Cыпатаев Ербол Мұқажанұлы (1964 - 1986 жж.)

1964  ж.  10  наурызда  Алматы  облысы  Жаркент  ауданының  Еңбекші 

ауылында  туған.  Желтоқсан  оқиғасының  (1986)  құрбаны.  Орта  мектепті 

бітіргеннен кейін 1981-1982 жж. Ауылдағы кеңшарда жүргізуші болып істеді. 

1982-1984  жж.  Кеңес  Армиясы  қатарында  болды.  1985  ж.  Алматыдағы 

энергетика  институтына  оқуға  түсті.  1986  жылдың  17-18  желтоқсанында 

болған  қазақ  жастарының  отаршылдық  және  әміршілдік  жүйеге  қарсы 

көтерілісіне белсене қатысты. 18 желтоқсан күні ауыр жараланып ауруханада 

қайтыс  болды.  Мәйітін  ауылына  ІІМ  мен  МҚК-нің  қызметкерлері  арнайы 

қарауылдап апарған. Қазақстан тәуелсіздік алған соң ғана Сыпатаев жөніндегі 

шындық  айтыла  бастады.  Ол  туралы  баспасөз  беттерінде,  Желтоқсан 

көтерілісіне байланысты жарық көрген жинақтар мен кітаптарда жазылды.  

Тағы бір өлім – Асанова Ләззаттың қазасы. Алматы музыка училищесінің 

16 жасар студенті.