Тақырып 6. Биологиядан оқу-тәрбие жұмыстарын ұйымдастыру. Оқыту жоспарлары

Тақырып 6. Биологиядан оқу-тәрбие жұмыстарын ұйымдастыру. Оқыту жоспарлары.

№ 1-тапсырма. Аралас сабақтың құрам бөліктері ішінен

«ұйымдастыру кезеңінің» рөлін түсіндіріңіз.

№ 2-тапсырма. Сабақтың «үй тапсырмасын тексеру» кезеңін қандай жағдайларда жаңа материалдан бұрын, қандай кездерде кейін жүргізген дұрыс екендігін айтыңыз. Мысал келтіріңіз.

№ 3-тапсырма. Сабақтың «бекіту» кезеңін жүргізу әр кезде міндетті ма, жоқ па түсіндіріңіз.

№ 4-тапсырма. Педагогикада сабаққа қойылатын талаптар қандай үш топқа бөлінетінін түсіндіріңіз. Қазіргі кездегі биология сабағы қандай болуы керек.

№ 5-тапсырма. Өз таңдауыз бойынша бір сабаққа жоспар- конспект жасаңыз. Онда оқушылардың шығармашылық қабілеттерін дамытатын тапсырмалар құрыңыз.

№ 6-тапсырма. Бір сабақтың жоспар-конспектісін дайындаңыз, осы жасаған конспектіңізде (сабақ жоспарында) сіз қандай ұғымдарды оқушыларға алғаш рет берейін деп отырсыз, ал қандайын қайталау, салыстыру, қорытындылау арқылы дамытасыз.

№ 7-тапсырма. Өз сабағыңызға бұрынғы алынған білімді жаңа біліммен байланыстыратын сұрақтар, екі құбылысты немесе екі нысанды салыстыратын тақтада құрастыратын сызбанұсқалар, жаттығулар дайындаңыз.

№ 8-тапсырма. «Талдап қорыту және білімді жүйелеу мен оны қолдану сабағы» типіне жататын сабақтарды атаңыз. Неге осы сабақтар түрлерін бұл типке жатқызамыз, түсіндіріңіз.

№ 9-тапсырма. Неге зертханалық және танымжорық сабақ түрлерін «Білімді бекіту сабағы» типіне жатқызамыз, түсіндіріңіз.

№ 10-тапсырма. . «Танымжорықтық жұмыстың он өсиетін» жазып талдаңыз, өзіңіз тағы қандай бөлімдер қосар едіңіз? Жауабыңызды негіздеңіз.