Тәжірибеден өтуді ұйымдастыру

Студент тәжірибеден өтуші ретінде тіркелгеннен бастап оларға ұйымда қолданыстағы еңбек заңнамасы, еңбекті қорғау ережесі және ішкі тәртіп ережесі беріледі және олар онымен белгіленген тәртіпте танысулары тиіс.

Тәжірибеден өту барысында әр студент күнделік (2-қосымша) жүргізіп, онда күн сайынғы орындалған жұмыстар жазылып отырады.

Тәжірибеден өту барысында студенттер:

• 
  ұйымда тәжірибеден өту үшін уақытында белгіленген мерзімде келуге;
  
• 
  жоғары ұйымдастырушылық көрсетуге, ұйымда бекітілген ішкі тәртіп ережесін қатаң орындауға, сондай-ақ еңбек және қызметтік тәртіпті сақтауға; еңбекті қорғау және техника қауіпсіздігі ережелерімен танысуға және орындауға;
  
• 
  тәжірибе бағдарламасын ерікті түрде, толық көлемде және белгіленген мерзімде орындауға; нақты тапсырмаларды және университеттен және ұйымнан тағайындалған тәжірибе жетекшілерінің тапсырмаларын дәл және өз уақытында орындауға;
  
• 
  есеп дайындау үшін оның құрылымына сәйкес келетін қажетті материалдар жинау;
  
• 
  тәжірибе бағдарламасында қарастырылған тапсырмаларды толық орындауға;
  
• 
  кәсіпорында, мекемелерде, ұйымдарда қолданыстағы ішкі тәртіп ережелеріне қатаң бағынуға;
  
• 
  кәсіпорынның, ұйымның, мекеме ұжымының қоғамдық өміріне белсенді қатысуға;
  
• 
  орындалған жұмыс және оның нәтижесі үшін жауапкершілік алуға;
  
• 
  күн сайын күнделікке орындалған жұмыстың сипаттамасын, мазмұнын және тәртібін көрсете отырып жазба енгізуге;
  
• 
  кестеге сәйкес тәжірибе жөніндегі есепті өз уақытында тапсыруға міндетті.
  

Студент ақы төленетін жұмыс орнына және лауазымына кіріскен сәттен бастап оларға Қазақстан республикасының жалпы еңбек заңдылықтары, еңбекті қорғау және ішкі тәртіп ережелері таратылып беріледі.

Жұмыс орнына алынбаған студенттерге де сол кәсіпорында (ұйымда) қолданыстағы еңбекті қорғау талаптары мен жұмыс күнінің режимі таратылып беріледі.

Тәжірибе кезеңінде кафедрадан тағайындалған тәжірибе жетекшісі оны ұйымдастыру және өткізу сұрақтары, жеке тапсырма және дипломдық жұмыс жазу үшін материалдар жинау бойынша кеңестер беріп отырады.

Тәжірибеден өту орнында болу кезінде студенттің орындаған жұмысының тәжірибе бағдарламасына және күнтізбелік жоспарға сәйкестігін тексеру мақсатында тәжірибеден өту күнделігі (2-қосымша) тексеріледі.

Тәжірибеден өту орнына бармас бұрын студент бағдарламамен танысуы керек, ұсынылатын анықтамалық және арнайы әдебиеттермен танысуы, тәжірибе жетекшісінен кеңес алуы; тәжірибеден өтуге жолдама және қажет болған жағдайда тәжірибеден өту бағдарламасын алуы тиіс.

Өндірістік тәжірибеден өтуге кәсіпорынға келген студенттерде бағдарлама мен тәжірибеден өтуге жоолдамадан өзге студенттік билет, жеке куәлігі және ұйымда ішке өту үшін рұқсат қағаз рәсімдеуге (қажет болған жағдайда) фотосы (3*4) болуы қажет.
Тәжірибеден өту орындарына қызметтің әр түрлі сферасындағы және меншік формасындағы кәсіпорындар, мекемелер мен ұйымдар, ғылыми – зерттеу институттары мен қажетті материалдық-техникалық базасы, құрал-жабдықтары мен ақпараттық технологиясы бар өзге де шаруашылық және коммерциялық құрылымдар жатады.

Тәжірибеге жіберіліп отырған студент тәжірибеден сапалы өтуді қамтамасыз ету үшін:

• 
  уақытында тәжірибеден өтуге өтініш жазуға;
  
• 
  тәжірибе басталғанға дейін сәйкес кафедрадан жеке тапсырма, күнделік жүргізу тәртібі, жеке тапсырманы орындау әдістемесі көрсетілген тәжірибе бағдарламасын; кәсіпорынға жолдама, кәсіпорыннан тағайындалған тәжірибе жетекешісі үшін сауалнама алу, техника қауіпсізідігі бойынша инструктаж өтіп және журналға қол қоюға;
  
• 
  тәжірибе бағдарламасын, жеке тапсырманы оқу және қажетті кеңестер алуға;
  
• 
  тәжірибеден өту үшін тәжірибе орнына уақытында баруға;
  
• 
  кәсіпорыннан тағайындалған тәжірибе жетекшісіне жолығып, оны бағдарламамен және жеке тапсырмамен таныстыру, тәжірибеден өту бойынша нұсқау алуға міндетті.