы, кітапханаға бару жолының схемасы, сурет (балалар кітапханасы үшін). Парақшаларды әдетте ақ-қара түсті немесе түрлі түсті принтерде басып шығарады. Ол жоқ болса, ксерокөшірмесін жасайды. Парақшаларды типографиялық әдіспен шығару сирек кездеседі. Кейде пошта открыткаларын пайдаланады.

Плакат — фальцовкасыз (бүктелмейтін) басылым, бірақ парақшадан айырмасы — әртүрлі бояумен салынған, үлкен қашықтықтан (бірнеше метр) назар аударатын басылым. Қолдану мақсатына қарай плакатты үш түрге бөледі.

Кітап пен газет-журналдарды жарнамалайтын, кітапхана мен оның жекелеген қызмет түрлерін жарнамалайтын, ақпараттық білім алуға көмекші құрал ретіндегі (анықтамалық-библиографиялық аппаратты оқып-үйрену үшін, компьютерді пайдалану үшін, т.б.) плакаттар, жақсы ойластырып жасалған афиша «пайдаланушыларды ұстау, аулау» эффектін береді. Мұндай афишалар көшедегі жүргшшілер мен транспорттағы жолаушылардың назарын еріксіз өзіне аударады. Кездейсоқ есте қалған ақпарат адам жадында ұзақ сақталады.

Кіші жарнамаларға (парақша, хабарландыру) қарағанда афишаның көлемі үлкен, сондықтан онда ірі иллюстрацияларды: сурет, фотосурет, кітапхана символикасын көрсетуге болады.

Оның үстіне, түрлі түс пен шрифтарды пайдалана отырып, көп ақпарат беруге болады. Афишаға көз тастағаннан кейін оны парақша мен буклет сияқты бір шетке ысырып тастай алмайсың: ірі, көзге ұрып тұратын шрифт пен дұрыс таңдалған иллюстрация назарды өзіне еріксіз аударып, тоқтауға мәжбүр етеді. Алдағы уақытта өтетін маңызды іс-шараны жарнамалайтын кітапхана афишасын көп уақыт бұрын іледі де, оның әсері көбейе түседі. Оның үстіне бұл нағыз ыңғайлы жанр: афишаны тек қана кітапхана ішінде емес, оқу орындарында, фирмалар мен жұмыс орындарында, аялдамаларда ілуге болады.

Афишаға қойылатын негізгі талап — оның мәтіні мен иллюстрациясы аз, қысқа болуы керек. Әдетте афиша 7—10 жолдан тұрады, сөйлемдері қысқа болуы керек. Егер белгілі бір себептермен мәтін көлемін үлкейту керек болса, онда оны бірнеше абзацтарға белу керек (мысалы, алдағы іс-шараның бағдарламасы немесе кітапханадағы қызмет түрлерінің тізімі). Шрифт немесе түстің көмегімен мәтіннің жекелеген тұстарын бөліп көрсету керек; кештің аты, қызмет түрі. Сонымен бірге, афиша мәтіні үшін сөз мәнерін де қысқа да нұсқа етіп таңдайды: «Кейін емес, дәл қазір!», «Бәрін таста да оқы!», «Ақылыңа ақыл қос!» т.б.

Бөлекше шрифтпен жазылған бірнеше фраза жарнама хабарының негізгі тұсын дәл басуы керек.

Ал егер кітапхана өз афишалары мен сөз мәнерін ұдайы таратып отыратын болса, онда негізгі фразалар тұрақты элемент болып қалыптасып қалады да, пайдаланушылар оны кітапхананың өз белгісі ретінде қабылдайды: иллюстрация да кітапхана имиджін қалыптастыруда үлкен роль атқарады. Афишаның суретшісі мен идея авторы қай мағынаны баса көрсеткісі келетініне байланысты, иллюстрация да өзгеріп отырады.

Кітапхананың суретті логотипі иллюстрация ролін атқара алады. Иллюстрация етіп суретті (әзіл-қалжынды сурет, абстрактты немесе белгілі бір нақтылы сурет) алуға болады. Кей кездері афишаға кездесу болатын адамның фотосуретін (жазушы, артист, ғалым) шығарады. Балалар кітапханасында көбінесе фотосуреттің орнына афишаға қағаздан немесе картоннан жасалған ойыншықтар жапсырылады. Олар бөтен емес, хабардың идеясымен бірігіп, біртұтас стиль құрап тұруы керек.

Афиша қабылдауы жайлы айтқаңда, мамандар ең әуелі шрифты еске алады. Әртүрлі шрифттарды бір мәтінде қолдану оны оқуды, түсінуді қиындатады. Шрифтың көлемі, әріптер мен афишаның көлемі оның қай жерге ілінетініне байланысты: кітапхана маңыңдағы бақшаға, аулаға, көше бойына, вестибюльге немесе кішкене холлға, тар коридорға.

