Наркоманияның психикалық және физикалық бұзылыс салдары

Есірткілер мен уыттардын кұрамында және әсер ету жолдарында белгілі айырмашылықтар бар. Соған қарамай олардың дерт туындату әсерлерінде, рухани және физикалык тәуелділіктер дамытуында біршама ортақ жалпы заңдылықтар болады. Бұл жалпы ортақ белгілеріне:

• 
  жан - дүниеге әсер ететін заттарды қайталап қабылдауға деген дерттік құштарлық болуы;
  
• 
  оларға организнің төзімділігі қалыптасуы;
  
• 
  бұл заттарға рухани тәуелділік қалыптасуы;
  
• 
   оларға физикалық тәуелділік қалыптасуы – жатады;
  

• 
  есірткіні немесе уыттарға әуестендіретін затты қабылдау адамнын көңіл - күйін уақытша сергітіп, жайлылық, шаттық сезім туындатады. Сондықтан оларды қайталап қабылдауға деген ықылас пайда болады . Осындай жағдайды “нығайту ерені” - дейді.
  
• 
   оларды әрбір қабылдаудан кейінгі адамның жадыраңқы күйі дерттік жүйе қалыптасуына әкеледі. Бұл жүйе көңіл - күйдің және әл-қуаттың жайлылығын қамтамасыз ету үшін заттың кезекті жаңа өлшемдерін қабылдауды мұқтаж етеді.
  

Сонымен қатар физикалық тәуелділік пайда болып оның өзіндік салдарын береді.

• 
  көңіл - күйге әсерлі затты қабылдау біршама сирейді , бірақ оны қабылдау түрде болады;
  
• 
   бұл затты қабылдайтын адам оның өлшемін азайтады;
  
• 
  бұл затты қабылдау организмнің жайсыз жағдайын жоғалтпайды және көңіл - күйін жадыратпайды. Ол тек доғару синдромынан сақтандырады немесе оның өту ауырлығын жеңілдетеді;
  
• 
  адамның бет алпеті әжімделіп , ол тез картайып кетеді, қимыл қозғалыстарынын үйлесімсіздігі дамып , тәлтіректеш жүреді;
  
• 
  бауырдың уытсыздандыру, метаболизмдік және нәруыздар түзу қызметтерінің бұзылыстары, бауырды май басу, оның беріштенуі;
  
• 
  бүйрек қызметінің жеткіліксіздігі;
  
• 
  ми мен жүйкелердің бұзылыстары;
  
• 
   адамның ойлау қабілеті төмендеуден оның азғындауы т.б.  көріністер байқалады. Науқастың мінез - құлқы өзгеріп , ақыл - eсі кемиді, парасаты төмендейді, қоршаған ортасына кызығушылық сезімін жане өзіндік даралығын жоғалтады .