Жүктерді тасымалдау шарттарын бұзып

20. Осы Тарифтік басшылықтың (Прейскуранттың) 19-тармағында көрсетілген талаптарды сақтамағаны үшін кінәлі тарап вагондарды, контейнерлерді пайдаланғаны үшін төлемнен басқа, меншік иесінің алдында вагондарды және контейнерлерді пайдаланғаны үшін төлем мөлшеріндегі айыппұл түрінде мүліктік жауапкершілікте болады.

21. Осы Тарифтік басшылықтың (Прейскуранттың) 20-тармағымен көзделген айыппұлды төлеу кінәлі тарапты меншік иесінің алдындағы мүліктік жауапкершіліктен босатпайды.
6. Жүкті жеткізу мерзімдерін бұзғаны үшін айыппұл
22-тармаққа «ҚТЖ» ҰК» АҚ-тың 31.05.2011 жылдағы №119-Ц бұйрығына сәйкес өзгерістер енгізілген (ескі редакциясын қараңыз).

22. Жүкті жеткізу мерзімінің өтіп кеткен әр тәулігі үшін, соның ішінде тікелей аралас қатынаста тасымалдаған кезде, егер тасымалдаушы жүк алушыға мерзімнің өтіп кеткені өзінің кінәсінен болмағандығын дәлелдей алмаса, жүк алушыға жолдың темір жол бөлігі үшін, жүктерді теміржол көлігімен тасымалдағаны үшін төлемнің 5%-ы мөлшерінде, бірақ төлемнің 50%-ынан артық болмайтын мөлшерде айыппұл төлейді.

Сондай мөлшерде бос меншікті (жалға алынған) вагондарды жеткізу мерзімін өткізіп алғаны үшін де тасымалдаушыдан айыппұл өндіріп алынады.

23. Жүк жөнелтуші, жүк алушы, экспедитор Қазақстан Республикасы заңнамасының талаптарын тауарлар экспортына, импортына, транзитіне арналған құжаттарды ресімдеу бөлігінде бұзғаны, оның салдары кеден, шекара органдарының немесе бақылаудың басқа түрлерінің вагондар мен контейнерлерді кідіртіп қоюына әкеліп соққаны үшін тасымалдаушының пайдасына вагондарды, контейнерлерді пайдалану ақысы мөлшерінде айыппұл өндіріп алынады.

25. Жүкті сақтағаны үшін алым есептеледі:

жүк тасымалдаушының құралдарымен түсірілген сәттен бастап немесе жүк тиеу және түсiру орнына жүк алушының құралдарымен түсіруге вагондарды, контейнерлерді берген сәттен бастап;

станциялық жолдарда бос тұрып қалған және жүк алушының құралдарымен түсіруге жататын, тағайындалу станциясына жүктің келуі туралы жүк алушыны хабардар еткен соң 24 сағат өткеннен кейін барар жерін өзгертуді күтіп тұрған вагондарда, контейнерлерде;

жүк тиеу және түсiру орнына жүк жөнелтуші бұрын белгіленген тиеу мерзімінен бұрын әкелген кезде, жүкті нақты әкелген күннен бастап және жүк тиелуі тиіс күнмен немесе жүк жөнелтуші тиеуден бас тартқан жағдайда жүкті тасып шығарған күнмен аяқталады.

Жүкті сақтағаны үшін алым келесі мөлшерлерде алынады:

1) жүкті сақтағаны үшін (қауіптіден басқа):

1 тонна үшін 1 сағатқа 3 теңге - жабық коймаларда;

1 тонна вагондап жөнелтілімдер үшін 6ip сағатқа 2 теңге - ашық алаңшаларда;

1 тонна үшін 6ip сағатқа 3 теңге - станциялық жолдарда бос тұрған жалпы парктің вагондарында немесе меншікті (жалға алған) вагондарда;

2) қayіпті жүктерді сақтағаны үшін:

1 тонна үшін 1 сағатқа 4 теңге - жабық коймаларда;

1 тонна үшін 1 сағатқа 3 теңге - ашық алаңшаларда;

1 тонна үшін 6ip сағатқа 4 теңге - станциялық жолдарда бос тұрған жалпы парктің вагондарында немесе меншікті (жалға алған) вагондарда.

Жүк тиеу және түсiру орындарында тұрған жүкті сақтағаны үшін, жүкті кім күзеткеніне қарамастан, алым алынады.

Жүктерді тасымалдау ережелерімен көзделген жағдайларда жүкті басқа ұйымдарға тапсыру кезінде сақтағаны үшін алым станцияларда жүктерді сақтау үшін белгіленген уақыт үшін алынады.

26. Сақтау үшін алым жинақтау карточкасы бойынша:

ТехПД арқылы орталықтандырылған есеп айырысуды жүзеге асырған кезде;

орталықтандырылған есеп айырысу құқығын пайдаланбайтын, есеп айырысуды тауарлық кассалар арқылы жүзеге асыратын жүк жөнелтушілер мен жүк алушылардан ГУ-57 нысандағы әр түрлі алымның квитанциясы бойынша не болмаса ПЦ көлік картасы бойынша алынады.

