Баспасөз мәлімдемесі
Астананың салық қызметкерлері дағдарысқа дейінгі кезеңмен
салыстырғанда бюджетке 62 млрд теңгеге артық кіріс әкелді
Астана қаласы бойынша мемлекеттік кірістер Департаменті 2015 жылы
мемлекеттік бюджетке жалпы сомасы 768,9 млрд.теңге көлемінде кіріс
түсірді. Кірістер өсімі 62,0 млрд.теңгені құрады, салық түсімдеріне қарыздар
0,9% деңгейіне дейін азайтылды. Бұл туралы Астана қаласы бойынша
мемлекеттік кірістер Департаментінің басшысы Ә.Сқақов 2015 жылдың
қорытындылары мен 2016 жылға құрылған жоспарларға арналған
кеңейтілген жиын барысында айтты.
Кеңейтілген отырысқа Астана қаласының әкімі Ә.Р.Жақсыбеков, ҚР ҚМ
мемлекеттік кірістер Комитетінің төрағасы Д.Е.Ерғожин қатысты.
Ә.Сқақовтың айтуынша, экономикалық дағдарысқа қарамастан,
Департаменттің мұндай жақсы көрсеткіштер көрсетуіне бірнеше себеп бар.
Ол: кіріс жинау туралы кешенді жоспардың жүзеге асуы, қазына қаржысын
бақылаудың бірыңғайлануы, жаңа құрылған экономикалық тергеулер
қызметімен тығыз байланыс, жалған кәсіпкерлікке қарсы күрес,
импорттаушыларды өтпелі бақылаудан өткізу жұмыстары.
«Жүйелі жұмыс нәтижесінде бюджетке қосымша 169 млрд. теңге
жұмылдырылды. Салықтық тексерулерді 38 %-ға азайттық, алайда
борыштарды өндіріп алуды 13 есеге көбейттік. Жыл қорытындысы бойынша
салық төлемей жүрген борышкерлерден 20,3 млрд.теңге өндіріп алынды.
Камералды бақылау 6000 субъектіге кем қамтылды, дегенмен нәтижесі екі
есеге өсті. Қатаң бақылауғ заң бұзушылар алынды, ал адал кәсіп жүргізіп
отырған салық төлеушілердің ісіне кедергі келтірмеу принципі бойынша
жұмыс жүргізіліп жатыр», – деп бөлісті Ә.Сқақов.
«Астана – жалған кәсіпорынсыз қала» атты Жоспардың жүзеге
асырылуы нәтижесінде қолма-қол ақша айналдыру 17%-ға қысқарды,
қаладағы жалған кәсіпорындар 60%-ға азайды.
Сонымен қатар Департамент басшысының сөзіне қарағанда, Астаналық
кіріс органы жұмысының басты нәтижесі – кедендік және салықтық
әкімшілендірудің бірыңғай орталығының құрылуында. Осының арқасында
бюджетке түскен түсім көлемі экономиканың даму қарқынынан да арта түсіп,
мемлекеттік қызмет сапасы да жақсарған.
«Біз салық төлеушілерге қызмет көрсету уақытын 10 минутқа
қысқартып, электронды қызмет түрін 80,5 %-ға дейін көбейттік», – дейді
Ә.Сқақов.
Сөз соңында қалалық Департаменттің басшысы осы жылға арналған
жұмыс жоспарларымен танстырып, аталған қызметтің жаңа бастамаларды да
іске асыратынына сендірді.
ҚР ҚМ Мемлекеттік кірістер комитетінің төрағасы Дәулет Ерғожин
Астана қаласы мемлекеттік кірістер Департаменті басшысының есебін
тыңдап, оң баға берді. Оның айтуынша, көптеген жаңа жобалар алдымен
Астанада жүзеге асырылып, кейін өзге аймақтарға тарайды. Бұл салмақты іс,
дегенмен елордада басталған істі жетілдіруге мүмкіндік көп. Департамент
бастамаларын қолдай отырып, Төраға профилактикалық жұмысқа мән берілу
керектігін, салық және кедендік әкімшілендіруде жаңа технологияларды
пайдалану керектігін алға тартты.
Мемлекетке кіріс жинаушылар қызметінің басым бағыты – қолма-қол
ақшасыз есеп айырысу үлесін арттыру арқылы көлеңкелі экономика көлемін
қысқарту. Бұл бағытта POS-терминалдар мен онлайн бақылау кассалық
аппараттарын қолдануды бақылау да маңызды орынға шығып отыр.
Астананың экономикалық тергеулер қызметі экономикалық қылмыстарды
бастапқы кезеңінде анықтап, жалған кәсіпкерлікпен және салықтан жалтару
әрекеттерімен күресті күшейту керек, – деп қорытындылады Д.Ерғожин.
Жиын соңында Астана қаласының әкімі Ә.Жақсыбеков қаланың
фискалды органына жұмыс көрсеткіштері үшін алғысын білдірді. Қала
әкімінің айтуынша, Астана 2015 жылдан бастап республикалық бюджетке
кіріс түсіру арқылы бюджеттің төртінші донорына айналды. Жергілікті
мемлекеттік органдар, оның ішінде мемлекеттік кірістер Департаментінің
басты міндеті – Елорданың бизнес-климатын жақсарту, көлеңкелі
экономикаға қарсы күрес, дағдарысқа қарсы тиімді шараларды қолдану,
инновациялық мәселелерде өзара әрекеттестік қалыптастыру.
«Жергілікті бюджетке түскен түсім динамикасы мемлекет бойынша ең
жоғары көрсеткішке ие. Түсімнің 90%-ы салықан түскен түсімдер. Бұл біздің
бірлескен жұмысымыздың нәтижесі. Сондықтан салық әлеуетін кеңінен
қолдану керек»,– деді қала басшысы.
Ә.Жақсыбеков мемлекеттік кірістер Департаменті қызметкерлерінің
жаңа бастамалары әкімдік тарапынан қолдауға ие болатынын айтып,
ұжымның Астана қаласының дамуына қосқан үлесі үшін алғысын білдірді.
Үздік қызметкерлер әкім марапаттауына ие болды, оның ішінде 10
қызметкерге пәтер кілттері табыс етілді.
Астана қ. МКД баспасөз қызметі, тел: 77-31-95
