11.2
Мемлекеттік емтихан өткізуді "Қазақстанның қазіргі заман тарихы"
оқу пәнін оқытатын кафедра (бұдан әрі - кафедра) факультет деканатымен
және офис регистратормен бірлесе отырып жүзеге асырады.
11.3
"Қазақстанның қазіргі заман тарихы" пәні бойынша мемлекеттік
емтиханды өткізу үшін кафедра аталған пән бойынша үлгілік оқу
бағдарламасы негізінде оқудың барлық нысаны мен мамандықтары үшін
бірыңғай оқу жұмыс бағдарламасын әзірлейді және ол университеттің
Ғылыми кеңесімен бекітіледі.
11.4
"Қазақстанның қазіргі заман тарихы" пәні бойынша мемлекеттік
емтиханды өткізу нысанын университеттің ғылыми кеңес шешімі негізінде
дербес анықтайды.
11.5
"Қазақстанның қазіргі заман тарихы" пәні бойынша мемлекеттік
емтиханды қабылдау үшін факультет деканының ұсынысы бойынша
күнтізбелік жылға мемлекеттік емтихан комиссиясы (бұдан әрі – МЕК)
құрылады.
11.6
"Қазақстанның қазіргі заман тарихы" пәні бойынша МЕК төрағасы
мен құрамы ғылыми кеңес шешімі негізінде ЖОО басшысының бұйрығымен
бекітіледі.
11.7
МЕК отырыстарының кестесін офис регистратор академиялық
күнтізбеге сәйкес құрады және оны университет басшысы мемлекеттік
емтиханның басталуына дейін екі аптадан кешіктірмей бекітеді. МЕК
отырысының ұзақтығы күніне 6 (алты) академиялық сағаттан аспайды.
11.8
Мемлекеттік емтихан қорытындысы білім алушылардың білімін
бағалаудың балдық-рейтингтік әріптік жүйесі бойынша бағаланады.
Бұл ретте, қорытынды баға жіберілу рейтингісінің бағасы мен
мемлекеттік емтихан бағасы ескеріле отырып қойылады. Жіберілу
рейтингісінің бағасы мемлекеттік емтихан бағасы пән бойынша қорытынды
бағаның кемінде 30%-ын құрайды.
11.9
Білім алушы "Қазақстанның қазіргі заман тарихы" пәні бойынша
мемлекеттік емтиханнан "қанағаттанарлықсыз" баға алған жағдайда, ол
ақылы түрде келесі академиялық кезеңде немесе жазғы семестрде осы пәнге
қайта жазылып оның барлық оқу сабақтарына қайта қатысып, ағымдық
бақылау талаптарын орындап, мемлекеттік емтиханға жолдама алады және
оны тапсырады.
11.10
"Қазақстанның қазіргі заман тарихы" пәні бойынша мемлекеттік
емтиханнан алған оң бағаны көтеру мақсатында қайта тапсыру осы
Саясаттың 9.9-тармағына сәйкес ұқсас рәсім бойынша жүзеге асырылады.
11.11
Білім алушы мемлекеттік емтихан қорытындысымен келіспесе,
емтихан өткізілген күннен кейінгі жұмыс күнінен кешіктірмей МЕК-ке
апелляция беруіне болады. Апелляция өткізу үшін университет басшысының
бұйрығымен аталған пән бойынша тәжірибелі оқытушылар қатарынан
"Қазақстанның қазіргі заман тарихы" пәні бойынша апелляциялық комиссия
құрылады.
27
11.12
"Қазақстанның қазіргі заман тарихы" пәні бойынша мемлекеттік
емтиханның қорытындысы осы емтиханды тапсыру көзделген емтихандық
сессияның қорытындысын шығару барысында есепке алынады.
11.13
Мемлекеттік емтихан аяқталған соң МЕК төрағасы МЕК-тың
жұмысы туралы есеп жазады, ол университеттің ғылыми кеңесінің
мәжілісінде талқыланады және бекітіледі.
12.
Бакалавриат бағдарламасы бойынша білім алушыларды
қорытынды аттестаттау
12.1
ЖОО-да бакалавриатта білім алушыларды қорытынды аттестаттау
МЖМББС белгіленген нысандарда өткізіледі, оның ұзақтығы мен мерзімі
академиялық күнтізбеде және мамандықтардың жұмыс оқу жоспарларында
қарастырылған.
12.2
Бакалавриатта білім алушыларды қорытынды аттестаттау мамандық
бойынша мемлекеттік емтихан тапсыру және дипломдық жұмыстарды
(жобаларды) қорғау немесе мамандық бойынша және екі бейінді пән
бойынша мемлекеттік емтихандарды тапсыру нысанында жүргізіледі.
12.3
Білім алушыларды қорытынды аттестаттау үшін жоғары білім
мамандықтары немесе мамандықтар тобы бойынша мемлекеттік аттестаттау
комиссиясы (бұдан әрі – МАК) құрылады. Оқытудың барлық нысандары
үшін бірыңғай МАК қалыптастыруға рұқсат етіледі. МАК төрағасы мен
құрамы университеттің ғылыми кеңесінің шешімі негізінде ағымдағы
жылдың 10 қаңтарынан кешіктірілмей университет басшысының
бұйрығымен бекітіледі және ол бір күнтізбелік жыл бойы қолданыста
болады. МАК құрамы бітіруші мамандардың тиісті бейініне сәйкес келетін
профессорлардан, доценттерден, жоғары білікті мамандардан құрылады.
МАК-тың сандық құрамын университет өз бетінше белгілейді.
12.4
Қорытынды аттестаттауға білім беру бағдарламаларының, жұмыс
және жеке оқу жоспарлары мен оқу жұмыс бағдарламаларының МЖМББС
талаптарына сәйкес оқу үдерісін толық аяқтаған студенттер ғана жіберіледі.
Білім алушыларды қорытынды аттестаттауға жіберу факультет деканының
өкімімен тізім түрінде құрамында білім алушылардың толық аты-жөні, тегі
көрсетілуімен қорытынды аттестаттауға екі апта қалғанға дейін рәсімделуі
тиіс. Бітіруші курстың студенті білім беру бағдарламаларының, жұмыс және
жеке оқу жоспарлары мен оқу жұмыс бағдарламаларының талаптарын
орындамаса жазғы семестрден өткізілместен оқу курсына қайта оқуға
қалдырылады.
12.5
Университет білім беру саласындағы уәкілетті органға мемлекеттік
үлгідегі білім туралы құжаттарға (диплом және қосымша) ағымдағы оқу
жылының 10-қазанына дейін күтілетін бітірушілер саны бойынша өтінім
ұсынады.
28
