6-модуль кеңесік қазақсанды қайа қҰру әрекеттері 1-Бөлім. Қазақстандағы қайта құру саясаты

6-модуль 

КЕҢЕСІК ҚАЗАҚСАНДЫ ҚАЙА ҚҰРУ ӘРЕКЕТТЕРІ 

1-Бөлім. Қазақстандағы қайта құру саясаты 

  

1.  Қайта  құру  саясатының  бағыттары  мен  кезеңдері.  1985  ж.  наурыз 

айында КСРО басшылығына М.С. Горбачев сайланды. Ол сол жылдың сәуір 

айында өзінің «қайта құру» бағытын жариялады. Горбачевтың «қайта құруы» 

әйгіленген  жүйелік  дағдарысты  «тоқырау»  құбылысы  ретінде  белгілеп, 

қоғамды  осы  кеселден  айрықтыратын  ем-дом  іздестіруге  бағыттады.  Бірақ, 

бұрынғысынша,  жаңсақ диагноз  қойылды.  Сондықтан  да  сауықтыру  жалған 

немесе жанама бағыттарға бұрылып кетіп жатты. 

Кеңес Одағында 1985-1991 жж. қайта құру кезеңі деп тарихқа енді және 

оның негізгі 3 бағыты айқындалды:  

1.  Әлеуметтік-экономикалық  дамуды  жеделдету.  Бұл  секірісті 

экономиканың құлдырау қарқынын тоқтату және жеделдету бағытына басты 

күшті жұмылдыру есебінен жасау тұжырымдалды; 

2.  Қоғамды  демократияландыру.  Бүкілхалықтық  басшылықты  жүзеге 

асыратын төменгі баспалдақтан бастап жоғарғы сатысына дейінгі Кеңестердің 

қызметін қалпына келтіру; 

3.  Елде  жариялылықты  қамтамасыз  ету.  Келеңсіз  құбылыстар 

айналасындағы халықтың ой-бүкпелерін, пікір-тұжырымдарын, ұсыныстарын 

іркілмей,  ашық  айтуына  мүмкіндіктер  беру.  Көтерілген  мәселелер  орынды, 

қажетті де заңды болды, бірақ оны іске асыруда сөз бен істің алшақтығы тап 

бұрынғыдай тағы белең алды.  

Қайта құру жылдары 3 кезеңнен тұрды:  

1-кезең: 1985 жылғы КОКП ОК-ң Сәуір Пленумы – 1987 жылдың жазы.  

2-кезең: 1987 жылдың жазы – 1989 жылдың мамыры. 

3-кезең: 1989 жылдың мамыры – 1991 жылдың тамызы.