Дәріс №1 Тақырып: Үлестірілген желілер түсінігі мен түрлері. Сабақтың мақсаты

Есептеу желісінің көп тараған «сақина», «жұлдыз» және «Шина» тәрәзді сызба-құрылымдарынан басқа тәжірибеде олардың аралас түрі де, мәселен, «бұтақ» тәрізді сызба-құрылымы қолданыалды. Ол жоғарыда аталған сызба-құрылымдарды («жұлдыз» және «Шина») біріктіру негізінде алынады.

«Бұтақ» тәрізді сызба –құрылым есептеу желілерінің негізгі сызба –құрылымдарын таза түрінде қолдануға болмайтын жағдайларда пайдаланылады. Бейімдеуіш тақшаларға көптеген жұмыс бекеттерін қосу үшін желілік күшейткіштер және коммутатаорлар қолданылады. Күшейту қабілеті бар коммутатор белсенді шоғырлауыш деп аталады. Бейбелсенді шоғырлауыш ажыратқыш ретінде пайдаланылады. Оған күшейткіштің қажеті жоқ және жұмыс бекетіне дейінгі ең үлкен қашықтық бірнеше ондаған метрден аспауы керек.

Деректерді тасымалдау ортасы деп компьютерлер арасында ақпарат айырбастау жүргізілетін байланыс арналарын атайды. Әрбір компьютерлік желіде деректер тасымалдау ортасы деректерді электрлік немесе электромагниттік сигнал түрінде тасымалдайды. Тасымалдау үшін әртүрлі физикалық орталар қолданылады. Жалпы жағдайда деректер тасымалдау ортасы шектелген (сымды немесе кабілдік) және шектелмеген (сымсыз) болып екіге бөлінеді.