«Орта ғасыр және дала заңдары»

Құқық пәні бойынша курс бағдарламасы 11- сыныпқа негізделе отырып отырып құрылған. Сонымен қатар оқушының құқықтық білім біліктерін арттыру аясында ҰБТ материалдарында кездесетін сұрақтарға қосымша мәлімет беру барысы да қамтылған. Осы курсы аясында оқушылар өз Отанының заңнамаларының тарихын түсініп қана қоймай, сол Ата заңымыздың тарихын меңгере отырып, оны құрметтеуге, Отан алдында әрдайым адал болуға,оны орындауға деген патриоттық сезімі қалыптасады.

1.Оқушыларға қазақтың заңдарының тарихы мен оны құрушы би ,хандардың еңбектерін дәріптеу.

2.Ұлттық құндылығы жоғары жеке тұлға тәрбиелеу.

3.Күнделікті өмірмен байланыстыра, ақпарат құралдарының мәліметтерін, ҚР Конституциясын пайдалана отырып, оқушылардың ой - өрісін, құқықтық сауаттылығын дамыту, іскерлігі мен ізденгіш қабілеттерін арттыру.

4.Сөздік қорын молайтуға, өз ойын еркін тарихи оқиғалармен байланыстыра отырып сөйлеуге дағдыландыру,заң талаптарын бұлжытпай орындауға, елжандылыққа, өз ісіне жауапкершілікпен қарауға, адамгершілікке, заңды құрметтеуге тәрбиелеу

Міндеті:

-оқушының құқықтық білмдері мен дағдыларын жетілдіру

-өзіндік ізденіс, шығармашылыққа баулу және жетелеу.

Арнайы курс бағдарламасы оқу жылындағы 34 сағатқа арналған ( аптасына 1сағат).Ата- бабаларымыздың дау –дамайларды шешудегі әділдігін,ата заңымыздың қадір қасиетін насихаттап,арғы тегімізді түгендеп, тарихымызды жаңғыртып, келер ұрпақ мақтанып айта жүретіндей жобаларды қолға алмақшымыз. Ал осыны оқыған ұрпақ ата заңымызды білуге ұмтылып, құқықтық санасы жаңғырып қолдануы негізі міндет.