27. Тасымалдаушыда жүктерді уақытында түсірмеумен, оларды тиеу және түсіру орындарынан тасып шығарумен, жүк алушылардың жүктердің барар жерін өзгертуімен байланысты туындаған технологиялық қиындықтар пайда болған жағдайда «Қазақстан темір жолы» ұлттық компаниясы» акционерлік қоғамының филиалы - жол бөлімшесінің директоры жүктерді сақтағаны үшін алымды: 24 сағаттан 36 сағатқа дейін, қоса алғанда - 2 есе, 36 сағаттан 48 сағатқа дейін, қоса алғанда - 5 есе, 48 сағаттан артық - 10 есе ұлғайтады.

Жүкті сақтағаны үшін алымның ұлғайтылған мөлшері станцияда алымның ұлғайтылғаны туралы хабарландыру ілінгеннен кейін ғана енгізіледі.

28-тармаққа «ҚТЖ» ҰК» АҚ-тың 19.07.2006 жылдағы №551-Ц бұйрығына сәйкес өзгерістер енгізілген (ескі редакциясын қараңыз).

28. Егер тасымалдаушының станциядағы өкілі жүк алушыға жүктің келгені туралы хабарламаса, онда жүк алушы жүктің келгені туралы хабарламаны жіберген уақытқа дейін оны сақтағаны үшін алым төлеуден босатылады.

29. Тасымалдаушының таразысында жүктер мен ыдысты өлшеген әр операция үшін алым мынадай мөлшерде өндіріп алынады:

жүккөтергіштігі қандай болмасын вагон үшін 735 теңге – вагон таразыларында өлшеген кезде;

1 т үшін 76 теңге – тауарлық таразыларда өлшеген кезде;

автомобиль үшін 123 теңге және автотіркеме үшін 76 теңге – автомобильдік таразыларда өлшеген кезде.

Көрсетілген алым жинақтау карточкасы бойынша:

ТехПД арқылы орталықтандырылған есеп айырысуды жүзеге асырған кезде;

орталықтандырылған есеп айырысу құқығын пайдаланбайтын, есеп айырысуды тауарлық кассалар арқылы жүзеге асыратын жүк жөнелтушілер мен жүк алушылардан ГУ 57 нысандағы әр түрлі алымның квитанциясы бойынша не болмаса ПЦ көлік картасы бойынша алынады.

Жүккөтергіштігі қандай болмасын вагон үшін 123 теңге – вагондық және элеваторлық таразыларда өлшеген кезде;

1 т үшін 47 теңге - тауарлық таразыларда өлшеген кезде;

автомобиль үшін 62 теңге және автотіркеме үшін 47 теңге – автомобильдік таразыларда өлшеген кезде.

Көрсетілген алым жинақтау карточкасы бойынша:

ТехПД арқылы орталықтандырылған есеп айырысуды жүзеге асырған кезде;

орталықтандырылған есеп айырысу құқығын пайдаланбайтын, есеп айырысуды тауарлық кассалар арқылы жүзеге асыратын жүк жөнелтушілер мен жүк алушылардан ГУ-57 нысандағы әр түрлі алым квитанциясы бойынша не болмаса ПЦ көлік картасы бойынша алынады.

31. Осы Тарифтік басшылықтың (Прейскуранттың) 30-тармағында белгіленген алым:

тексеру кезінде табиғи шығынның нормасынан артық салмақ кем болып шықса, темір жол көлігінің салмағы үшін келген жөнелтілімдер бойынша;

жүк ақаулы вагонда немесе жөнелту пломбалары ақаулы вагондарда келген жағдайда;

жүк пломбалары жоқ жабық вагонда немесе ашық жылжымалы құрамда айқын кемшілік іздерімен келген болса;

тез бүлінетін жүктердің жеткізу мерзімдерін немесе белгіленген изотермиялық жылжымалы құрамға қызмет көрсету тәртібін бұзып келуі жағдайында;

«үй заттары» атауымен жөнелтудің барлық түрлерімен тасымалдауға ресімделетін жүктерді өлшеген жағдайда;

жүк жөнелтуші көрсеткен жүкті өлшеуді бақылаулық тексерген жағдайда өндіріп алынбайды.

32. Ауыстырып тиеу пункттеріндегі теміржол көлігінің вагон таразыларында ақтарма жүктер мен төкпелі жүктерді қайта өлшеген жағдайда қайта өлшеу үшін төлем осы Тарифтік басшылықтың (Прейскуранттың) 29-тармағында көрсетілген мөлшерде есептеледі.
4. Қоймалық зиянкестер улаған вагондарды және астық қалқандарын тазарту, жуу, зарарсыздандыру, сондай-ақ

бұқырлау үшін алым
33-тармаққа «ҚТЖ» ҰК» АҚ-тың 26.12.2012 жылдағы №222-Ц бұйрығына сәйкес өзгерістер енгізілген (ескі редакциясын қараңыз).