Буклет — бүктелген, «қобыз», үшбұрыш, «үйшік» түрінде жасалған түрлі түсті, суретті басылым. Кітапхана саласында әртүрлі жанрдағы буклеттерді қолданады. Ең кең таралғаны — кітапхана, оның бір бөліміне арналған буклет. Басқа жанрлардың арасында шақыру билеттерін, әдебиеттер тізімін, абонементтерді атап өтуге болады. Бұларды келушілердің қолына береді, көрмелерге қояды, қордағы кітаптар, каталогтар қасына қояды, поштамен жібереді, т.с.с. Буклетке көп материал кетпейді, сондықтан да оны көп қолданады.

Буклеттердің мазмұны әртүрлі бола беруі мүмкін. Ол буклеттің қолдану мақсатына байланысты. Егер буклетті келушілерге тарататын болса, онда қызмет көрсету бөлімдері туралы кең мағлұмат беріледі. Басқа кездері қысқа сипаттамамен шектеледі. Кейбір буклеттерде функционалдық бөлімдерді көрсетеді: жинақтау, өңдеу, т.б. Пайдаланушыларға көрінбейтін бұл бөлімдерсіз бірде-бір кітапхана жұмыс істей алмас еді. Сондықтан кітапхана өмірімен толық таныстыру үшін осы бөлімдер туралы да айтылу керек.

Кітапхана бөлімдерін жарнамалау филиалдары бар, мамандандырылған кітапханаларға өте қажет. Жарнамалық буклеттердің мазмұнына мекенжай, телефон, әртүрлі бөлімдердің жұмыс күндері мен уақыты, қоғамдық транспорттар (кітапханаға баратын) кіреді. Шетелдік кітапхана буклеттерінде сонымен бірге автомобиль тұрақтары да көрсетіледі.

Буклеттердің және бір мазмұндық элементі, кітапхананың жеке тұлғаларын көрсетумен байланысты. Кітапхананың жағымды бейнесін қалыптастыруда оның жекелеген қызметкерлеріне деген оң көзқарас үлкен роль ойнайды. Келушілер, фирмалар көп жағдайда директордың, оның орын-басарларының (шаруашылық жағынан да), бөлім меңгерушілерінің аты-жөңдерін білуі қажет болады. Буклет бұл жағдайда үлкен «визит карточкасының» орнына жүреді.

Буклеттің иллюстрациялық материалын логотиптің көркем суреті, фотосуреттер мен суреттер құрайды.

Кәсіби жарнамалар буклеттің көркем бейнесін жасау үшін фотосуреттен гөрі жай суретті қолданған дұрыс дейді. Ал кейде тіпті суретсіз шығаруға да болады. Мысалы: буклетте көркем бейнені ашық-көк түсті фон жасайды, ол фонның үстінде көне шрифт үлгісіндегі ескі каллиграфиялық жазу үлгісімен жазылған мәтін беріледі. Буклеттің бірінші бетінде көк аспанға ұмтылған ақ жартас бейнеленіп — ол білім шыңына ұмтылудың символы ретінде әсер береді.

Буклеттің басқа жанрлары кітапханашыларға жақсы таныс. Соңғы кездері оларды әртүрлі стандартсыз әдістермен жандандыру тәжірибесі кең тарауда. Буклет түрінде жасалған шақыру билеті әдетте оқырман назарын белгілі бір оқиғаға аударады: кітапхана мерейтойына, жергілікті суретшінің картина вернисажына, қызықты адамдармен кездесуге, т.б. Сонда да болса, шақырулардың маңызды бір қызметі — кітапхананы, оның артықшылықтарын тағы бір жарнамалау екенін айта кету керек.

Бұл мақсаттарға жету үшін әртүрлі әдістерді, ең әуелі көркемдегіш құралдарды қолданады, өйткені сөз мәтіні қысқа болуы керек. Балалар кітапханасы шақыру-буклеттерді ашық терезе түрінде, күн шеңбері түрінде (оның әрбір сәулесі бағдарламаның бір нөмерін хабарлайды) жасайды.

Проспект — кеп бетті, брошюралық, иллюстрацияланған басылым. Оған анағұрлым көп қаржы кетеді. Сондықтан әдетте оны ірі, мамандандырылған кітапханалар ғана шығара алады. Мазмұны мен көркемдігі жағынан проспекттің буклеттен айырмасы — материал бөлімдерге бөлінген. Лексикасы ұстамды, кейде салтанатты стильде болып келеді.

Проспекттерде ғылым мен мәдениет қайраткерлерінің портреттерін, сирек кітаптар қорынан кене фолианттар суретін, жазушылар автографын көрсетеді.

Проспекттің түпнұсқасын жасау кезінде оның детальдарын, композициясын, оқитын және көретін материалдарды орналастыруды мұқият ойластыру керек.

Оның мазмұнын қалыптастыру кезінде, проспекттің ұзақ уақытқа пайдалануға арналғанын ескеру қажет.

Жарнамалық кинофильмдер (жарнамалық-техникалық фильмдер, жарнамалық жедел ақпарат) — әдетте қысқа жарнамалық фильмдер. Оларды кинотеатрда, көрме мен фестивальда, радиостанцияда көрсетеді.

