Красота души и тела от Спорта! Жан мен тән сұлулығының басы -спорт!

Спорты

жамбыл

4

19 қаңтар, 2015 жыл

№1-2 (279-280)

Әуедоп аламаны

Ж

аңа жыл әулиеаталық 

әуедоп шеберлері 

үшін сәтті басталды. Олай 

дейтініміз, жерлестеріміз 

еліміздің солтүстік өңірінде 

орналасқан Павлодар 

қаласында 8-14 қаңтар 

аралығында  өткен Ұлттық 

волейбол Лигасының «А» 

және «Б» топтары бақ 

сынасқан жарыстардан кейін 

турнир кестесінде І орынға 

тұрақтады. 

Естеріңізге  сала  кетейік,    2014 

жылдың  желтоқсан  айында  біздің 

жерлестеріміз  Тараз  топырағында 

өткен  әуедоп  аламанында  да  ал-

дарына  жан  салмай,  оқ  бойы  озық 

шыққан болатын. 

Міне,  сол  жамбылдық  спортшы-

лар  Павлодар  шаһарындағы  жа-

рыста  аталған  жеңісті  жолдарын 

жалғап, көш бастады. Әулиеаталық 

әуедоп 

шеберлері 

сайыстың 

екінші күні, яғни 9 қаңтарда Петро-

павл  өңірінің  намысын  қорғаушы 

«Есіл»  командасымен  сынға  түсіп, 

нәтижесінде 

жерлестеріміздің 

мерейі  үстем  болды.  Есеп:  3:0 

/25:15;  25:17;  25:17/.  Біздің  пайда-

мызда.

Ә  дегеннен-ақ  осылай  жарыс 

жолын  жеңіспен  бастаған  біздің 

құрама команда екінші күні ҚР күміс 

жүлдегері  Оралдық  «Конденсат-

Жайықмұнай»  командасымен  кез-

дескен болатын. Бірақ, еліміздің Ба-

тыс аймағының абыройын қорғаушы 

команда,  біздің  құрамаға  қарсы 

тегеурінді  ойын  өрнегін  көрсете 

алған  жоқ.  Жамбылдық  спортшы-

лар оралдық құраманы да қапы да 

қалдырып,    3:0  /25:19;25:17;25:12/ 

есебімен айқын басымдыққа ие бол-

ды. 

Жалпы, 

аталған 

сайыста 

тараздық  ойыншыларға  бір  ғана 

команда  лайықты  қарсылас  бол 

білді.  Ол  Атырау  өңірінің  намысын 

қорғаушы  «Атырау»  құрамасы  бо-

латын. Дәл осы командамен болған 

кездесуде  біздің  жерлестерімізге 

біраз  тер  төгуге  тура  келді. 

Себебі,  «Атырау»  командасы  оңай 

шағылар  жаңғақ  емес  екендігін 

ойынның  алғашқы  минуттарында-

ақ  дәлелдеп  үлгерген  еді.  Бірінші 

сетте  жамбылдық  волейболшылар 

білгендерінен жаңылып, атыраулық 

құрамағе  есе  жіберді.  Есеп:  25:22. 

Алайда,  ойыншыларымыз    екінші 

және үшінші сетте сол олқылықтың 

орнын толтырды. Есеп: 26:24. Алда 

әлі бір сет бар. Соңғы төртінші сет-

те  әулиеаталық  әуедоп  шеберлері 

шеберліктерін  танытып,  /22:25; 

26:24; 25:22; 25:19/ есебімен жеңіске 

жетті.  Ал,  жарыстың  соңғы  күні 

жамбылдықтар Хромтау қаласынан 

келген  «Хромтау»  командасы-

Каратэ, шығыс жекпе-жегінің ерекше түрі. Соңғы жылдары елімізде жек-

пе  -  жектің  осы  бір  түрі  етегін  кеңге  жайып,  тек  ұлдарымыздың  ғана  емес 

нәзік  жандылардың  да  қызығушылығын  арттыра  түскен.  Тіпті,  спорттың 

«қарусыз  қол»  деп  аталатын  осы  түрінен  еліміз  әлемдік  аренада  алдыңғы 

қатардан  көрініп  жүр.  Жас  та  болса  жасындай  жарқылдап,  көк  туымызды 

көкке желбіретіп жүрген осындай каратэшілеріміздің бірі, жерлесіміз Ақерке 

Сұраншықызы. 

Ақерке Байзақ ауданы, Шахан ауылында дүниеге келген. 2010 жылы Та-

раз мемлекеттік университеті жанындағы көпсалалы колледжге түсіп, кара-

тэмен тұрақты түрде айналыса бастаған. Шығыс жекпе - жегінің бұл түрімен 

шұғылданған 5 жылдың аясында, Ақеркенің жеткен жетістіктері ауыз толты-

рып  айтарлықтай.  Атап  айтқанда,  каратэден  Қазақстан  чемпионы,  таяуда 

ғана  Тараз қаласында өткен клубтық чемпионаттың жеңімпазы, 2014 жылы 

Малайзия  қаласында  өткен  Азия  чемпионатының  қола  жүлдегері  және  ка-

ратэден спорт шебері. Ақерке қазіргі таңда жеке бапкермен, биылғы жылы 

өтетін  Азия чемпионатына қызу дайындық үстінде. Жылқы жылын жүлделі 

аяқтаған Ақерке, қой жылында да құр алақан қалмайтынын айтады. 

