Б. К. Кенжембетова сурет салу әдістемелік нұсқау Мектепке дейінгі тәрбие мен оқытудың үлгілік оқу бағдарламасы

 күн – солнце, шөп – трава. 

Педагог сурет үлгісін көрсетіп жұмыс жүргізеді. 

Педагог  балаларға  арналған  сурет  үлгісінде  ненің  жетпей  тұрғанын  сұрайды. 

Педагог шөпті салып, суретті толықтыруды ұсынады. Содан соң қылқаламды жасыл түсті 

гуашьқа  батырып  алып,  оны  төменнен  жоғары  қарай  сүйкей  жағу  тәсілін  көрсетеді. 

Шөптің  ұшына  қарай  жіңішкере  беретініне  балалардың  назарын  аударады.  Яғни,  түп 

жағын  салғанда  қылқаламды  батырыңқырып,  ал  шөптің  басына  қарай  қылқаламның 

ұшымен  ғана  бояу  жағу  тәсілін  орындап  көрсетеді.  Шөптерді  көбірек  салсаңдар 

суреттегідей аралар, көбелектер бізге де қонаққа келеді деп қызықтырып қояды. 

Біз кішкентай баламыз, 

Өсіп-өніп, толамыз. 

Күнге қарай талпынып, 

Көкке қолды созамыз. 

Балалар жұмысқа кіріседі.  Сурет салмас бұрын бояуды жағуды ауада салып көрсетеді. 

Жұмыс уақытында педагог балаларға гуашьты қылқаламмен, шөптің суретін салуды еске 

түсіреді. Жеке жұмыстар жүргізеді, балалардың жұмыстарын бақылап, көмектеседі.