Аудио жарнаманың өзіне тән ерекшелігі — дыбысты тілді қолдану жарнаманы радиоға даярлағанда мәтіннің қысқа және дәйекті болғанына, ерекше формамен берілгеніне назар аударылады. Сөйлемдер қысқа болып, бір ойдан артық ой білдірмеуі керек. Тыңдаушының назарын сөз басыңда өзіне қаратып алуды ойлау керек. Радиожарнамада музыканың орны ерекше. Дұрыс таңдалған музыка мәтінді қабылдауды жеңілдетеді. Сонда да болса, музыкалық сүйемелдеу, акустикалық эффекттер радио-телетыңдаушылардың назарын хабардың негізгі айтпақ ойынан ауытқытпауы қажет.

Радионың басқа бұқаралық ақпараттардан артықшылығы: 24 сағат бойы үлкен аумақтарға тарай алады және бағдарламасы әртүрлі бола алады. Радионы үйде, жұмыста, автомобильде отырып, жұмыс істей жүріп, қыдырып жүріп тындай аламыз. Сондықтан керекті деген радиобағдарламада орналастырылған жарнамалар қай жерде жүргеніне қарамастан, тұтынушылардың көп бөлігіне жете алады. Сонымен қатар радиожарнаманы қабылдауда сыртқы дүние ақпаратының 90 пайызын беретін көз-көру органы қатыспайтынын да есте ұстаған жөн.

Радиостанцияларда жарнама шығарумен арнайы шұғылданатын жарнама белімдері бар. Тапсырыс беруші хабарламаның қай бөліктеріне баса назар аудару керек екенін айтса болды, қалғанын радиоқызметкерлері өздері тындырады. Жарнаманың мәтінін құрастыру, стилін белгілеу, оны радиоға шығару — мамаңдардың жұмысы. Әдетте дайын жарнамалық роликтер қабылдайды, қабылдана қалған күнде де оны әуелі жарнама бөлімі қарап шығады, олай етпесе нашар жарнама радио беделін түсіруі мүмкін. Жарнаманың тиімділігі радиостанция беделіне, оның аумақ пен қалаларда таралуына, жарнама сапасына, тындармандарға (қоғамдық орны, жасы) байланысты.

Слайдтар — мамаңдар арасында кең тараған. Ол көрмелер мен тұсаукесерде қолданылады.

Теледидардағы жарнамаға жарнама роликтері, хабарландырулар жатады. Жарнаманы теледидарда таратуда сурет, дыбыс, қимыл, түс — бәрі қызмет етеді, сондықтан баспа жарнама күн санап қызық ақпаратты, сонымен бірге күрделі де қымбат болып барады. Егер ол компьютерлік графикамен орындалалатын болса, онда бағасы да еседі. Отаңдық тележарнаманың сапасы артқанын, олардың батыстық жарнамаларды теледидардан ығыстырып шығарғанынан білуге болады. Сонымен бірге отандық тележарнама халықаралық фестивальдар мен кермелерде орын ала бастады.

Тележарнаманың бір кемшілігі — жарнаманы көрсетіп жатқан мезетте көрермен, яғни ықтимал тұтынушы экраннан көріп отыруы керек. Олай болмаған күнде жарнамалық хабар халыққа жетпейді. Сондықтан тапсырыс берушілер өз жарнамаларын халық көп көретін сериалдар, концерттер, бағдарламалар арасына қосуды сұрайды. Әрине оның бағасы да қымбаттайды.

Тележарнама қалай болғанда да мүмкіндігі мол жарнама болып табылады. Оның тиімділігін арттыру үшін көптеген психологиялық ережелер мен әдістер белгіленген: көрнекті көркем болуы керек, қысқа, басқаларға ұқсамайтын, тұтынушыға жақын болуы керек.

Тағы бір қиыншылығы тележарнама — ең қымбат жарнама. Оның ең тиімді мезгілдері — таңертеңгі, жұрт жұмысқа жиналатын уақыт және кешкі демалыс уақыты. Бұл кездерде адамдар үйіңде болу мүмкіншілігі мол. Сондықтан қалтасы қалың жарнама берушілер өз жарнамасын дәл осы уақытқа белгілейді, әрине бағасы да қымбат болады.

Көрермендер қалауына салса, эфирде жарнаманың аз болғанын (әсіресе қызықты фильмдер мен бағдарламаларды көрсеткенде) қалар еді.

Имидж — жарнама беруші ұйымдарға қоғам мүшелерінің жақсы көзқарасын қалыптастырып, олардың имиджі мен беделін арттыру үшін жасалатын шаралар жиынтығы. Мұңдай шараларға презентация, баспасөз конференциясы, демеуші болу, қоғамдық пайдалы шараларды қаржыландыру, көрмелер, арнайы жәрмеңкелер жатады. Мұндай шаралардың маркетингілік зерттеулерге негізделген, жоспарлы тұрақты түрде болып тұратын жарнамалық іс-шара екенін атап өту керек. Жарнамалық фирмалар өздеріне тапсырыс берушілерге паблик рилейшнз (РК) шараларын жүргізуді ұсынады. Бұл шаралар жарнама беруші кең ақпараттық мәлімет беріп, өздерінің сенімділігін көрсеткісі келгенде, қоғам мүшелерімен қарым-қатынасты нығайту үшін жасалады.