Жауапкершілік түрлері және жаза қолдану тәртібі

27. 
    Қызметкерге қолданылатын жауапкершілік түрлері және оларды қолдану тәртібі Академияның ішкі еңбек тәртібі қағидаларында регламенттелген.
    

28. 
    Білім алушыларға қолданылатын жауапкершілік түрлері:
    

1. 
   ауызша ескерту;
   
2. 
   жұмыстың және/немесе қойылған бағаның күшін жою;
   
3. 
   бағаланатын жұмыстарды, оның ішінде диссертациялық жұмыстарды қорғауға жібермеу;
   
4. 
   жасалған әрекетті қоғамдық айыптау;
   
5. 
   Академиядан шығару.
   

29. 
    Бұзушылық фактілерін және жауапкершілік деңгейін Институт/МСҰМ директораты қарастырады. Жасалған әрекетті қоғамдық айыптау немесе Академиядан шығару түріндегі жазаны Академиялық кеңес қарайды.
    
30. 
    Әрбір жағдайды қарастыру бойынша материалдар Хаттамамен рәсімделіп, Академиялық бағдарламалар орталығында білім алушының жеке ісінде немесе Персоналды басқару бөлімінде қызметкердің жеке ісінде сақталуы тиіс.
    
31. 
    Оқытушы көшіріп жазу фактісін анықтаған жағдайда, Институт/МСҰМ директоры мен АБО басшысын ауызша хабардар етіп, аталған бұзушылықты жасаған білім алушының, сондай-ақ әдейі көшіру үшін өз мәтінін берген білім алушының жұмысын және/немесе қойылған бағаның күшін жоюға құқылы.
    
32. 
    Қайта көшіріп жазуды анықтаған жағдайда оқытушы көшірілген материалдың көлемі мен оның дереккөзін көрсетіп, жазбаша жұмыстың көшірмесін (немесе оның үзіндісін) қоса бере отырып, Институт/МСҰМ директорының атына тәртіптік жаза қолдану туралы өтінішпен қызметтік жазбаны ұсынуға міндетті.
    
33. 
    Институт/МСҰМ директоры оқытушыдан қызметтік жазбаны алғаннан кейін Директорат отырысында баяндалған фактілерді тексеруді ұйымдастырып, білім алушыны тәртіптік жазаға тарту шараларын қабылдайды немесе Академиялық кеңеске қарауға ұсыным жібереді.
    

Қазақстан Республикасы Президентінің жанындағы Мемлекеттік басқару академиясының Әдеп және академиялық адалдық кодексіне