5. Су сапасын жақсартудың негізгі әдістері және олардың сипаттамасы

Су сапасын жақсартудың арнайы әдістері, судың минералдық құрамын және оның органолептикалық қасиеттерін жақсарту болып табылады.

Суды өңдеудің арнайы әдістеріне жататындар:

• 
  Дегазациялау –бұл әдіс судан күкіртсутек газын және басқа да, иісі жағымсыз, газдарды кетіру үшін қолданады.
  
• 
  Суды жұмсарту – судан кальций мен магний катиондарын толық немесе ішін-ара кетіру және реагенттік, ион алмасу немесе термиялық әдіс арқылы жүзеге асырылады.
  
• 
  Суды тұзсыздандыру –судың құрамындағы тұздардың мөлшерін ауыз суда болатын мөлшеріне (1000 мг/л-ден төмен) дейін төмендету үшін жүргізілед.Оларға әр түрлі тұщыландырғыштарда (атомдық, вакуумдық, гелиотермиялық т.б), ионитті қондырғыларда суды дистильдеу арқылы, сол сияқты электрохимиялық әдіспен және мұз қатыру арқылы қол жеткізуге болады.
  
• 
  Суды темірсіздендіру - судан темірді кетіру аэрация, суға әк аралыстыру, коагуляция, катиондау арқылы іске асырылады.
  
• 
  Суды дезодарациялау - микроағзалардың болуынан және бактериялар, саңырауқұлақтар, балдырлар және әртүрлі органикалық заттардың ыдырау өнімдері болуынан пайда болған иістерді жою үшін, озондау, калий перманганатымен, сутектің асқын тотығымен өңдеу, сорбциялық сүзгілер арқылы сүзу, сияқты әдістер қолданылады.
  
• 
  Дезактивация – суды, құрамындағы белсенді заттардан тазарту;
  
• 
  Фторлау – суда фтор жетіспеген жағдайда, оған фтор қосу.
  
• 
  Фторсыздандыру – суда фтордың мөлшері көп болған жағдайда, оның мөлшерін азайту.