33. Меншікті (жалға алынған) вагондар мен қалқандарды жүктерді тиеу алдында және түсіргеннен кейін бұқырлау жүк жөнелтушінің және жүк алушының құралдарымен жүргізіледі. Вагондар мен қалқандарды бұқырлауды жүк жөнелтушінің және жүк алушының құралдарымен жалпы пайдалану жолдарында жүргізу кезінде, вагондарды жалпы парк локомотивімен әкелу және әкету үшін толық емес жарты сағатты толық деп санап, локомотив жұмысының әр жарты сағаты үшін 3058 теңге мөлшерінде алым өндіріп алынады.

34. Астықты және азық-түлік жүктерін тасымалдау кезінде вагондарды тазартуды, жууды, зарарсыздандыруды, сондай-ақ вагондар мен қалқандарды бұқырлауды тасымалдаушы жүргізген жағдайда, вагондарды және астық қалқандарын тазартуды, жуу, зарарсыздандыру және бұқырлау үшін алымдар ставкалары «Қазақстан темір жолы» ұлттық компаниясы» акционерлік қоғамының филиалы – жол бөлімшесінің директоры белгілеген мөлшерде есептеледі.

35. Жүк түсіру станцияларында зарарсыздандыру, бұқырлау, жуу пункттері болмаған және вагондарды зарарсыздандыру, бұқырлау және жуу үшін ең жақын станцияға жіберу қажет болған жағдайда, жүк алушыдан қосымша, вагондардың тиесілігіне тәуелсіз, №13 тарифтік схема бойынша ось-километрге байланысты олардың жүрісі үшін төлем өндіріп алынады.

36. Егер тасымалдау шарттары бойынша вагондар мен қалқандарды бұқырлау астық пен азық-түлік жүктерін тиегенге дейін жүргізілсе, жоғарыда көрсетілген алымдар жүк жөнелтушіден өндіріп алынады.

37. Осы тарауда көрсетілген алымдар жинақтау карточкасы бойынша:

ТехПД арқылы орталықтандырылған есеп айырысуды жүзеге асырған кезде;

орталықтандырылған есеп айырысу құқығын пайдаланбайтын, есеп айырысуды тауарлық кассалар арқылы жүзеге асыратын жүк жөнелтушілер мен жүк алушылардан ГУ 57 нысандағы түрлі алымның квитанциясы бойынша не болмаса ПЦ көлік картасы бойынша алынады.

Аталған алым:

жалпы пайдалану кірме жолдарында және клиенттің кірме жолдарында вагондарды әкелгені және әкеткені үшін – осы Тарифтік басшылықтың (Прейскуранттың) №1 кестесіндегі ставкалар бойынша;

станциялық, магистральдық жолдарда вагондарды әкелгені және әкеткені үшін – осы Тарифтік басшылықтың (Прейскуранттың) №2 кестесіндегі ставкалар бойынша өндіріп алынады.

Вагондарды әкелгені және әкеткені үшін жалпы пайдалану кірме жолдарында уәкілетті органдар бекіткен кірме жолдардың реттелетін қызметтері үшін тарифтер қосымша өндіріп алынады.

«ҚТЖ» ҰК» АҚ-тың 20.12.2012 жылдағы №217-Ц бұйрығына сәйкес 38-1-тармақ қосымша енгізілген (ескі редакциясын қараңыз).

38-1. Вагондарды әкелу және әкету жалпы парктің екі локомотивімен ұйымдастырылған жағдайда жалпы пайдаланымдағы кірме жолдарға және клиенттің кірме жолдарына вагондарды әкелу және әкету үшін алымдар, сондай-ақ вагондарды станциялық, магистральдық жолдарға әкелу және әкету үшін алымдар №1 кестенің және №2 кестенің ставкалары бойынша 2 есе ұлғайтылып есептеледі.

39. Вагондарды әкелу және әкету арақашықтығы, әкелінетін және әкетілетін вагондардың орташа тәуліктік саны кірме жолды пайдалану шартында және вагондарды әкелу және әкету шартында көрсетіледі.

40. Вагондарды әкелу және әкету арақашықтығы жолаушылар ғимаратының (вокзалының) осінен кірме жолдың схемасы немесе паспортындағы деректер, станцияның техникалық-басқару актісі (ТБА) бойынша, станцияның схемасы бойынша немесе нақты өлшеумен белгіленеді.

Кірме жолда, әр түрлі кірме жолдарда орналасқан, вагондарды әкелу және әкету пункттерінің бірнешеуі болған жағдайда, вагондарды әкелу және әкету арақашықтығы әр пункт бойынша вагондардың арақашықтығы мен санына байланысты орташа өлшенген болып белгіленеді.

Жолаушылар ғимараты (вокзал) болмаған жағдайда вагондарды әкелу және әкету арақашықтығы станция бойынша кезекші жайының осінен бастап белгіленеді.