Күштер жұбы. Жұптың векторлық және алгебралық моменттері

Күштер жұбы немесе қос күш— бір денеге түсірілген, әсер ету сызықтары параллель болып келетін, шама жағынан тең, бағыттары қарама-қарсы екі күш жүйесі.

АҚД-ге түсетін күштер жұбы деп модульдері тең, параллель, бір біріне қарсы бағытталған және бір түзуде жатпайтын екі күштің жүйесін атаймыз . Күштердің қосындысы нөлге тең, бірақ күштер жұбы теңгерілмейді. Күштердің әсер сызығы арасындағы ең қысқа қашықтық жұптың иіні d деп, ал күштер орналасқан жазықтық жұптың әсер ету жазықтығы деп аталады. Денеге түсетін бірнеше жұптың жиынтығы күштер жұптарының жүйесі деп аталады. Жұп тең әсерлі күшке келтірілмейді. Жұптың денеге әсері жұптың әсер ету жазықтығына перпендикуляр векторлық моментімен сипатталады, бұл вектордың шамасы F∙d тең және вектордың ұшынан қарағанда, жұп денені сағат тіліне қарсы айналдыруға тырысатын болып көрінеді.

Күштер жұбын оның әсер ету жазықтығында және параллель жазықтыққа, күш модулі мен жұп иінін өзгертіп, бірақ жұп модулі мен оның денені айналдыруға тырысатын бағытын сақтап, көшіруге болады, яғни күштержұбының векторлық моменті – еркін вектор.

Жұптарды қосу туралы теорема: күштер жұптарының жүйесі векторлық моментібарлық жұптардың векторлық моменттерінің қосындысына тең бір жұпқа баламалыжәне жұптар жүйесінің тепетеңдік шарты.