Мешел (Рахиттің) пайда болу себептері, клиникалық және диагностикалық көріністері

Рахит немесе мешел ауруы — балаларда екі жасқа дейін көп кездесетін сүйек ауруы. Балаларда Д дәруменінің жетіспеушілігі мен күннің ультра күлгін сәулелерінің жеткіліксіз мөлшерде болуы салдарынан пайда болатын ауру. Көбінесе күзде, қыста туған балалар ауырады. Рахит ауруы кезінде минералды зат алмасу процесі мен сүйектің түзілуі бұзылады. Бала жасөспірім шағында ауырса оның салдары бойының өсуіне де әсер етеді.Нәресте ауырған жағдайда аурудың клиникалық белгілері біліне бастайды. Ең алдымен нәрестенің ұйқысы бұзылады, желке жағында қызыл дақтар пайда болады. Ұйқысы бұзылған нәресте мойнын ары-бері үйкелей беруі мүмкін. Соның әсерінен желке шашы түсе бастайды. Нәресте тершең болып, теріден ащы иіс шығады. Бұл кезеңде сүйектегі алғашқы өзгеріс байқалмайды. Рахит ауруының алғашқы кезеңдегі белгілері мынадай:

- мазасыздық; - тершеңдік (көп терлеу); - шүйде (желке) бөлігіндегі шаштардың түсіп қалуы; - асқа деген тәбеттің төмендеуі; - бауыр мен көк бауырдың үлкейіп, анемияның артуы. Екінші реттік (қайталаған) рахиттің түрлері

- ұзақ уақыт дәрі-дәрмек қабылдағаннан болған рахит; - ішкі секреция безінің ақаулы функциясынан пайда болған рахит; - гендердің мутациясынан пайда болған рахит; - бауырдың қызметі бұзылғандығы салдарынан пайда болған рахит.

- науқас баланың иммунитеті әлсірейді; - анемия болады; - тістері мүжіліп, дене бітімі жағынан өз қатарластарынан артта қалады.