Талай  саңлақтың  бағын  ашқан  осындай  әлемдік  додада  жерлесіміздің, 

қазақ  елінің  атынан  өнер  көрсетуі  облысымыз  үшін  ерекше  мақтанарлық 

дүние.  Алар  асуы  мен  бағындырар  биігі  көп  Ақеркенің  болашағынан 

бапкерлері де зор үміт күтеді. Біз де өз тарапымыздан алдағы Азия чемпио-

натында Ақеркенің бабы келісіп, бағы жанатынына тілектестігімізді білдіреміз. 

 

 

Ерғали ҚАРТАЙҒАН  

БІЛІКТІ БАПКЕР

С

порт аренасында өзіндік орны бар 

республикалық, халықаралық дәрежеде 

өнер көрсетіп, айтарлықтай нәтиже 

көрсетіп жүрген спортшыларымыздың 

есімі облыстық баспасөз беттерінде 

көптеп жарияланады. Алайда, спортқа 

баулып, осынау сиқырлы әлемге жол 

ашқан бапкерлердің есімі елеусіз қалатыны 

өкінішті-ақ. 

Сондай  бапкерлердің  бірі  Жамбыл  облысындағы 

спорт  саласының  өркендеуіне  сүбелі  үлес  қосып, 

тек  облыс  көлемінде  емес  халықаралық  дәрежедегі 

спорт шеберлерін баптаған Жамбыл Абласанов. Жам-

был  қария  1939  жылы  Оңтүстік  Қазақстан  облысын-

да  дүниеге  келген.  Алматы  қаласындағы  Қазақтың 

мемлекеттік  дене  шынықтыру  және  спорт  институ-

тына  оқуға  түсіп,  аталған  оқу  орнын  үздік  нәтижемен 

тәмәмдаған. Өзінің  спорт саласындағы өмірін Жамбыл 

облысы, Шу ауданына қарасты Ленин, қазіргі Д. Қонаев 

ауылындағы кәсіптік-техникалық училищеге дене тәрбиесі және спорт жөніндегі нұсқаушы бо-

лып бастайды. Кейіннен ауыл мектебі директорының тәрбие ісі жөніндегі орынбасары болып 

қызмет атқарады. 

Аталған ауданда 1982 жылы тарихи оқиға орын алады. Дәлірек айтсақ ауданда су жаңа спорт 

мектебі ашылған еді. Жамбыл Абласанов сол мектептің басшысы болып тағайындалады. Ұзақ 

жыл бойы еткен еңбегі еш кетпей, өзі жетекшілік еткен спорт мектебі жемісін беріп, облыста ғана 

емес, республикалық дәрежеде мектептің мерейі үстем болады. Жамбыл атамыздың тәлімін 

алған самбошы М. Лышников халықаралық дәрежедегі спорт шебері атанып, ұстазының үмітін 

абыроймен ақтады. Еліміз тәуелсіздік алғаннан кейін де осы спорт мектебінен шыққан Мәлік 

Әскеров,  Евгений  Ильченко,  Әнуар  Жапаров  сынды  спортшылар  елімізде  және  шетелдерде 

өткен дүбірлі додаларда жеңіс тұғырынан көрініп, өздері тәлім алған мектептің абыройын арт-

тырды.

Ал, 1995 жылы Жамбыл Абласанов спорт саласына қосқан зор үлесі үшін «Қазақстанның 

білім беру үздігі» белгісімен марапатталып, Жамбыл облысының спорт ардагері, Шу ауданының 

құрметті азаматы атағына қол жеткізеді. 45 жыл өмірін спорт саласына арнаған  Жамбыл қария, 

өмірінің соңғы кезеңінде аудандық шахмат федерациясының төрағасы қызметін атқарған. 

Осындай білікті маманның тәлімін алған Шу ауданының жастары бүгінгі таңда айтулы ала-

мандарда топ жарып жүр. Атап айтқанда, Мереке Жүнісова, Хафиз Мұстафаев, Ғани Тоқымбеков 

сынды спорт саңлақтар әңгімемізге арқау болған Жамбыл қария басқарған мектептің түлектері.

Ерғали ҚАРТАЙҒАН

«Жамбыл Спорты»

ВОлЕЙбОлШылаРымыЗДыҢ   баҒы  жаНДы

мен  сынға  түсті.  Жарыс  кездескен 

командалардың  барлығынан  басым 

түскен  біздің  жерлестеріміз  үшін 

хромтаулықтарды  жеңу  қиындық  ту-

дырмады. Жерлестеріміз 3:0  /25:12; 

25:19;  25:21/  көрсеткішімен  тұғыр 

биігіне орналасты. Сонымен, Ұлттық 

волейбол  Лигасының  «А»  және  «Б» 

топтары  өзара  мықтыны  анықтаған 

сайыста  облысымыздың  намысын 

қорғаушы  «Тараз»  құрамасы  үздік 

атанды.  Ал,  аталған  жарыстың 

кіші  ІІІ  туры  ағымдағы  айдың  26-30 

аралығында біздің өңірде өтпек. Бұл 

орайда  біз  солтүстік  өңірде  сыннан 

сүрінбеген жамбылдық құрамаға тек 

қана сәттілік тілейміз!

Есен ӨТЕУЛІ

«Жамбыл Спорты» 

АҚЕРКЕНІҢ АЛАР АСУЫ АЛДА