«BI Жұлдызай» мүмкіндігі шектеулі балалар шығармашылығы республикалық фестивалінің облыстық кезеңі

Аталған шараға облыстық көру қабілеті бұзылған балаларға арналған арнаулы мектеп-интернаты, облыстық есту және сөйлеу қабілеті бұзылған балаларға арналған мектеп-интернаты-кешені, зерде бұзылыстары бар балаларға арналған облыстық мектеп-интернаты, Орал қаласының мектептен тыс жұмыс орталығы, сонымен қатар Ақжайық, Бөкейорда, Бөрлі, Жаңақала, Жәнібек, Зеленов, Казталов, Қаратөбе, Сырым, Теректі, Тасқала, Шыңғырлау аудандары қатысты.

Шараға 10 жастан 18 жасқа дейінгі жас санатындағы 163 өнерпаз балдырғандар қатысқан болатын. Фестивальге қатысушылар хореография, вокалдық орындау, аспапта орындау, әнді ым-ишаратпен орындау, көркем-қолданбалы өнер және бейнелеу өнері бойынша өз өнерлерін ортаға салып, ерекше өнер көрсетіп, қазылар алқасын баурап алды.

Фестивальдің барлық қатысушылары облыстық білім басқармасының алғыс хаттары және сыйлықтарымен марапатталды. Өздерінің өнерлерімен көпшілікті тәнті еткен оқушылар іріктелініп Республикалық фестиваліне жолдама алды.

Қазылар алқасы фестивальдің жоғары деңгейде ұйымдастырылып, үлкен жауапкершілікпен өткендігін атап өтті.
Облыстық «Алау» әскери-спорттық ойыны

23-24 сәуір күндері «Дарын» қосымша білім беру орталығының базасында Қазақстан Республикасы Тәуелсіздігінің 25 жылдығына арналған облыстық «Алау» әскери-спорттық ойыны өткізілді.

Ойынға Бөкейорда, Жәнібек, Жаңақала, Зеленов, Казталов, Қаратөбе, Сырым, Тасқала, Теректі, Орал қаласы және №11 С.Сейфуллин атындағы дарынды балаларға арналған мектеп-интернаты (барлығы 11 команда, 99 оқушы ) қатысты.

Облыстық «Алау» әскери-спорттық ойыны жоғары деңгейде өткізілді. Командалар ойындарға жақсы дайындықпен келген. Ақжайық, Бөрлі, Шыңғырлау аудандары қаражат жоқтығына байланысты қатыспады.