1 -2 дәріс Тақырып: Дефектология-ғылым ретінде. Дәріс мазмұны: Дефектология ғылымының мақсаты, міндеттері

№ 1 -2 дәріс

Дефектология (лат.дефект – жетімсіздік және гр. логия – ілім) – педагогиканың көру, есту, сөйлеу мүшелерінде, ақыл-ойының дамуында табиғи кемістігі бар балаларды оқыту мен тәрбиелеудің заңдылықтарын зерттейді.

Бұл саладағы зерттеу нұсқасы мүмкіндігі шектеу балалар, яғни тәрбиелеуі қиын (аномальді) балалар.

Олармен жұмыс істеу өте қызықты, сонымен қатар аса жауапкершілікті және шыдамдылықты талап етеді.

Дефектологияда дифферанциация (жіктелу) процесі жалғасуда, ғылыми зерттеулердің жаңа бағыттары туындауда (мысалы, психикалық дамуы тежелген (ЗПР) балаларды зерттеу, қозғалу аппараттарында ақаулығы бар балаларды, ақыл-ойы кем соқыр балалар немесе ақыл-ойы кем мылқау балаларды зерттеу және т.б.)

Кемтар балаларды тәрбиелеу мен оқыту – күрделі әлеуметтік және педагогикалық мәселе. Мұндағы мақсат – осы балаларды мүмкіншіліктері мен қабілеттеріне қарайқоғамдық пайдалы еңбекке дауындау. Іс-әрекет – тұлғаның негізгі әлеуметтік міндеті, сондықтан оны зерттеу және кемтар балаларда іс-әрекетті дамыту олардың әлеуметтік қалыптасуына әсерін тигізеді.

Дефектологияның төрт саласы бар. Олар:

1. 
   Тифлопедагогика - көз кемістігі бар адамдармен жұмыс істейді.
   
2. 
   Сурдопедагогика - есту мүмкіндігі нашар адамдармен жұмыс істейді.
   
3. 
   Олигофренопедагогика - ақыл есі кем адамдармен жұмыс  істейді.
   
4. 
   Логопедия - тіл кемістігі бар адамдармен жұмыс істейді.