16.13
Шетелдік ПОҚ университетке шақыру үшін шақырушы жоғары
оқу орны тарапынан немесе тікелей маманның өзімен серіктестік жөніндегі
шарттың міндетті түрде болуы қажет. Тиісті кафедра АСД-мен сапар
бағдарламасын, лекциялық сағаттарды, мақсатты аудиторияны келіседі.
Университет басшылығының оң шешімі шыққан жағдайда халықаралық
ынтымақтастық бөлімі шетелдік ғалымның атына ресми шақыртуды
ресімдейді. Шетелдік ғалым келісімен қызмет көрсету туралы шартқа қол
қойылып, келген кезеңінен бастап, өтілген сағаттарға ақы төленеді.
16.4
Шетелдік оқытушының мәртебесін бақылауды, шартты
жасауды/бұзуды (қаржылық-экономикалық басқарманың келісімімен),
тіркеуді ресімдеуді заң кеңесшісі жүзеге асырады.
16.5
ПОҚ алмасқан жағдайда АҰ кезінде әрбір жоғары оқу орны өз
маманын қамтамасыз ету мақсатында шығындарды өздері төлейді.
17.
Білім алушыларды ауыстыру және қайта қабылдау.
17.1
«Тұран» университетінің студенттерін білім беру қызметіне және
мамандығына сәйкес лицензиясы бар басқа жоғары оқу орнына ауыстыру
оқу нысанына және мамандығына сәйкес демалыс (сырттай оқу нысаны үшін
ауысу жөнінде өтініш қабылдау бір айдың ішінде емтихан сессиясына бес
күн қалғанға дейін қабылданады) кезінде жүргізіледі. Ауысуға мемлекеттік
білім грантымен білім алатын, сонымен қатар барлық оқу кезеңіне GPA 2,33
кем емес үлгерімдегі айрықша құқығы бар студенттер ие бола алады.
Білім алушыны бір мамандықтан екіншісіне, бір оқыту нысанынан
екіншісіне ауыстыру ақылы негізде оқу үшін ғана жүзеге асырылады.
Сонымен қатар білім алушы кез келген оқу нысанына, мамандыққа білім
беру саласындағы уәкілетті органның орнатқан тәртібіндегі ауысу және қайта
қабылдану мерзімінен тәуелсіз ауыса немесе қайта қабылдана алады.
17.2
«Тұран» университетіндегі білім алушыларды ауыстыру мен қайта
қабылдау процедурасы оқыту нысанының ҚР БжҒМ нормативтік
құжаттарына және ҚР «Білім туралы» заңына сәйкес жүргізіледі.
17.3
Білім алушыларды ауыстыру және қайта қабылдау кезінде оқу
жұмыс жоспары пәндерімен меңгерілген өткен академиялық кезеңде
академиялық айырмашылықтар анықталады. Оқу жұмыс жоспары
пәндеріндегі академиялық айырмашылықтар меңгерілген пәндердің тізімі
негізінде, транскриптте немесе білім беруді аяқтамағаны жөніндегі
анықтамада (ары қарай анықтама) олардың бағдарламалары мен
академиялық сағаттары немесе кредиттердің көлемі анықталады.
Оқу жұмыс жоспары пәндеріндегі академиялық айырмашылықты жою
үшін білім алушылар осы пәндерге жазылады, академиялық кезең ішінде
барлық оқу сабақтарының түрлеріне қатысады, барлық ағымдық бақылау
түрлерін тапсырады, қорытынды бақылау рұқсат алады.
Егер ағымдағы академиялық кезеңнің оқу сабақтары кестесіне пәндердің
академиялық айырмашылықтары енгізілмеген жағдайда, білім алушылар
оларға жазғы семестрде жазылады.
39
Пәндердің оқу жоспарларындағы академиялық айырмашылықтарды
жою мерзімі мен тәртібі ағымдағы оқу жылына факультет деканы өкімімен
ресімделеді және білім алушылардың жеке оқу жоспарына енгізіледі.
Пәндердің оқу жұмыс жоспарындағы академиялық айырмашылықтар
белгіленген мерзімде жойылмаса, академиялық қарыз ретінде тіркеледі.
17.4
Білім алушыны ауыстыру немесе қайта қабылдау кезінде олардың
әрі қарай оқу курсы пререквизиттерді есепке ала отырып айқындалады. Бұл
ретте жоғары оқу орындары ағымдағы оқу жылы ішінде тапсыруға қажетті
пререквизиттер тізбесін анықтайды.
Білім алу кезеңінде Қазақстан Республикасының Қарулы Күштері
қатарында әскери міндетін өтеуге шақырылған білім алушылар тиісті оқу
курсына қайта қабылданады.
Меңгерілген кредиттерді қайта есептеу білім беру бағдарламаларын,
меңгерілген пәндер тізбесінің мазмұнын, олардың көлемін, алынған білімді,
білікті, дағдылар мен құзыреттерді, сондай-ақ оқыту нәтижелерін салыстыру
негізінде жүргізіледі.
Оқу пәндері бойынша меңгерілген кредиттерді қайта тапсыру кезінде
қорытынды бақылау нысанындағы айырмашылық ескерілмейді.
17.5
Білім алушы шетелдік білім беру ұйымынан ауыстырылған немесе
қайта қабылданған кезде меңгерілген оқу бағдарламалары туралы құжат
(академиялық анықтама немесе транскрипт), сондай-ақ Қазақстан
Республикасы Білім және ғылым министрінің 2008 жылғы 10 қаңтардағы № 8
бұйрығымен бекітілген, Нормативтік құқықтық актілерді мемлекеттік тіркеу
тізілімінде № 5135 болып тіркелген Білім туралы құжаттарды тану және
нострификациялау қағидаларында белгіленген тәртіппен Қазақстан
Республикасында нострификациялау рәсімінен өтуі тиіс білім берудің
алдыңғы деңгейін аяқтағаны туралы құжат ұсынылады.
17.6. 1-
курстың бірінші семестрінен кейін шетелдік ЖОО-дан ауыстыру
немесе қайта қабылдану кезінде, тұлғалар 17.5-тармақта көрсетілген
құжаттарды, сондай-ақ Қазақстан Республикасы Білім және ғылым Министрі
міндетін атқарушының 2007 жылғы 23 қазандағы № 502 "Білім беру
ұйымдары білім беру қызметінде пайдаланатын қатаң есептіліктегі
құжаттардың нысанын бекіту туралы" бұйрығымен бекітілген (Нормативтік
құқықтық актілерді мемлекеттік тіркеу тізілімінде № 4991 болып тіркелген)
үлгідегі ұлттық бірыңғай тестілеу (бұдан әрі – ҰБТ) немесе кешенді тестілеу
(бұдан әрі – КТ) сертификатын ұсынады.
ҰБТ мен КТ-ға қатыспаған немесе өту балын жинамаған тұлғалар
Қазақстан Республикасының 2007 жылғы 27 шілдедегі "Білім туралы"
Заңының 5-бап, 12-тармақшасына сәйкес уәкілетті органмен бекітілген, ҰБТ
және КТ өткізу қағидаларында көрсетілген мерзімде КТ тапсырады.
17.7.
Шетелдік ЖОО-дан ауыстыру немесе қайта қабылдану кезінде
тұлғалар 1-курстың бірінші семестрінен кейін 17.5-тармақта көрсетілген
құжаттарды, сондай-ақ шетелдік ЖОО-ға түсер алдындағы сынақ
нәтижелерін ұсынады.
40
